1 YOHANET 3:3 - Ala Ane Wene Ket Mene Warogo Wo'ninapike Wene

³ Nit nina'la nen, “Atì'nogo haga'lasugun,” ìlùk, oba eberek welagorek mene ninebe lopok on, at okawerek ebe tegelek welagarek atì hak, nit atì'nogoat tegelìkì logousak o.

1 YOHANET 3:3 ပူးပေါင်းရင်းမြစ်များ

MATÌÙT 5:48

Halok he, ninopase Ala pogot oba mene oabùt hano motok katoksek logolìk etawìrinaperek hùk, hit atì'nogoat hinetawìrinapì logoino o,” ìlùk yogoisasike.

LUKAT 6:36

Halok he, ninopase etawìrinaperek hak, hit en apùnì hinetawìrinapì logoino o,” ìlùk yogoisasike.

YOHANET 17:19

It inebe hat hokawerek hesik ebe wene ba wenago logouagalùk he, an it hesik nebe hat hagagìrìk wenago welagì o.

LAKSASIKE 15:9

It hùnogoat hagarinapìk, nit hùnogoat haga'ninapìk, ìgì'lek o. We, it en Yesùt ane eberogoat ìlùk wanhukwama re, at en ina'lakwe horinapike atì.

ÙRÙM 15:12

Nen aike re, at Yesaya nen he, mel ìlùk helal waganogo hesikeat: “E mùtaresi'mo nen ero ba asìmìt hulelherek hak, at Isaì nen tagokwe mene aike weinam asigin. Weinam aganem he, it apùnì etakwe mene at awe a'ma logolìk, at en hano'ninabigin, ìlùk at oba eberek logogun o,” ìlùk helal waganogo hesike.

2 KORÌTÙT 7:1

Halok he, nerùgì nagaiya'lak. Hinebe netawì e. At Ala nen atì'nogo logogun ìlùk abok yogonisasike atì nen, ninebe nen, ninetaùken nen, weak hagatorek mene atì, hanorogo horogo hebisùok o. Atì'nogo hebisìlìk, Ala ebe ninayùk logolìk he, ninebe at hesik hisìlìk logouok en, ninetaùken katok hogo wurigethìkì logouok o.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

TITUT 3:7

At Yesùt oabùt hano nen ùkùm ninoba mene korogo wokhìlìk, Ala ninom ninapotkwe hùnogo hinasikomo, nit nina'la nen he, “Nineluk motok logogun o,” ìlùk akìkì lago atì higit hogo eseweregat asuagalùk Ala Areagùn wo'nisasike ìlùk,

IBERANI 12:14

Hit hinebe tegelogo Ala mene hisìgì'lek logogun halok he, at ebe hineileken hogoin motok lek atì nen he, apùnì obogat hinom hano lapuk hogo logolìk, hinebe at hesik hisìlìk weak hagatì'lek hano tegelek motok logouogolùk hinomamerogo hagatì logoino o.

IBERANI 6:18

Wene hopuk palogo yogoisasike atì re, nit Ala awe a'ma ki wago mene hùgì nina'la nen, “Hano'ninabigin,” ìlùk eberek welago mene ninetaùken hapuk hogo logouagalùk nirat yogonisasike. Abok ìgìk, hopuk palhìk, wene pìre isike atì, nit en he, Ala apeliak ikerek motok lek, ìlùk ninetaùken hapuk hogo logouagalùk yogonisasike atì.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

YAKOBÙT 4:8

Hit Ala oba lopok hogo lagep halok he, at hogo re, hinoba lopok hogo wesiginat o. Hit weak hagatì lagep mene atì, hineki bakwe horogo hebisìkì logoino o. Hinetaùken pìre agorek atì, hina'la weak mene horogo laksìkì logoino o.

1 PETERÙT 1:15

At Ala nen he, “An noabùt weak hagatì'lek keksek motok welagìrek atì nen, hit hogo re, an hesik hinoabùt keksek motok logoino o,” ìlùk isikomo helal waganogo hesukwa atì nen, hit en yì mene tì mene hagatì logolìk, hinoabùt at Ala hinayoko hesike mene oabùt hakeat keksek motok logolìk hagatì logoino o.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

1 YOHANET 4:17

At Karìsùt welagarek atì hak, nit kweangma atì'nogoat welago atì nen, hobuk Ala nen nit ninanema waganogo ùkùm ninoba hìgìk, kotìk, igin atì like ninekalì lek logogun. Ninekalì lek hogo logouagalùk he, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.