2 KORÌTÙT 1:4 - Ala Ane Wene Ket Mene Warogo Wo'ninapike Wene

⁴ Apùnì aike yì aik tì aik hìkì logolik ina'la kolo were'ma, nit en it ina'la hano asuagalùk inetaùken sebeluagalùk he, at Ala nen nit atì'nogo yì aik tì aik hìkì logolik nina'la kolo aganem, ninetaùken sebelì'logo.

2 KORÌTÙT 1:4 ပူးပေါင်းရင်းမြစ်များ

1 TESALONIKA 5:11

Ati nen, hit yogotak ya hagatì lagep hagat, hit-hit hinasuk wat-wat ìgìk, hinetaùken ago wat-wat ìgìk, ìkì logoino o.

IBERANI 12:12

Atì nen he, hineki omama lek mene omamethìgìk, hineitep abolok ìlì'logo mene hapuguthìgìk, ino o.

YOHANET 14:18

An hogo re, hit hinebe yekerùgì suarek mene negen harakhikalùk legein lek o. We, hobuk napotkwe hisa wesiginat o.

YOHANET 14:16

Atì'nogo hagatenem, hit lebethisìkì logolìk, hinom motok logouageip en ìlùk, an nen nopase kìno yogosumo, at en ap aike pelakhisa wesigin o. At atì ebe re, Ala Areagùn ebe wene yogohisìkì logogin mene. Atì'nogo hinoba pelakhisa wesumo, it apùnì kweangma mene nen, at atì ebe inokorat. Nen, ebe ineileken hogoin legat, atì nen he, ebe wanusak mea o. Atì'nogo meneat he, hit enek he, at ebe hinom logolìk, hina'la motok logogin atì nen he, at ebe hinelu logogun o.

1 TESALONIKA 4:18

Ati nenat, wene atì ba hit-hit hina'la hanorogo, hinetaùken ago wat-wat ìkì logoino o.

2 KORÌTÙT 7:13

Atì'nogo lakhei wagagimo hagatep atì nen nit nina'la hano aga. Atì hesik nina'la hano agaat. Nen, at Titut hit obogat en ebe wanhesip hano hagatenem, a'la hano aga mene pìlìngìrogo yogonisikenem, nina'la hai motok hakogoat o.

PILIPI 1:14

An neki hele warogo hanhama welagì yì nen, Ala againapùrì aike inebe hùkokwe inetaùken ninoe Etagepogot oba hìpìrethìlìk wurik arìk he, wene Karìsùt hesik inane ba pak hogo yogoisìkì logousak inayù'lek arì'logo atì.

2 KORÌTÙT 7:4

An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.