1 YOHANET 3:23 - Ala Ane Wene Ket Mene Warogo Wo'ninapike Wene

²³ At en wene ninasuk wasike atì, ebe re: “Hit hinetaùken an naput Yesùt Karìsùt oba hìpìrethìlìk, at en yogohisike atì hagat, hit-hit netawì-hetawìrogo logoino o,” ìlùk ninasuk wasike atìat o.

1 YOHANET 3:23 ပူးပေါင်းရင်းမြစ်များ

YOHANET 13:34

Atì'nogo yogoisasikesik, wene aike mel yogoisasike: “Hit en hagatì logousak mene wene ket mene aike yogohisak: An nen hit netawìrogo welagìrek atì hak, hit atì'nogoat, hit-hit netawì-hetawìrogo hagatì logoino o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

YOHANET 15:12

Hit en hagatì logouageip en ìlùk, wene ebe yìat hinasuk warogo yogohisak: An nen hit netaùken hutik welagì atì hak, hit en atì'nogoat hit-hit netawì-hetawìrogo logouageip en ìlùk yogohisìgì o.

YOHANET 6:29

at en he, mel yogoisasike: “Ala a'la akikerek mene hit en hagasusak atì ebe re yì. Hinetaùken an Ala nen lakhani wagaikomo wagagi mene yì, noba hìpìrethousak atìat o,” ìlùk yogoisasikomo,

1 PETERÙT 4:8

Wene esin hake re, hit-hit netawì-hetawìrogo hagatì logolìk, aike nen aike weagathegein mene sagalogo motok legethogoin atì nen, hit-hit hinerùgì hinagaiya'lak hinom netawì-hetawìrogo motok hagatì logoino o.

1 YOHANET 3:11

Wene Ala nen he, “Hit-hit netawì-hetawìrogo logoino o,” ìlùk yogonisasike mene, apùnì aike nen yogohisasukwama ero ba nen hinasuk holhigip atìat o.

1 YOHANET 4:21

Ati nen, at Karìsùt en ninasuk watì logolìk: “Ala hinetawìrogo logolìk, hinerùgì hinagaiya'lak hinetawìrogoat logoino o,” ìlùk yogonisasike atì.

1 TESALONIKA 4:9

Nen, hit-hit hinerùgì hinagaiya'lak hinom hinetawìrogo logouageip ìlùk, Ala nen elogat yakùlhisìlì'logo atì nen he, hobuk an nen nìkì'nogo halok, “Hit hinerùgì hinagaiya'lak hinom hinetawìrogo hagatì logoino,” ìlùk, helal waganogo hinoba lakhei wesusak. Legat o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

MAREKÙT 9:7

Atì'nogo ikenem he, ohena sebelinabi wagaikesik, at Ala ane ohena a'nogo a'la nen, mel yogoisasike: “An naput netaùken hutik mene ebe arìat o. Halok, at ane holek logoino o,” ìlùk yogoisasikomo re,

MATÌÙT 22:39

Nen, wet atì eperak higit he, aike yì Hit hinokawerek hinebe hinetaùken hutìk welagasep atì hak he, it apùnì aike hinom welagasep mene atì hinetaùken hutik logoino o, ìlùk isike mene esin aike atì.

LAKSASIKE 16:31

it en he, “Hetaùken ninoe Etagepogot Yesùt oba hìpìrethegein halok he, hat hebe mel, hagainapùrì mel, hinebe obogat telhinabigin o,” ìlùk yogosukwa.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 14:1

At Yesùt en wene atì'nogo yogoisasikesik, hobuk he, aike mel yogoisasike: “Nagainapùrì. Hit hina'la nen he, Eige, ìlùk hinalabut hìrogo logogùp o. Hinetaùken Ala ba hìpìrethìgìk, an noba hìpìrethìgìk, ìkì logoino.

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.

YOHANET 1:12

Atì'nogo hebisasukwa meneat he, it apùnì aike nen, at ebe wìlìk he, inetaùken at oba hìpìrethesukwama, Ala againapùrì ebe mene asuagalùk eserinapike.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

YOHANET 3:18

Halok, sa nen etaùken an noba hìpìrethiko halok he, Ala nen ùkùm oba hìlìk weagathegein lek meneat he, an nen etaùken an Ala aput omakeat tago mene yì noba hìpìrethìgì'lek atì nenat, weagathegein mene ùkùm arat oba hikomo werek o.

1 YOHANET 2:7

Nerùgì nagaiya'lak. Hinebe netawì e. Wene ket wene hinasuk warogo helal waganogo hinoba lakhei wagì hùk. We, holoat Ala nen hinasuk warogo yogohisasikomo ero ba nenat hesogo welagasep mene o. Wene atì re, at Ala nen hinasuk holoat wasikomo holhigip mene a'nogoat o.

1 YOHANET 4:15

Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

1 YOHANET 5:13

Hit hinetaùken Ala aput oba hìpìrìk welagep mene hùgì hina'la nen he, “Nabùlal-habùlal ese agosik welago,” ìlùk, hinelu asuageip ìlùk, wene obogat yì helal waganogo hinoba lakhei wagì o.