1 YOHANET 3:9 - Ala Ane Wene Ket Mene Warogo Wo'ninapike Wene

⁹ Nen, apùnì Ala nen taginaperek mene hùgì inebe lopok, at oabùt wìlìk hagatarek atì nen, weak hagato motok logousak lek. Inebe Ala againapùrì logolìk weak hagato motok welagaikarek lek o.

1 YOHANET 3:9 ပူးပေါင်းရင်းမြစ်များ

MATÌÙT 7:18

E hano meneat he, eken he, e weak mene eken isu hak aike isusak lek. Atì hak he, e weak meneat he, eken he, e hano mene eken isu hak aike isusak legat.

YOHANET 1:13

Eserinapikomo, at againapùrì agaukwa atì re, apùnì inagainapùrì taka walok en holelinabìk mep mene logalogo taginaparek atì hak hùk. We, at Ala nenat taginapike o.

YOHANET 3:3

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo,

ÙRÙM 6:2

Motok mea o. Nit weak hagatì lagagu atì hesik he, arat wa'lagagusigat he, hobuk weak hagatì logousak nogo? Mea o.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

1 PETERÙT 1:23

Ala nen hobuk takhinapike atì, apùnì wa'lagaikarek mene nen taginaparek atì hak takhinapike hùk. We, Ala eluk esok motok logolìk ane lek agì'lek logogin mene ba takhinapike o.

1 YOHANET 2:29

At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.

1 YOHANET 3:6

Ati nenat, nit at ninom hutik motok welago mene hùgì, ninebe lopok weak hagato motok welagorek lek. Mene re, it apùnì aike weak enek hagato motok welagaikarek mene inebe lopok he, at ebe ineileken hìgì'lek inokorat werek o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

1 YOHANET 5:18

Nit Ala againapùrì ta'ninape mene at aput emakum tasike mene a'nogo nen se'nisek were'ma, at oabùt weak mene a'nogo nen eki ha'nisegein lek o. Halok he, nit weak hutik motok hagatì logousak lek, ìlùk ninelu o.

3 YOHANET 1:11

Nagaiyak e. Hebe netawì. Hat en he, it apùnì inoabùt weak hagatarek mene atì, inoabùt wanhùn o. We, it inoabùt hano hagatarek mene halok, inoabùt wanhì logoino o. Sa nen oabùt hano nek hagaterek mene atì ebe Ala againapùrì meneat he, sa nen oabùt weak enek hagaterek mene halok, at en Ala ebe eileken hikere'lek okot o.