2 KORÌTÙT 11:3 - Ala Ane Wene Ket Mene Warogo Wo'ninapike Wene

³ Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

2 KORÌTÙT 11:3 ပူးပေါင်းရင်းမြစ်များ

KOLOSE 2:8

Atì'nogo iko were'ma, apùnì aike ina'la kagalek mene salek, wene we mene inapeliagat yogohisìkì logolìk, lalhinabinogo ìlùk he, hinoabùt hebelogo logoino. Wene atì re, Karìsùt en isike mene higit hogo ìlì'lùgì hùk. We, apùnì ta'larìk waga kolek, inopalak en he, “O yoma yì mene tì mene hìpìt he, mokareke inoabùt weak mene atìat o,” ìlùk ìkì lagaukwa mene higit hogo lalhinabì'lùgì atì.

KALATIA 1:6

At Ala nen he, hit Karìsùt oabùt hano mene a'nogo hinom hutik logouageip ìlùk hinayoko hesike meneat he, heraksalùk hepogat kwanìrogo hano wene salek hùnogoat mene oba ebesi laga lagep atì, an nayùk arì'logo.

EPESÙT 4:14

Atì'nogo hagatì logolìk, ninoabùt yekerùgì inoabùt sogoi en i ha'labu hùnogo lagìk-wagìk ikerek hak hagatarek atì hak, nit atì'nogo hagatì logouak en ìlùk, it apùnì aike inoabùt lagaksek mene nen inapeliak meneat he, eberogoat salek lalninabuogolùk, wene hùnogo wene hobugalep yogonisa wìrì'lùgì atì inane holunak lek.

KOLOSE 2:4

It aike inapeliak meneat he, inane eberogoat salek lalhinabinogo ìlùk yogohisìgì atì.

1 YOHANET 4:1

Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.

1 TIMOTÌÙT 2:14

Ati hagat, Ibilit en he, Aram tak lalhike hùk. We, he atì tak lalhikomo re, Ala ane sagalogo weak hagasike atì.

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

KALATIA 3:1

Hit apùnì o Kalatìa mene hinetaùken lek hagati lagep atì rì! Yesùt Karìsùt ebe e ba menhìlìk wasukwa wene a'nogo hineilhanemat sekek hogo yakùlhisasugu meneat he, wene hobuk sa nen hina'la kagalhomo atì'nogo hagatì lagep.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

1 YOHANET 2:18

Nagainapùrì e. O yogotak he, elùgùn oba welago o. Apùnì aike nen he, “Hobuk ap agaike Karìsùt eperak motok weak mene wesigin,” ìlùk yogohisasukwama, hinasuk holhigip atì hak, o yogotak he, Karìsùt inom weak mene inebe apik arat weinam agaikasik werek atì nen he, nit en, “O yogotak eberogoat elùgùn oba welago,” ìlùk ninetawì wekelarìk hùthìkì lago.

2 PETERÙT 3:17

Nerùgì nagaiya'lak. Hinebe netawì e. Wene atì oan haga'lagì'lek werek kolek he, hinelùrogo logouageip ìlùk sekek hogo yogohisìgì atì. Hinelu logolìk, hinokawerek hinetaùken wurik hogoat logoino. It apùnì aike inasuk ware'lek hagatarek mene atì nen, wene kolo wene yogohisìkì logolìk, hit en he, “Eberogoat”, ìlùk akìlìk hinetaùken wurik welagep mene atì kopologo hebikenem hinebe nongasinogo ìlùk, hinoabùt hebelogo logoino o.

KALATIA 4:11

An hit hesik ning hogo mep lagai'-lagak hogo hagarìk nìkì lagì a'nogo we tùlemat asigin he a, ìlùk, nayùk arì'logo nen ìgì.

2 KORÌTÙT 2:17

It apùnì aike inebe logolegat en he, yì mene tì mene oko ha abarìk lagaikarek hak, Ala ane atì'nogo at wolok lagaikarek. Meneat he, nit enek he, atì'nogo lek. We, Ala nen, at ane wolok loagalùk ninayoko hesike atì nen, at eilhanemat ninetaùken omakeat Karìsùt ninom hutigat logolìk, yogoisìlìk laga lago o.

2 PETERÙT 3:3

Wene ebe yì tak hùthasak. O wùrep oba re, apùnì aike inane sagan weak mene inetaùken nen nikenem ina'la nen kagalogo weak hagatì logolìk, hinoba wìrìk, inane sagan wokhisìkì logolìk he,

2 TIMOTÌÙT 3:13

Weaga'ninapo kolegat, it aike weak hagatì logolìk lalinabì'lùgì mene atì, it aike nen lalinapenem, it en oko-oko lalinapìgat ìkì logolìk, weak arìk arìgat hùkorogo weak akogoin atì.

1 TESALONIKA 3:5

Atì nenat, at Ibilit nina'la kagalherek mene a'nogo nen hina'la kagak wesumo, nit en hit hesik set kalogo hagatì logagu a'nogo tùlemat alema'lasusak atì nabìt e, ìlùk nalabut hìrogo logolìk, netaùken sebelusak mea agama re, “Inetaùken Karìsùt oba hìpìrìgat werek a? Lek a,” ìlùk at Timotìùt en hinoabùt palìk he, yogonesi wesuagalùk, hinoba lakhei wagì atì.

