1 YOHANET 4:15 - Ala Ane Wene Ket Mene Warogo Wo'ninapike Wene

¹⁵ Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

1 YOHANET 4:15 ပူးပေါင်းရင်းမြစ်များ

1 YOHANET 5:5

Apùnì inoabùt inesogat logolìk weak hagatarek mene mabenetsìlìk inomame agaikarek atì sanì nen nogo? Atì re, nit en, “Yesùt atì Ala aput,” ìlùk ninetaùken at oba hìpìrethogorek mene hùgì nenat o.

ÙRÙM 10:9

Hape ba nen he: “Ninoe Etagepogot he, Yesùt at o,” ìlùk pak hogo igik, nen, ha'la nen he: “Yesùt ebe wa'lagaikesi'mo re, Ala nen eluguthesikomo werek o,” ìlùk eberogoat akìgìk, umo re, telhabiginat o.

MATÌÙT 10:32

Atì'nogo yogoisasikesik, aike mel yogoisasike: “Sa nen, Yesùt atì an noe o, apùnì ineilhanem ane pak hogo iko halok he, an hogo re, At atì an nagot o, ìlùk nopase pogot oba mene eilhanem, nane pak hogo iginat o.

1 YOHANET 4:2

Hit en he, “At atì Ala Areagùn mene a'la werek a? Hùnogoat mene a,” ìlùk inoabut tak palhì logousak atì re, yì'nogo. It aike wìrìk he, “At Yesùt Karìsùt atì, Ala nen lakhei wagaikomo eberogoat abat ta'lasi wagaike,” ìlùk pak hogo egarek mene nen iko halok he, hit en he, “It atì Ala Areagùn ina'la logolìk ìlì'lùgì,” ìlùk, hùrisìkì logousak o.

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

PILIPI 2:11

Atì'nogo kìlìk, inape ba lopok ninopase Ala hogoratì logolìk he, “Ninoe Etagepogot Yesùt Karìsùt atìat o,” ìlùk, pak hogo ugunat atì.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

LUKAT 12:8

Atì'nogo yogoisasikesik, aike mel yogoisasike: “Sa nen, Yesùt atì an noe o, ìlùk apùnì ineilhanem, pak hogo iko halok he, an abat ta'lasi wagagi a'nogo nen hogo re, At yì an nagot o, ìlùk, it malaikat Ala nen yoko laksa wagarek mene amanogo ineilhanem nane pak hogoat yogoisegein o.

2 YOHANET 1:7

Atì'nogo hagatì logousak atì re, it apùnì inebe apigat en, “Yesùt Karìsùt atì abat ta'lasi wagì'lek,” ìlùk, lalinaparek mene inebe weinam agaikasik kweangma o yì awì tì awì obogat nùgì atì nen, netawì-hetawìrogo hagatì logousak ìgì atì o. It atì inebe re, Karìsùt inom motok weak logolìk apùnì lalinaparek mene a'nogoat o.

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

1 YOHANET 2:23

Sa nen, “Ala aput atì, ebe nabìt,” ìlùk kogologo laksike halok, opase Ala ebe wanhì'legat o. Nen, sa nen, “Ala aput ebe atìat o,” ìlùk ane pak hogo ike halok, opase Ala ebe wanheat o.

1 YOHANET 2:24

Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

LAKSASIKE 8:37

ìlùk yogosikomo, at Pilipùt en he, “Noe. Hetaùken omakeat logolìk, Yesùt oba hìpìrethegetik egen halok he, ima pelakhabusagat o,” ìlùk yogosikomo, at ap a'nogo nen he, “At Yesùt Karìsùt atì, eberogoat Ala apurat o, ìlùk na'la akìgì,” ìlùk yogosike.]