1 YOHANET 4:6 - Ala Ane Wene Ket Mene Warogo Wo'ninapike Wene

⁶ Mene re, nit he, ninebe Ala againapùrì mene logolìk ninane ikenem, it aike Ala ebe inelu mene halok, inasuk holhìk, nen, it aike inebe Ala againapùrì mene hùk, hùnogoat halok he, inasuk holhì'lek heraksìgìk, egarek o. Atì'nogo ikenem nit en he, “Ala ebe mene Areagùn it atì ina'la werek, nen it agaike atì mokareke lalinaperek mene ina'la werek,” ìlùk enagat hùrisogorek atì.

1 YOHANET 4:6 ပူးပေါင်းရင်းမြစ်များ

YOHANET 10:27

Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

YOHANET 15:26

“Hit lebethisìkì logouagalùk Ala Areagùn ebe wene yogoisoagalùk wagarek mene atì, an nen nopase were'ma nen hit hinoba lakhei waganem he, at en an nabok pak hogo yogohisìkì logogin o.

1 YOHANET 4:1

Nerùgì nagaiya'lak. Netawìlak e. Apùnì inebe apigat en he, “Nit en Ala ane yogohisìkì lago,” ìlùk inapeliak ìlì'lùgì mene inebe arat weinam agaikasik, o yì awì tì awì nùgì atì nen he, aike hinoba wìrìk, wene yogohisikenem, hit en he, “Ala Areagùn a'la logolìk yogonisìlì'logo,” ìlùk hinetaùken inoba hìpìrethùgùp o. At he, “Eberogoat Ala Areagùn a'la logolìk ìlì'logo a? Hùnogo mene a'la logolìk yogonisìlì'logo a,” ìlùk inoabùt tak palìk en, inebe hùrisìkì logoino o.

1 YOHANET 4:4

Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.

YOHANET 18:37

at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

1 KORÌTÙT 14:37

At aike nen he: “An nen Ala ane yogohisoagalùk, Ala Areagùn nen noabùt atì wo'netomo,” ìgìk, i a, at he, “Hùnogo mene hagasuagalùk wo'netomo,” ìgìk, ike halok he, at en he, “Wene Paùlùt en ike atì re, ninoe Etagepogot en ninasuk wasike mene, helal waganogo ninoba lakhei waga atì,” ìlùk at hùthìlìk wanuak o.

YOHANET 16:13

Atì'nogo meneat he, Ala Areagùn, ebe wene ikerek mene atì wìrìk he, kwe inokotma inelu mene nen yakùlisagarek atì hak, ebe wene obogat hùthoageip en ìlùk yakùlhisìkì logogin o. Atì'nogo yakùlhisìkì logogin atì re, wene at a'la nen kagalogo ìkì logogin lek o. We, at asuk holherek mene nek ìkì logolìk he, hobuk haga'lasigin mene yogohisìkì logoginat o.

1 YOHANET 4:8

Nen, at Ala oabùt he, nit etawì'ninapo welagarek atì nen, sa nen netawì-hetawìrogo logogin lek halok, at atì nen Ala ebe okot werek o.

1 TIMOTÌÙT 4:1

Ala Areagùn nen wene pak hogoat yogonisìkì logolìk he, “O wùrep oba, apùnì aike Ala ane eberogoat ìlùk akìlì'lùgì mene nen, wene atì, Ninabìt, ìlùk heraksalùk he, Ibilit agoromì nongorinaparek mene inawe a'ma kìlìk, wene it en yakùlisagarek wene atì hakhìlìk hagatì logogun.

YOHANET 13:20

“At sa nen, apùnì an nen laksegein mene woginape halok he, anat wo'nabigin o. Nen, at sa nen an wo'nape halok he, at an lakhani wagaike mene a'nogoat wanigin o, ìlùk eberogoat yogohisìgì,” ìlùk yogoisasike.

YOHANET 8:19

it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

LUKAT 10:22

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Ala aput atì sa ìlùk apùnì obogat inokot meneat he, an nopase aligat enek elu welagarek. Ati hak he, an nopase Ala atì sa, ìlùk apùnì obogat inokot meneat he, aput an naligat enek nelu welagìrek o. Nen, Ala aput an nenat na'la akìlìk en, nopase ebe apùnì aike inelu asuagalùk nane pak hogo yogoisegein mene hùgì atìat inelu agaikarek o,” ìlùk, yogoisasike.

YURAT 1:17

Mene re, nerùgì nagaiya'lak. Hinebe netawì e. It ap njnoe Etagepogot Yesùt Karìsùt en inayoko hìlìk laksa wagaike mene nen wene hageat yogohisasukwa mene atì hina'la ebe'no o.

2 PETERÙT 3:2

Wene atì, it ap hageat Ala nen inayoko hesikomo at ane yogoisìkì lagaukwa mene nen isukwaat. Nen, ninoe Etagepogot ninebe telninapùkwe a'nogo nen wene ninasuk wasike mene, nit ninayoko hìlìk hinoba lakhina wagaikomo yogohisasuguat.

2 KORÌTÙT 10:7

An nen wene weinam mene igin yì re, hùthano. At aike a'la nen he: “An nebe re, Karìsùt mene welagì,” ìlùk hùthike halok he, okawerek en oabùt palìki logolìk, “An nebe Karìsùt mene hake re, it Paùlùt lak atì'nogoat,” ìlùk hùthoak o.

ÙRÙM 11:8

Atì'nogo mene hesik Ala nen he, mel isike: “Ineileken hìgìk, inesako holhìk, inogo ìlùk, inepekwe wongothesigimo, yogotak atì'nogo werek o,” ìlùk isikomo helal waganogo hesukwa.

ÙRÙM 1:1

Hit Ala againapùrì o Ùrùm welagep mene nerùgì nagaiya'lak. At Ala hinebe etawì mene obogat an Paùlùt Karìsùt Yesùt atitigeke mene a'nogo nen wene helal waganogo hinoba lakhei wagì atì o. An nen hano wene a'nogo apùnì yogoisìlìk nìkì logouagalùk, Ala nen wenagasogo menhanhikesik lakhani wagaike o.

YOHANET 20:21

Atì'nogo hai hakasukwama, at Yesùt en wene aike inom hobuk mel yogoisasike: “Nagoromì. Hinagùt a'ma. An nopase nen lakhani wagaike atì hak, an nen hit atì'nogoat lakhikegein o,” ìlùk yogoisasike.

YOHANET 10:16

Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o.

YOHANET 8:23

at en mel yogoisasike: “An nebe re, pogot abel pokwe mene wagagisik welagì o. Mene re, hit enek he, abel makwe yoma mene. Hinawì ero kweangma yomaat o. Mene re, an nawì ero kweangma yoma lek o.

YOHANET 10:3

At wam esewerek logolìk serogo welagarek mane atì, ebe waga halok, at aike wam awì kwe ba kagalek welagarek mene nen kwe hùthikenem, at wam esewerek a'nogo nen ane hakhikenem, it wam topa wam en, at ane inasuk holharesi'mo nogo nen he, inetage lopok waisìlìk, wogisek eta'ma wùlùperek o.

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.