1 YOHANET 4:11 - Ala Ane Wene Ket Mene Warogo Wo'ninapike Wene

¹¹ Nerùgì nagaiya'lak. Netawìlak e. At Ala nen nit atì'nogo etawì'ninapike atì nen, nit hogo re, nit-nit netawì-hetawìrogo logouok o.

1 YOHANET 4:11 ပူးပေါင်းရင်းမြစ်များ

KOLOSE 3:13

Hit-hit aike nen aike weak hagathinapenem, eken hìgì'lek hinepe morogo logolìk, sagalogo heraksìkì logoino. Hit weak hagatì lagagip mene, ninoe Etagepogot en sagalogo heraksasike hak, hit-hit atì'nogoat sagalogo heraksìkì logoino o.

YOHANET 13:34

Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o.

1 YOHANET 3:23

At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

LUKAT 10:37

ap a'nogo nen he, mel yogosike: “Ap atì warek were'ma ap aike wagaikesik etawì nen lebethasike atìat o,” ìlùk yogosikomo, at Yesùt en mel yogosike: “Halok he, hat atì'nogo hagarìk lan o,” ìlùk yogosike.

EPESÙT 4:31

Inane aik weak ìgìk, ina'makwe heperìgìk, ina'mage lagalìk, inane uarek-puarek wene palhìk, inapeliak inabok weak palhìk, egarek mene atì heraksìkì logolìk he, weagarinaparek mene inom obogat heraksìkì logoino o.

1 YOHANET 2:7

Nerùgì nagaiya'lak. Hinebe netawì e. Wene ket wene hinasuk warogo helal waganogo hinoba lakhei wagì hùk. We, holoat Ala nen hinasuk warogo yogohisasikomo ero ba nenat hesogo welagasep mene o. Wene atì re, at Ala nen hinasuk holoat wasikomo holhigip mene a'nogoat o.

1 YOHANET 3:11

Wene Ala nen he, “Hit-hit netawì-hetawìrogo logoino o,” ìlùk yogonisasike mene, apùnì aike nen yogohisasukwama ero ba nen hinasuk holhigip atìat o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

2 YOHANET 1:5

Atì nen he, nerei e. Wene ket mene helal waganogo heagwi hinomat were'ma hinoba lakhei wagì hùk. Lek o. We, nit ebe wene atì hùthasugumo, at Ala nen nit-nit netawì-hetawìrogo logouagalùk ero ba nenat ninasuk wasikomo ninelu mene a'nogo helal waganogo hinoba lakhei wagì atì o.