1 YOHANET 4:17 - Ala Ane Wene Ket Mene Warogo Wo'ninapike Wene

¹⁷ At Karìsùt welagarek atì hak, nit kweangma atì'nogoat welago atì nen, hobuk Ala nen nit ninanema waganogo ùkùm ninoba hìgìk, kotìk, igin atì like ninekalì lek logogun. Ninekalì lek hogo logouagalùk he, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

1 YOHANET 4:17 ပူးပေါင်းရင်းမြစ်များ

MATÌÙT 10:15

Yogotak he, an nane eberogoat yogohisak. Hobuk ninopase Ala pogot oba mene nen ùkùm inoba hìgìk, kotìk, ìgìn atì sapùl he, it apùnì o Sorom Komora mene atoma re, ùkùm inoba hìlìk weagarinabigin meneat he, se negenat o. Meneat he, it apùnì o sili hit wokhinapì'lek herakhikogoin mene atì nek he, ùkùm ekin mene inoba hìlìk motok weagariìnabigin o,” ìlùk yogoisasike.

MATÌÙT 10:25

Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

MATÌÙT 11:22

Meneat he, an nane eberogoat yogohisak. Hobuk o elùgùn oba Ala nen ùkùm hinoba hìgìk, kotìk, ìgìn atì sat he, it apùnì o Tìrùt Siron atoma ùkùm inoba hìlìk se negen inoasigin meneat he, hit enek he, motok ekin hogo negen hinoasigin o, ìlùk yogohisìgì.

MATÌÙT 11:24

Hobuk Ala nen ùkùm inoba hìgìk, kotìk ìgìn atì sat he, it apùnì o Sorom welagaukwa mene ùkùm inoba hìlìk se negen inoasìgìn meneat he, hit enek he, motok ekin hogo negen hinoasìgìn o, ìlùk yogohisìgì,” ìlùk yogoisasike.

MATÌÙT 12:36

Halok he, an wene yì yogohisak. Hobuk Ala nen manema waganogo ùkùm inoba hìgìk, kotìk, igin atì sapùl he, apùnì inane we tùlemat egarek mene atì hesik ùkùm inoba hegeinat o.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

YOHANET 17:22

Nit ninebe omakeat welagorek atì hak, it atì'nogoat inebe omakeat logouagalùk, an nebe hat en esine'napigin hak, an nen it arat esinethisìgì o.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

IBERANI 9:27

Nit apùnì omake hesik wa'larì'mo nen, hobuk ùkùm ninoba hìgìk, kotìk, igin ìlùk, at Ala nenat isike atì hak,

YAKOBÙT 2:13

Hit en he, apùnì hinetawìrinapì'lek halok he, Ala nen he, etawìthinapì'lek, ùkùm hinoba hegeinat o. Mene re, apùnì aike inetawìrogo welagaikarek mene atì Ala nen inanema wanhì logolìk ùkùm inoba hegein lek o.

YAKOBÙT 2:22

At etaùken Ala oba hìpìrethìgìk, eki ba nen hagatìk, eperak lapuk hogoat hagasike atì. Eki ba nen hagasike atì ba etaùken Ala oba katok hogo hìpìrethesike ìlùk, hat en hùthasagat o.

2 PETERÙT 2:9

Atì'nogoat he, apùnì aike Ala walok mene hagatenem ina'la kagaligìluk waganem, ninopase Ala Etagepogot en telinapìk, nen it aike weak hagarì'lùgì mene halok, ùkùm hobuk inoba heigìlùk, hagisek welagìk, atì'nogo hagasusak elu logolìgat elok hagasigin o.

2 PETERÙT 3:7

Mene re, pogot atì mel, kweang atì mel hobuk etu ba weagatheigìlùk Ala ane atì baat elama hesik hesogo logopik he, apùnì Ala ebe inabìt logolìk inoabùt weak hagarì'lùgì mene atì, ùkùm inoba hìlìk weagarinapìk, kweang pogot weagathìgìk, omake likeat hagasigìlùk eram enat eki hesogo werek o.

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.

1 YOHANET 2:5

Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

1 YOHANET 3:3

Nit nina'la nen, “Atì'nogo haga'lasugun,” ìlùk, oba eberek welagorek mene ninebe lopok on, at okawerek ebe tegelek welagarek atì hak, nit atì'nogoat tegelìkì logousak o.

1 YOHANET 3:7

Nagainapùrì e. It apùnì agaike nen lalhinabi nogo ìlùk hinoabùt hebelogo logoino o. Sa nen oabùt higit hogo hagaterek halok he, at Karìsùt oabùt higit hogo hagaterek atì hagat, hagato werek o.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.