1 YOHANET 3:22 - Ala Ane Wene Ket Mene Warogo Wo'ninapike Wene

²² at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

1 YOHANET 3:22 ပူးပေါင်းရင်းမြစ်များ

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

YOHANET 9:31

Apùnì weak hagatarek mane Ala nen inane asuk holherek motok lek atì, nit ninelu o. We, apùnì Ala inayùk hogo logolìk, at a'la akikerek mene higit hogo hagatarek mene halok, inane Ala asuk holherek o.

MATÌÙT 21:22

Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

1 YOHANET 5:14

Nen, nit yì mene tì mene Ala a'la walok akikerek mene higit hogo, at en wo'nisoagalùk kìno yogotenem ninane asuk holheregat atì, ìlùk hùthìlìk, at eilhanem ninayù'lek hogoat kìno yogotì logousak o.

MAREKÙT 11:24

Atì'nogo hagaterek atì nen he, hit en yì mene tì mene Ala kìno yogotì logolìk, hina'la nen, Arat wo'nisikomo, ìlùk akegep halok wokhisegeinat o, ìlùk yogohisìgì.

YOHANET 14:13

Nen, at sa nen, yì mene tì mene an netage palogo Ala kìno yogote halok he, an aput en hagatenem, it apùnì nen nopase hogorasuagalùk, an nen hagasigin o.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

YOHANET 8:29

At lakhani wagaike mene a'nogo, oba lìok ikerek mene nek hagatìrek atì nen he, at en an nebe kopologo herakhanhì'lek neperak hutik motok welagorek o,” ìlùk yogoisasike.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

YOHANET 6:29

at en he, mel yogoisasike: “Ala a'la akikerek mene hit en hagasusak atì ebe re yì. Hinetaùken an Ala nen lakhani wagaikomo wagagi mene yì, noba hìpìrethousak atìat o,” ìlùk yogoisasikomo,

PILIPI 4:18

Yogotak he, hit lebe'neegepma, helìgìrik, an obogat walok akìkì lagì mene elok agasik ato titelagaat o. Ap Epaporolìtùt oba hegepma wo'nesi wagama nen, neilmo werek aga. Hit en an lebe'neegep atì re, wam Ala hesik warogo etu loletì logolìk obasi hano mene lìagatenem, at a'la hano agarek hak, atì'nogo lebe'neegepma, at Ala a'la hano aga o.

LAKSASIKE 17:30

It alep Ala ebe inokot logolìk, inoabùt weak hagato kolegat he, at en epe morogo heraksìkì lagaike. Atì'nogo meneat he, yogotak ya, at en he, Yì apùnì tì apùnì obogat tì sat inanema waganogo ùkùm inoba hìgìk, kotìk, higit hogoat uak, ìlùk ap aike wenagasogo hìlìk ayoko hikomo werek atì nen, nit apùnì weak hagatì lago mene heraksìlìk ninoabùt hebelasuagalùk yogonisìlì'logo atì. Halok, nit en he, Wene atì'nogo hagasigin atì, eberogoat, ìlùk, nit obogat hùthoagalùk, ap atì ebe wa'lagaikesi'mo nen, opase nen apotkwe eluguthesikomo werek o,” ìlùk yogoisasike.

YOHANET 15:10

Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

LAKSASIKE 20:21

An nen apùnì Yahuri mene mel, Yunani mene mel, hinasuk watì logolìk he, Weak hagatì lagep mene heraksìlìk, hinoabùt hebelarìk he, hinelokwe Ala wogo'ni o. Wogorìk he, hinetaùken ninoe Etagepogot Yesùt oba hìpìrethìlìk logouageip ìlùk yogohisìkì lagì atì.

YAKOBÙT 4:3

Nen, aike Ala kìno yogotì lagep meneat he, hinokawerek hesik enek hinetaùken nen nikenem helùogolùk kìno usak lek meneat kolo yogotì lagep atì nen, wokhisìlì'logo lek o.

1 YOHANET 2:3

Wene Ala nen ninasuk waterek wene atì, hologo higit hogo hagatì lago halok he, at e be ninelu o, ìlùk atì ba nen ninetawì wekelogo hùthìkì lago.