1 YOHANET 5:1 - Ala Ane Wene Ket Mene Warogo Wo'ninapike Wene

¹ Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

1 YOHANET 5:1 ပူးပေါင်းရင်းမြစ်များ

1 YOHANET 2:29

At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

1 YOHANET 3:14

Ala nen ninebe wa'lagaikare'ma nen wo'ninabik, ineluk welagaikare'ma hinikomo welago ìlùk, nit-nit ninerùgì ninagaiya'lak ninom netawì-hetawìrogo welago atì nen hùthìkì lago o. Halok he, sa nen apùnì aike etawìrogo lek, abìt welagarek mene atì ebe wa'lagaikare'ma atomaat werek o.

1 YOHANET 4:20

Atì'nogo meneat he, apùnì nen inerùgì inagaiya'lak ineileken isagarek mene inetawì lek logolìgat he, Ala ineileken hagarek lek mene inetawì logousak akegep? Mea o. Halok he, at aike erùgì agaiya'lak apsìrì welagarek mene nen, “An Ala netawì,” ìlùk ìlì'logo halok he, apeliagat ìlì'logo o.

1 YOHANET 3:9

Nen, apùnì Ala nen taginaperek mene hùgì inebe lopok, at oabùt wìlìk hagatarek atì nen, weak hagato motok logousak lek. Inebe Ala againapùrì logolìk weak hagato motok welagaikarek lek o.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

1 YOHANET 2:10

Atì'nogo meneat he, sa nen erùgì agaiya'lak etawìrogo welagarek halok he, at ebe lìa ba motok logolìk, apùnì nen it aike waroagalùk ineram en kwe palharek atì hak, it agaike weak hagasuagalùk lalinaperek lek o.

YOHANET 15:23

At sa nen an apsìrì'niike halok, an nopase ebeat apsìrìthike o.

1 YOHANET 4:2

Hit en he, “At atì Ala Areagùn mene a'la werek a? Hùnogoat mene a,” ìlùk inoabut tak palhì logousak atì re, yì'nogo. It aike wìrìk he, “At Yesùt Karìsùt atì, Ala nen lakhei wagaikomo eberogoat abat ta'lasi wagaike,” ìlùk pak hogo egarek mene nen iko halok he, hit en he, “It atì Ala Areagùn ina'la logolìk ìlì'lùgì,” ìlùk, hùrisìkì logousak o.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

YOHANET 6:69

Nit en he, ninoe hat Ala okawerek hesik menhagalìk, eberogoat at en lakhagei wagaikomo ìlùk, hùthagagosik ninetaùken hat hoba hìpìrethogo o,” ìlùk atì'nogo yogosikomo,

1 YOHANET 3:17

Mene re, sa nen at agarok yì mene tì mene kweangma mene hìlìk logolìk, erei agaiyak aike yì mene tì mene elageik were'ma eileken hìlìgat he, aike wogotì'lek etaùken pesethike halok, at atì oabùt he, Ala nen etawì'ninaperek atì hake werek akegep? Motok lek o.

LAKSASIKE 8:36

Yogorìk motok ebekwe pìkì logolìk he, i were'ma pisukwasik, at ap kain a'nogo nen he, “I werek yì han. An ima pela'nabusak akìkì lagì. Ì a? At he, kì mene oan welagì akegen,” [

YOHANET 1:3

Ala nen yì mene tì mene obogat elalìk wagaike atì ebe re, at Ebe Wane nenat elalhike. At ebe lek logoilepma re, omakeat aike elalilep legat o.

1 YOHANET 5:5

Apùnì inoabùt inesogat logolìk weak hagatarek mene mabenetsìlìk inomame agaikarek atì sanì nen nogo? Atì re, nit en, “Yesùt atì Ala aput,” ìlùk ninetaùken at oba hìpìrethogorek mene hùgì nenat o.

1 YOHANET 5:18

Nit Ala againapùrì ta'ninape mene at aput emakum tasike mene a'nogo nen se'nisek were'ma, at oabùt weak mene a'nogo nen eki ha'nisegein lek o. Halok he, nit weak hutik motok hagatì logousak lek, ìlùk ninelu o.

LAKSASIKE 8:37

ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]