1 YOHANET 4:12 - Ala Ane Wene Ket Mene Warogo Wo'ninapike Wene

¹² Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

1 YOHANET 4:12 ပူးပေါင်းရင်းမြစ်များ

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

1 YOHANET 2:5

Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.

1 YOHANET 4:20

Atì'nogo meneat he, apùnì nen inerùgì inagaiya'lak ineileken isagarek mene inetawì lek logolìgat he, Ala ineileken hagarek lek mene inetawì logousak akegep? Mea o. Halok he, at aike erùgì agaiya'lak apsìrì welagarek mene nen, “An Ala netawì,” ìlùk ìlì'logo halok he, apeliagat ìlì'logo o.

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

1 YOHANET 4:6

Mene re, nit he, ninebe Ala againapùrì mene logolìk ninane ikenem, it aike Ala ebe inelu mene halok, inasuk holhìk, nen, it aike inebe Ala againapùrì mene hùk, hùnogoat halok he, inasuk holhì'lek heraksìgìk, egarek o. Atì'nogo ikenem nit en he, “Ala ebe mene Areagùn it atì ina'la werek, nen it agaike atì mokareke lalinaperek mene ina'la werek,” ìlùk enagat hùrisogorek atì.

1 TIMOTÌÙT 1:17

Ninopase kain Etagepogot Ala atì aligat o. At ebe nineileken hogorek lek. Walhobak esok motok welagarek mene atìat o, ìlùk, hogoratìk, hai watìk, iko motok logouok o, ìlùk, “Amin,” ìgì atì.

IBERANI 11:27

Atì'nogo akìlìk wùlìpikesik he, etaùken Ala oba hìpìrethìlìk, “Ap kain Piraùn atì a'mage lagousak atì nayùk e,” ìlùk a'la akìgì'legat, Ala ebe nineileken hogorek lek mene atì eileken hìkì logolìk negen, “Netaùken at oba lakhìgìrì'mo re, wùlìbiginat o,” ìlùk o Mesit heraksalùk wùlìbi wagaike atì.

1 KORÌTÙT 13:13

Motok logogin he, ninetaùken Ala ba hìpìrìk welagorek atì inom, hano asigin ìlùk nina'la hai hakogorek atì inom, apùnì inebe ninetawìrogo welagorek atì inom, wene ebe hìnagan atemat logogin. Meneat he, ebe esin hake re, apùnì inebe ninetawìrogo logousak atìat o.

1 YOHANET 4:16

Nit en, “Ala nen etawì'ninaperek atì hùthogosik eberogoat,” ìlùk akìkì lago. At oabùt he, etawì'ninapo motok welagarek atì nen, sa nen oabùt he, apùnì etawìrinapo motogat welagarek halok he, Ala nen at eperak hutik motok, nen, at en Ala eperak hutik motok, welagaikarek.