1 YOHANET 3:24 - Ala Ane Wene Ket Mene Warogo Wo'ninapike Wene

²⁴ Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

1 YOHANET 3:24 ပူးပေါင်းရင်းမြစ်များ

1 KORÌTÙT 3:16

Nit ninebe Ala awì wùrìgat, ìlùk he, hinokot nogo? Ala Areagùn nina'la awì wùrogo welagarek, ìlùk he, hinokorat nogo?

2 TIMOTÌÙT 1:14

Ala nen he, “Wene hano mene atì apùnì aike nen weagatheinogo ìlùk, hanorogo ha'narek logoino,” ìlùk, ninoba hesike mene atì, at Areagùn nina'la hesikomo werek atì omame ba hanorogo hesogo logoino.

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

1 KORÌTÙT 6:19

Hit en he, “Ala nen, Areagùn wo'nisasikomo, ninebe at awì wùrìk welago,” ìlùk he, hinokot nogo? Hinebe hinokawerek esewerek hùk. At esewerek o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

2 KORÌTÙT 6:16

At Ala awì wùrìrik atì mel, tùgì atì mel, inom omakìma lapuguthousak? At Ala eluk motok welagarek mene awì wùrìk he, nit ninebe yìat o. At an he, mel isike. “It ina'la an nawì wùrogo logogin o. Ina'lakwe ama nìkì loungin o. It inopase Ala anat logogin o. Nen, an nagainapùrì irat logogun o,” ìlùk isike atì nen he.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

1 TESALONIKA 4:8

Wene atì hit aike nen heraksìkì lagep halok he, nit apùnì ninane mene heraksìkì lagep hùk. Lek o. We, Ala nen Areagùn hit wokhisikerek mene a'nogo ane meneat heraksìkì lagep o.

1 YOHANET 2:3

Wene Ala nen ninasuk waterek wene atì, hologo higit hogo hagatì lago halok he, at e be ninelu o, ìlùk atì ba nen ninetawì wekelogo hùthìkì lago.

1 YOHANET 2:5

Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

1 YOHANET 2:24

Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.