1 YOHANET 4:14 - Ala Ane Wene Ket Mene Warogo Wo'ninapike Wene

¹⁴ Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

1 YOHANET 4:14 ပူးပေါင်းရင်းမြစ်များ

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 12:47

An kweangma yoma pi wagagi atì re, apùnì ùkùm inoba heigìlùk pi wagagi hùk. We, inebe telinabigìlùk pi wagagi atì nen he, at sa nen an nane asuk holìgat he, nane hologo hagatì'lek halok, an nenat ùkùm oba hegein hùk. Lek o.

YOHANET 3:11

Nit en wene ninelu meneat yogohisìgìk, nineileken hogo meneat eberogoat ìlùk, pìlìngìrogo yogohisìgìk, ogorek meneat he, ninane atì holhì'lek hinobaken nene hagatì lagep ìlùk, nane eberogoat yogohetì lagì.

YOHANET 3:32

At eileken hasike mene mel, asuk holhike mene mel, pak hogo yogoisiko kolek meneat he, it apùnì obogat en he, at en wene pìlìngìrogo yogoisikerek mene atì, inobaken nene heraksìlì'lùgì o.

YOHANET 3:34

At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

YOHANET 5:39

Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

LAKSASIKE 18:5

Ina'la kagalhenem he, it Silat Timotìùt eperak o Maketonia nen wagaukwama re, at Paùlùt hùnogo mene aike hagatì'lek, we, wene atìat yogoisiko motok welagaike. It apùnì Yahuri mene mel yogoisasike; “Ala nen he, Karìsùt lakhei wesigin ìlùk wene wa'nisasike a'nogo re, ebe Yesùt wagaike atìat o. An nelu,” ìlùk pak hogo yogoisìkì lagaike.

1 PETERÙT 5:12

An nen wene horoat atì hinasuk warogo hinoba lakhei wesigìlùk he, helal wanuagalùk an nagot Ala aput Silat oabùt hùpùnsek hìgìrìk he, ayoko hìgìma wanhomo hinoba lakhei wagì atì. Ala oabùt hano nen haga'ninabì'logo mene ebe yìat ìlùk, an nelu logolìk eberogoat yogohisìgì o. Halok, hinetaùken atì baat hìpìrìk logolìk, ning hogo metek logoino, ìlùk wene helal waganogo hinoba lakhei wagì atì.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

1 YOHANET 5:9

Wene apùnì nen hukalogo yogonisikenem, “Eberogoat,” ìlùk huthogorek atì mea. Atì'nogo meneat he, at Ala ebe aput abok pak hogo yogonisasike atì nek he “Motok eberogoat,” ìlùk hùthasagat o.