1 YOHANET 4:20 - Ala Ane Wene Ket Mene Warogo Wo'ninapike Wene

²⁰ Atì'nogo meneat he, apùnì nen inerùgì inagaiya'lak ineileken isagarek mene inetawì lek logolìgat he, Ala ineileken hagarek lek mene inetawì logousak akegep? Mea o. Halok he, at aike erùgì agaiya'lak apsìrì welagarek mene nen, “An Ala netawì,” ìlùk ìlì'logo halok he, apeliagat ìlì'logo o.

1 YOHANET 4:20 ပူးပေါင်းရင်းမြစ်များ

YOHANET 13:35

Hit-hit atì'nogo netawì-hetawìrogo hagatì logogun halok, it apùnì obogat ineileken hisìlìk, It yì Yesùt agoromì eberogoat hìgì, ìlùk inelu asugun o,” ìlùk yogoisasike.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

1 YOHANET 1:6

Nen, nit he, ninane ba nen, “At ninom hutik welago,” ìlùk ìkì logolìgat he, o mùmmo logolìk inoabùt hagatarek mene atì hagatì lago halok he, ebe mene hagatì'lek ninapeliak ìkì lago o.

1 YOHANET 1:8

Atì'nogo meneat he, nit en ìkì logolìk he, “Nit weak agaike hagatì'lek,” ìlùk ìkì lago halok he, ninapeliak ninokawerek lalìkì lago atì nen, ebe wene nina'la motok lek o.

1 YOHANET 2:11

Atì'nogo meneat he, sa nen erùgì agaiya'lak apsìrì welagarek halok he, at ebe o mùm oba werek o. Atì'nogo were'ma, mùm nen eileken mùmethikomo ebe o mùm oba nìkì logolìk, “Koma laga lagì heat,” okot oake palek werek o.

1 YOHANET 2:4

Mene re, sa nen, “An he, Ala ebe nelu,” ìlùk ìkì logolìgat he, at en wene ninasuk waterek wene atì hologo higit hogo hagatì'lek halok he, at apeliak ikerek atì. Halok, ebe wene atì a'la motok lek o.

1 YOHANET 2:9

Nen, sa nen, “An nebe lìa ba welagì,” ìlùk ìkì logolìgat he, erùgì agaiya'lak apsìrì halok he, o hageat en pìkìt yogotak ya, at ebe mùm oba werek o.

1 YOHANET 3:17

Mene re, sa nen at agarok yì mene tì mene kweangma mene hìlìk logolìk, erei agaiyak aike yì mene tì mene elageik were'ma eileken hìlìgat he, aike wogotì'lek etaùken pesethike halok, at atì oabùt he, Ala nen etawì'ninaperek atì hake werek akegep? Motok lek o.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.