1 YOHANET 3:8 - Ala Ane Wene Ket Mene Warogo Wo'ninapike Wene

⁸ Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

1 YOHANET 3:8 ပူးပေါင်းရင်းမြစ်များ

IBERANI 2:14

At en he, “Apùnì atì an nagainapùrì,” ìlùk isike atì re, nit apùnì wa'lagorek mene hesik isike atì nen he, at ebe wa'laga logolìk, nit apùnì wa'lagorek mene ero at Ibilit eki ba welagarek mene atì, at Yesùt en at Ibilit ebe mabenetsìgìk,

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

KOLOSE 2:15

At Karìsùt ebe e atì ba wa'laga logolìk, Ibilit agoromì kaintek inomame werek mene inom mabenetsìlìk he, apùnì nen selei mene inom weim yapì logolìk inomame arìk, inebe ineluk hele warogo apùnì ineilhanem wogisek wagaikarek hak, at Karìsùt en sele'ma inekalì wasike atì.

ÙRÙM 16:20

At Ala apùnì inetaùken hapuguthikerek mene a'nogo nen, at Ibilit atì hinesok en al lebelogo heraksoagalùk hepogat hinawe a'ma hei wesigin werek o. Ninoe Etagepogot Yesùt oabùt hano a'nogo nen sethisek logouak o.

YOHANET 16:11

Nen, aike re, Ala nen apùnì kweangma mene inoe kain a'nogo ùkùm oba hìlìk mabenethesikomo werek atì nen, at lebethisìkì logogin mene atì wìrìk he, Ala nen ùkùm inoba hìgìk, kotìk, ikerek atì hesik hukalogo yogoisa wesiginat o.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

2 PETERÙT 2:4

It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.

MAREKÙT 1:24

“Yesùt aua Nasaret mene yì! Hat en nìkì'nogo haga'ninabigìlùk wagen. Nit weaga'ninabigìlùk wagen a? Hat hebe re, Ala okawerek hesik menhagaikesik lakhagei wagama wagen atì, an nen hùthagagì o,” ìlùk ane hùkorogoat yogosike.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

LUKAT 10:18

at Yesùt en he, mel yogoisasike: “Ibilit atì eilhabùt yegelogo lakhei wagarek hak, pogot oba nen pi waganem neileken hasigi o.

1 YOHANET 3:10

Ala againapùrì mel, Ibilit againapùrì mel, ninetawì wekelogo inoabùt enagat haga'larì'lùgì re, yì. Sa nen oabùt higit hogo hagatì'legat, erùgì agaiya'lak etawìrinapì'legat, hagarì'logo halok, at atì ebe Ala aput lek o.

MATÌÙT 13:38

Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

ABÌKAKAN 20:10

Atì'nogo niko kolek, at yeke lo yeke hake a'nogo ho, at aike nen, “An Ala ane yogoisìkì lagì,” ìlùk apeliagat lalinaperek mene a'nogo ho, i laut etu mene yekele'ma hetalì al hake obasi weak mene etage belerang inom-inom amulok niko motok welagam'ma atom wouk hogo pelaksasike a'nogo atoma were'ma, Ibilit a'nogo hobuk inoba wouk hogo pelaksikoma inom atoma logolìk, likene hùako heinet wato moto'-motok logogun isìgi.

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.

1 YOHANET 3:5

At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.

YURAT 1:6

Nen, at Ala nen it malaikat yoko pelaksa wagarek mene hagasusak mene sùpùrogo wogisasike meneat he, it aike nen inagaiya'lak hagasusak mene inaphane haga'lùk he, inokawerek inaua heraksasukwama, Ala nen hele motok logogin mene ba ineki hele warogo o motok mùmmo kweang abel makwe hisasikomo werek atì. Atì'nogo motok logopik en, hobuk apùnì ùkùm hùkorogo inoba hegein atì like, it inomat inoba heigìlùk he, ineki hele hikalinabigin atì hina'la ebe'ni.

MATÌÙT 4:3

Atì'nogo nele were'ma re, at Ibilit ina'la kagalìk nikerek mene a'nogo oba wìrìk he, “Hat eberogoat Ala aput halok he, helep aroma sùpùrùk horoti mene haga'lasuak en yogosin o,” ìlùk, yogosikomo re,

MATÌÙT 12:28

Meneat he, an nen nopase Areagùn omame ba mokareke inoabùt weak mene atì apùnì ina'la kìlìk were'ma henogo wulaksìkì lagì halok he, Ala nen awe a'ma hisegein a'nogo arat hinoba hakok i waga o.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.

1 YOHANET 1:2

Nen, at eluk motok welagarek mene atì, ebe opase eperak eluk motok welagaikesik en, opase nen nit nineileken hoagalùk weinamethesikomo nineileken hasugusik enat abok yogohisìkì lago o.