EPESÙT 6:24

Hit ninoe Etagepogot Yesùt Karìsùt kopologo hebìgì'lek, hinetawì motok logogun mene hùgì obogat, Ala oabùt hano a'nogo nen hakhisek logouak o.

KALATIA 2:4

Atì'nogo meneat he, it aike meneat he, ninagaiya'lak Ala againapùrì mene negen haga'larìk hinagasogo ki wìrìk he, ogat ekalìma mene paluagalùk isukwaat. Atì'nogo hinagasogo ki wìrìk he, nit Karìsùt ninom omakeat arìk ninalepma logolìk ninoabùt hagatorek mene atì, it en he, “Ero nìkì'nogo nen haga'lagaikasik hagarì'lùgì,” ìlùk ero herasuogolùk ki wagaukwa atì. Atì'nogo herakìlìk inawe a'ma hinìlìk, it hagatarek mene atì hagatì logouagalùk ineileken nisa ki wagaukwa atì.

2 KORÌTÙT 4:2

Nit he, apùnì nen yì mene tì mene hinagasogo weak hagataresik inekalì agarek atì mene heraksasugu. Atì'nogo heraksìlìk, apùnì lalinapìk, Ala ane wene aike mene oba labelogo yogoisìgìk, ogorek lek. Apùnì yoma ina'la lopok en hùthinoagalùk he, wene ebe wene Ala eilhanemat sele'maat yogoisìlìk nìkì lago.

TITUT 1:10

It apùnì aike logolegat ebe wene hologo higit hogo hagatì'lek hagarì'lùgì atì. Atì'nogo hagarì'lùgì atì, inebe hùkokwe re, it Yahuri inogat inekalìma mene palek mene, hano wene wanhukwasik enat he, hobuk ebe wene le'maat, we, tùlemat apùnì inawene mene ìkì logolìk, it aike lalinabì'lùgì atì.

1 TIMOTÌÙT 1:3

An o Epesùt en o Maketonia yoma wesigìlùk he, hat ha'la kagalogo wene mel ìlùk yogohesigi akìgì: “Hat hebe o yoma logoino. Logolìk he, it aike nen wene ebe mene lek. We, hùnogo mene yakùlisìlì'lùgì mene atì ìgì'lek kamo uagalùk inasuk watì logoino.

KOLOSE 2:18

Nen, it aike nen he, inoabùt inesogat logolìk hohogomat hogorakìkì logolìgat he, mel egarek atì: “Nit apùnì ninebe kepù. We, kaintek he, malaikat Ala nen yoko pelaksa wagarek mene atìat. Halok he, inawe a'ma logolìk hogorinapì logousak, ìlùk an nabìkakan hìgìrek mene nen yogohisìkì lagì atì,” ìlùk inapeliagat Karìsùt hinom hutik mene wulakhikùogolùk yogohisìlì'lùgì atì, “Eberogoat,” ìlùk hina'la akagùp o.

2 KORÌTÙT 11:29

At aike maben aga halok he, an maben asu hak, na'la weak agaregat. Nen, at aike weak mene nen a'la kagalhenem weak aga halok he, an na'mage lagaikeregat.

ÙRÙM 12:8

Nen, it aike nen, apùnì aike inetaùken ago watì logouagalùk inoabùt wogisasike mene atì re, atì'nogo hanorogo hagatì logousak o. Nen, it aike nen, inagarok mene it apùnì aike inagarok lek mene sùpùrisìkì logouagalùk inoabùt wogisasike mene atì re, inamùkwì agì'lek lebek hogo wogisìkì logousak. Nen, it aike kain logouagalùk inoabùt wogisasike mene atì re, ning hogoat hagatì logousak. Nen, it aike nen apùnì aike inetawìrinapi logouagalùk inoabùt wogisasike mene atì re, ina'la hai hakìkì logolìk inetawìrinapì logousak o.

ABÌKAKAN 20:2

Atì'nogo wolok pi wagasik, at walo hake hùko o holo nen welagaike mene etage Ibilit ìgìk, Setan ìgìk, egarek mene a'nogo, ebe hakhìlìk, yì apùnì tì lalinaperek atì hak lalinapì'lek 1.000 tahun eki hele warek a'ma baga ma'loma logouagalùk pelapesik, kwe kekalim yagarogo kelaksagarek atì hak, kwe kunci yagarogo hikenem hìgì. Atoma logopik en, hikalogo lìakhei wesusak obaat eil omake hesik hikalek logouagalùk hikalogo lìakhei wesigin.

2 KORÌTÙT 11:20

Atì'nogo hagatesep atì ba, hit hinebe it en inawe a'ma hikìlìk, hinapùrùk motok heleleng hogo nìkìk, hinagarok ineki abusak helìgìk, “Hit mea mene re, nit enek he, esin ìlùk,” inokawerek en sebirakìgì, hinelokoken lapuk hogo hinoatìk, iko kolek hinepe morogo welagep yoma rì!

EPESÙT 4:22

Alep he, hina'la yì walok tì walok akìkì lagagip atì nen lalhinapenem he, hinebe alema'lakìkì lagagip atì nen he, hinoabùt alep mene atì heraksano o.

ABÌKAKAN 12:15

Atì'nogo were'ma, at walo a'nogo nen, at he a'nogo i hu nen wolok loagalùk, i apelema nen elesi hùko motok walogo, he a'nogo ebe werekwe higit hogo lakhìkì laga.