2 KORÌTÙT 2:3 - Ala Ane Wene Ket Mene Warogo Wo'ninapike Wene

³ Hit enat an na'la hano'nabusak atì. Hit an na'la hano'nabumo an na'la hai hakìgì halok he, hit obogat hina'la hai hakasagat akìkì lagì. Atì nen he, an hit hinoba waganem hit en an na'la weaga'nabinogo ìlù, hinoba wesu nabìt en, wene arat helal waganogo hinoba lakhei wagagi atì o.

2 KORÌTÙT 2:3 ပူးပေါင်းရင်းမြစ်များ

KALATIA 5:10

Atì'nogo meneat he, ninoe Etagepogot ninom omakeat agosik hutik welago atì nen, an na'la nen he, “It inoabùt he, wene hùnogo mene aike oba ebesugun legat,” ìlùk, hùthikìkì lagìat o. Sa nen hit weagathinabigìlùk hina'la kagalì'logo mene atì, Ala nen ùkùm oba hegein werek o.

2 KORÌTÙT 8:22

It atem inom hogo, ninagaiyak aike lakhei wagiat o. At atì re, yì hesik tì hesik ninhùp-nanhùp apùnì aike akiluk hogo leberisikenem oabùt enagat palhoresik he, hinoba lakhei wagì atì o. At en he, “It hano hagasugun,” ìlùk etaùken hinoba lakhesikesi'mo nogo nen he, yogotak hit lebethisagalùk a'la motok akiluk hogo waga atì o.

PILEMON 1:21

Wene an nen yogohetì mene atì hat en hasuk hologo hagasiginat hìgì, ìlùk, na'la akìgìrìk en he, wene yì helal waganogo hoba lakhei wagì atì o. An nen, “Ebe wanino,” ìlùk, yogohetì mene atì, hat en atì'nogo hagatì logolìk hano mene aike inom hagasiginat hìgì, ìlùk, an neluat o.

2 KORÌTÙT 7:12

An nen sùesika helal waganogo hinoba lakhei wagagi meneat he, at aike weak hagasike atì nen lakhei wagagi hùk. Nen, at weak hagasike atì ba it aike nong agaukwa mene atì hesik lakhei wagagi hùgat o. Atì re, we, hit hinokawerek hina'la nen he: “Nit Paùlùt lak ninetawìrogo it hesik keirogo hagasusak welago hìgì,” ìlùk Ala eilhanemat, hinokawerek hinoabùt paloageip en ìlùk lakhei wagagi o.

2 TESALONIKA 3:4

Hakhisek were'ma, nit nina'la nen he, “It en he, nit en it inasuk watì lagagu mene a'nogo, yogotak higit hogo hagatìk, hobuk atì'nogo hagatìk, ìkì logogun o,” ìlùk ninoe Etagepogot ninom hutik logolìk eberogoat akìkì lago.

2 KORÌTÙT 12:21

Atì'nogo hagatenem, an waganem he, nopase Ala nen hit hinoabùt hagatì lagep atì hesik hit hineilhanem nekalì warogo nebe horothanusak atì nayùk. It apùnì hit mene aike logolegat en hìmì inagonì werek mene, ap inagagwì werek mene nen pailak haksìgìk, he salisik, ap salisik en pailak haksìgìk, inekalì lek weak motok hagatìk, o hageat en hagatarek mene heraksìlìk inoabùt hebelagì'lek motok welagaikarek atì hesik, le asi wesi nogo ìlùk nalabut hìrìk welagì o.

2 KORÌTÙT 12:11

It ap Karìsùt en inayoko hìlìk laksa wagarek mene negen hagarogo wìrìk, “At Paùlùt etage lek,” ìlùk egarek atì, an eberogoat netage lek. It esin inetagewerek hìgì! Atì'nogo lek o. Hit en hùthanìlìk agauk hogo yogonesusak meneat he, atì'nogo egesep lek atì nen he, eberogoat ap kepù nen egarek hak, yogohisìgì atì.

2 KORÌTÙT 7:8

Atì'nogo na'la hai hakìgì meneat he, an nen sùesika alep helal waganogo hinoba lakhei wagagi a'naga nen, “Ina'la weagarinapigi atì, kamo u mene napik en lakhesigi e,” ìlùk na'la ebetì lagì lek. We, “Napik en omake hesik ina'la weagarinapì,” ìlùk na'la akìkì lagarìgat he,

2 KORÌTÙT 7:6

Were'ma re, at Ala oabùt he, apùnì nen, “Niki'nogo hagasugun,” ìlùk ina'la weak arì'mo ina'la hanorinaperek a'nogo nen, at Titut lakhei wagama wagasik atì ba na'la hano'nape.

2 KORÌTÙT 1:15

Atì'nogo hùthogoinat o, ìlùk akìgì ati nen, hit hina'la hineki pìre ba hai hakoageip en ìlùk, an alebat en o Maketonia yoma waga logolìk hit hinoba ha'larìk wìrìk he, hobuk napotkwe laga logolìk hinoba ha'larìgat, o Yurea lagalùk laganem, hit en lebe'neoageip ìlùk akasigi.

1 KORÌTÙT 4:21

Mene re, an hit hinoba tùgì wolok wesu hak wìrìk nane ning hogo yogohisa wesusak walok a? At he, nane lìok hogo hinebe netawìrogo yogohisa wesusak walok a. Hit en kì hak walok akegep.

2 KORÌTÙT 1:23

An o Korìtùt hinoba wagì'lek kamo isigi atì re, hit hina'la weak asinogo ìlùk kamo isigi mene atì, at Ala na'la eileken niikerek mene nen elu o.

2 KORÌTÙT 2:9

An nen, “Hit tì'nogo haga'no,” ìlùk, yakùlhisasigi a'nogo, nane hologo hagarì'lùgì a? Lek a, ìlùk hinoabùt paligìlùk wene atì helal waganogo hinoba lakhei wagagi atì.

2 KORÌTÙT 7:16

Nen, an nen he, “It yì mane tì mene hano hagatì logogun,” ìlùk, netaùken hapuk hogo logolìk na'la hai hakìkì lagì o.

2 KORÌTÙT 13:10

Atì nenat he, nebe walegat logolìk wene yì helal waganogo hìkì lagì. Nebe hobuk wagì halok ninom logolìk he, nane pùk weak wenakhikanogo ìlùk, helal atì'nogo waganogo hìkì lagì atì. Ninoe Etagepogot en omame wo'nesikomo esewerek welagì atì re, hit hinebe weagathinabuagalùk hùk. We, hinetaùken wurigethinabuagalùk esewerek welagì o.