2 KORÌTÙT 11:2 - Ala Ane Wene Ket Mene Warogo Wo'ninapike Wene

² Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

2 KORÌTÙT 11:2 ပူးပေါင်းရင်းမြစ်များ

YOHANET 3:29

Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

KOLOSE 1:28

Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

PILIPI 1:8

Yesùt Karìsùt en hit hinebe obogat etawì welagarek hak, an nen hit netawìat logolìk he “Nimom logoilo e,” ilùk, na'la eberogoat akìkì lagì mene atì, at Ala elu o.

ÙRÙM 7:4

Atì hak he, nerùgì nagaiya'lak. Hit alep he, hìmì inagonì inom hele homage hake welagaikarek ogo atì hak, wene Ala nen ninasuk wasike wene a'nogo ba homago were'ma, at Karìsùt ebe wasukwama wa'lagaike atì, hinomat wa'laga logolìk, hele hake homago welagagip mene atì arat hikalagaike atì. Atì nen he, hìmì inagonì wa'laganem aike elok woginabusak atì hak, hit Ala hesik hano hagatì logouagalùk, at Yesùt wa'lagaikesi'mo Ala nen eluguthesike mene a'nogo nen wokhinapikomo welagep o.

2 KORÌTÙT 4:14

Atì'nogo yogoisìkì logolìk, nina'la mel akìkì lago. At Ala nen he, ninoe Etagepogot Yesùt apotkwe eluguthesike atì hak, nit at ninom higit hogoat ninelugu'ninabìk he, hit ninomat Yesùt oba hina legein ìlùk ninelu.

1 KORÌTÙT 4:15

Hit Karìsùt hinom hutik were'ma re, ap wene yakùlhisìlì'lùgì mene inebe 10.000 apigat werek meneat he, hinopase re, apik hùk. We, inagainapùrì taginaparek hak, an nenat wene hano wene atì yogohisa wagagisik Karìsùt Yesùt hinom hùnogo hikasigimo welagep atì ba, hinopase naligat agagisik welagì o.

KALATIA 4:11

An hit hesik ning hogo mep lagai'-lagak hogo hagarìk nìkì lagì a'nogo we tùlemat asigin he a, ìlùk, nayùk arì'logo nen ìgì.

1 TESALONIKA 2:11

Hit Ala awe a'ma kìlìk hogoratare'ma atoma kìlìk logouageip ìlùk hinayoko hesike mene a'nogo a'la walok akikerek mene higit hogoat hagatì logouageip en ìlùk he, nit en inopaselak en inagainapùrì inasuk watarek hak, hinebe lopok hinasuk watìk, hinetaùken sebelhik, hina'la kagalhìk, ìkì lagagu a'nogo, hit hineluat o.

ABÌKAKAN 14:4

It apùnì atì inebe re, tegelek logouogolùk, hìmì inom nogo ìgì'lek logolìk, inape ba nen inapeliak aike egare'legat, nen, apùnì aike nen he, “It atì weak aike hagatama,” ìlùk ùkùm inoba housak legat mene, logolìk, Topa Eak a'nogo kwe komakwe laga halok, opolik nikenem, sùpùrùk ebe oan werek kolek, lilu tak nekarek atì hak, Ala nen yì apùnì tì apùnì ina'la nen kìgìlogo inoko palogo telinapikomo, it inebe Ala ho, Atopa ho, hisìlìk, were'ma isìgì o.