1 YOHANET 4:9 - Ala Ane Wene Ket Mene Warogo Wo'ninapike Wene

⁹ Mene re, Ala nen, “Hit hinebe netawì welagì,” ìlùk hukalogo sele'matheigìlùk, aput omakeat tago a'nogo nen, ninelugu'ninabuagalùk kweang'ma pelabi wagaike atì.

1 YOHANET 4:9 ပူးပေါင်းရင်းမြစ်များ

YOHANET 3:16

Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

1 YOHANET 5:11

At Ala nen aput hesik wene pak hogo yogonisìkì logolìk, “Inebe ineluk motok welagaikarek atì, ero re, an napurat ma re, an nen Yesùt ebe wokhisìkì logolìk, nabùlal-habùlal ebe mene wokhisasigi atì,” ìlùk yogonisasike.

ÙRÙM 8:32

At okawerek aput etawì agì'lek nit obogat hesik wa'lasuagalùk lakhei wagaike. At oabùt hano nen atì'nogo wo'nisasikesik he, yì mene tì mene oba louk hogo wo'nisegein lek nogo? Wo'nisegeinat o.

YOHANET 6:57

An nopase eluk motok welagarek mene nen lakhani wagaikomo wagagi a'nogo, at eluk welagarek atì nen an neluk welagìrek atì hak, sa nen, an nebe niko halok, an neluk welagìrek atì nen, at elugat logogin o.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

1 YOHANET 3:16

At Karìsùt en tak nit etawì'ninapikesik, ebe nit hesik wa'lagaike atì nen, nit en it apùnì aike inetawìrinaparek wene atì, hùthìkì lago. Hùthìkì logolìk, at hagasike atì hak, nit ninerùgì ninagaiya'lak inebe ninetawì nen, ninebe it hesik wa'lasusak hanoat o.

YOHANET 10:10

Nen, it ap yogot wanharek mene wagaikarek atì, wam topa wam yogot hinatìk, inoatìk, inebe motok legetsìgìk, hagasuogolùk wagaikarek meneat he, an wagagi atì nek he, it apùnì yì mene tì mene api'mo oba hilarogo welagaikarek atì hak, inebe ineluk motok logouagalùk inelugurinabì'mo nen ebe mene oba hilarogo logouagalùk wagagi o.

YOHANET 6:51

Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.

YOHANET 3:18

Halok, sa nen etaùken an noba hìpìrethiko halok he, Ala nen ùkùm oba hìlìk weagathegein lek meneat he, an nen etaùken an Ala aput omakeat tago mene yì noba hìpìrethìgì'lek atì nenat, weagathegein mene ùkùm arat oba hikomo werek o.

IBERANI 1:5

Ala nen at yogotì logolìk, “Hat an naput o. Hebe yogotak takhapì,” ìlùk, yogosike atì hak, it malaikat mene aike wene atì'nogo yogoisasike nogo? Lek o. Nen aike re, “An he, at opase asigin. Nen, at he, an naput asuak,” ìlùk it malaikat aike yogoisasike nogo? Legat o.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

LUKAT 4:18

“It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

MAREKÙT 12:6

Atì'nogo heleleng hogo inoasukwama re, at eyabu esewerek mene a'nogo aput etaùken hutik mene omakeat atì nek agaikomo re, at en he, An naput yìat inoba lakhoumo re, inane agauk hogo hai warogo wanugun o, ìlùk akasikesik he, ebe hobuk inoba lakhei wagaikeat.

1 YOHANET 4:16

Nit en, “Ala nen etawì'ninaperek atì hùthogosik eberogoat,” ìlùk akìkì lago. At oabùt he, etawì'ninapo motok welagarek atì nen, sa nen oabùt he, apùnì etawìrinapo motogat welagarek halok he, Ala nen at eperak hutik motok, nen, at en Ala eperak hutik motok, welagaikarek.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 6:29

at en he, mel yogoisasike: “Ala a'la akikerek mene hit en hagasusak atì ebe re yì. Hinetaùken an Ala nen lakhani wagaikomo wagagi mene yì, noba hìpìrethousak atìat o,” ìlùk yogoisasikomo,

YOHANET 8:29

At lakhani wagaike mene a'nogo, oba lìok ikerek mene nek hagatìrek atì nen he, at en an nebe kopologo herakhanhì'lek neperak hutik motok welagorek o,” ìlùk yogoisasike.

YOHANET 9:3

at Yesùt en he, mel yogoisasike: “Ero ap yì mel, opase agosa mel, weak hagasukwa ba eileken mùm ta'lagaike hùk. At he, Ala nen ap yì hagatenem apùnì nen ineileken hìlìk, at Ala nen hagaterek mene inelu asuagalùk ta'lagaikomo o,” ìlùk yogoisasikesik,

1 YOHANET 5:13

Hit hinetaùken Ala aput oba hìpìrìk welagep mene hùgì hina'la nen he, “Nabùlal-habùlal ese agosik welago,” ìlùk, hinelu asuageip ìlùk, wene obogat yì helal waganogo hinoba lakhei wagì o.