2 KORÌTÙT 1:3 - Ala Ane Wene Ket Mene Warogo Wo'ninapike Wene

³ Ninoe Etagepogot Yesùt Karìsùt opase Ala atì hogoratì logouok o. At ninopase Ala oabùt hanoma re, apùnì yì hesik tì hesik ina'la kolo were'ma, etawìrinabìk ina'la hanoraterek.

2 KORÌTÙT 1:3 ပူးပေါင်းရင်းမြစ်များ

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

EPESÙT 1:3

Ninoe Etagepogot Yesùt Karìsùt opase Ala at hogoratì logouok o. Nit Karìsùt ninom hutik were'ma, at Ala nenat hano obogat ninetaùken hesik pogot oba nen wo'nisasikomo welago.

PILIPI 2:11

Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

EPESÙT 1:17

Hit hesik he, ninoe Etagepogot Yesùt Karisùt opase Ala hogorato motok welagaikarek mene a'nogo nen, hina'la motok kagalek mene wokhisìgìk, at ebe tùkùm hogo hùthoageip en yakùlhisìgìk, ìkì logouak en ìlùk, Areagùn wokhisoagalùk ayoko hìkì lagì.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.

2 KORÌTÙT 11:31

An wene ìgì atì re, napeliak ìgì lek o. At ninoe Etagepogot Yesùt opase Ala apnù waganogo hogorato motok logogun mane a'nogo elu.

2 YOHANET 1:4

Hit hinebe re, he omakeat mene eagwì hake logolìk, hinebe aike ninopase Ala nen ebe wene ninasuk wasike a'nogo higit hogoat hagatì lagep mene hinoabùt palhìrìk, na'la hai apik hakìkì lagì o.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

2 KORÌTÙT 7:6

Were'ma re, at Ala oabùt he, apùnì nen, “Niki'nogo hagasugun,” ìlùk ina'la weak arì'mo ina'la hanorinaperek a'nogo nen, at Titut lakhei wagama wagasik atì ba na'la hano'nape.

KOLOSE 1:3

It aike nen hit yogoisìkì logolìk he, “Hit mene hano mene Ala nen wokhisegein mene pogot oba hikikomo werek o,” ìlùk yogohisasukwama, hinetaùken Karìsùt Yesùt oba hìpìrethìlìk, hagatenem, it aike nen he, “It inetaùken Karìsùt oba hìpìrethìlìk Ala againapùrì aike obogat inetawìrogo hagarì'lùgì,” ìlùk, hinabok ikenem ninasuk holhosik he, ninhùp-nanhùbat sapan hit hesik ìkì logolìk, ninoe Etagepogot Yesùt Karìsùt opase Ala at hai watì lago o. Hit wene hano wene, Ala oabùt hano nen hagarinaperek wene a'nogo emakum yogohisa wagaukwama, hinasuk holhigisip he, eberogoat ìlùk hùthasigip atì hùlì, Ala nen hanothinabì'logo hak, hano wene atì o yì awì tì awì Wìalarìk laga logolìk, Ala nen apùnì atì'nogo hano hagarinabì'logoat.