2 KORÌTÙT 10:3 - Ala Ane Wene Ket Mene Warogo Wo'ninapike Wene

³ Nit ninebe kweangma logolìk apùnì sike sìge ba weim yaparek hak yapì lago lek o.

2 KORÌTÙT 10:3 ပူးပေါင်းရင်းမြစ်များ

2 KORÌTÙT 10:4

Nit weim yapì lago atì ebe re, apùnì inasike inarìge ba yapì lago hùk. We, Ala omame apik welagarek mene a'nogo asike arìge ba, o weim kat oba ning hogo wùrìk mene atì, elok mesalusak atì ba yapì lago. It apùnì aike ina'la nen he, “Ala atì ebe ninabìt. It apùnì aike at ebe inelu asusak legat o,” ìlùk inokawerek en hogorakagarek mene atì, nit en sike sìge atì ba re, elok mabenetsasagat o. Nen, apùnì inetaùken we mene oba eberì'lùgì mene atì, nit en sike sìge atì ba Karìsùt ane hologo hagasuagalùk awe a'ma elok hisa wesusagat o.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

ÙRÙM 8:13

Hit hinoabùt apùnì hinoabùt hinesogat logolìk hagatì logogun halok, hinebe motok wa'lasugun atì. Mene re, hinoabùt atì'nogo hagasusak hagathinapenem, Ala Areagùn ayoko hìlìk, at omame ba watsìkì logogun halok he, hineluk motok logogun o.

2 TIMOTÌÙT 4:7

Sa awewerek, sa awewerek lagaikarek hak, an netaùken Ala oba hìpìrìk motok logolìk, at hesik nomamerogoat hano hagarìk waga lagarìk he, hùlì ba arat asi wagì o.

1 TIMOTÌÙT 1:18

Timotìùt naput e. An wene yì hasuk warogo yogohesik. It aike nen wene alebat hat hokawerek hesik ìkì logolìk he, “At tì'nogo hagatì logogin,” ìlùk, isukwa hak, hano wene yì hesik, weim inomamerogo yaparek hak, homamerogo yogoisìkì logoino o.

IBERANI 12:1

It apùnì alep hagarìk wagaukwa mene inabok ìlìk wago atì, inebe esa logolek ninera'lukwe yìlìng-walìng ineileken la'nisek werek atì nen he, sa awewerek sa awewerek lùogolùk yì mene tì mene inoba ekin mene korogo hùlùk lagaikarek atì hak, nit ninoba ekin yìlùk-malùk welagarek mene atì mel, ninoabùt weak hagatorek mene ninoba te'meksek motok welagarek mene atì mel, obogat korogo heraksalùk, Ala nen, “Hùlì tì hùlì lano,” ìlùk yogonisasike atì, nina'la nen he, “Ninelokoma pìkìt hùlì atì baat lùok,” ìlùk, ninomamerogo laga logouok o.

ÙRÙM 7:5

Alep he, nit ninoabùt he, apùnì inoabùt ninesogat welagagu. Atì'nogo logolìk, wene Ala nen ninasuk wasike wene a'nogo werek en, ninoba aiyage lagaikenem he, nineki ninesok ninebe abirat en weak hagatenem elùgùn oba re, motok wa'laga lagagu atì.

ÙRÙM 8:4

Alep he, nit higit hogo hagatì logouagalùk, wene Ala nen ninasuk wasike meneat he, weak hagatì lagagu atì. Weak hagatì lagagusi'mo re, hobuk nit apùnì inoabùt wanhì'lek logolìk Ala Areagùn oabùt waganogo higit hagatì lago mene hùgì at isike hak hagatì logouagalùk, weak hagatarek atì arat mabenetsasike atì.

2 KORÌTÙT 1:17

Atì'nogo wesigìlùk akasigi meneat he, hobuk kamo isigi atì re, nane pìre nen akegep? An na'la nen, “Tì'nogo hagasigin,” ìlùk wenesùgì ebetì logolìk, nokawerek na'la walok en, “Ì o,” ìlùk ning hogo ìlìk en, hobuk “Lek o,” ìlùk ìgìrek akegep?