1 YOHANET 3:2 - Ala Ane Wene Ket Mene Warogo Wo'ninapike Wene

² Nerùgì nagaiya'lak, netawìlak e. Yogotak nit ninebe Ala againapùrì welago meneat he, hobuk ninebe logogun mene weinamethìgì'lek oan hinago werek o. Atì'nogo meneat he, nit ninelu re, Yesùt ebe yogotak werek mene nineileken tùkùm hogo hogoin atì nen, at wesigin atì like ebe waganem, nit ninebe at ebe werek atì hak haga'lasugun o.

1 YOHANET 3:2 ပူးပေါင်းရင်းမြစ်များ

MATÌÙT 5:8

Nen, apùnì inetaùken omakeat tegelek welagaikarek mene atì, hobuk Ala ebe ineileken hogoin atì nen he, ina'la hai hakìkì logousak o.

LUKAT 17:30

Atì hak he, an abat ta'lasi wagagi a'nogo hobuk weinam hogo wesigin atì sat he, atì'nogoat haga'lasigin o.

LUKAT 20:36

Apùnì wa'larì'mo Ala nen inelugurinabigin atì nen he, inebe Ala againapùrì, it malaikat pogot oba yoko negarek mene inom higit logolìk, hobuk wa'laga logogun motok lek o.

YOHANET 1:12

Atì'nogo hebisasukwa meneat he, it apùnì aike nen, at ebe wìlìk he, inetaùken at oba hìpìrethesukwama, Ala againapùrì ebe mene asuagalùk eserinapike.

YOHANET 11:52

Mene re, it apùnì Yahuri mene hesik enek isike hùk. Apùnì obogat Ala againapùrì mene hùgì o yì awì tì awì pùgùlogo lagaukwasik welagaikarek mene inom lapuk hogo hisagalùk, Yesùt wa'lasigin mene hesik isike.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

ÙRÙM 8:16

Atì'nogo ìkì lago atì re, at Ala Areagùn nen, “Hinebe Ala againapùrì o,” ìlùk yogonisikenem, nit ninetaùken oba nen ogorek atì.

ÙRÙM 8:18

Nit o yogotak welago ya ba re, yì aik tì aik hìkì lago atì, hamùlùgat negen. Mene re, hobuk, Ala nen ninebe hunigat mene haga'ninapenem hogo'ninabugun atì nek he, hùkoat o. Halok, eperak walhamo re, eperak higit lek, na'la akìkì lagì o.

ÙRÙM 8:19

Pogot kweang yì mene tì mene Ala nen walhasike mene yoma nen he, “Ala againapùrì inebe hùnogoat hagarinapenem sele'ma hogorinabugun atì mera haga'lasigin,” ìlùk, alìk warì'lùgì.

ÙRÙM 8:29

Hageat, at Ala nen nit ninebe elu logolìk, at aput hake asuagalùk wena'ninapike. At Yesùt ebe makusa mene, agoromì apigat at inom logouagalùk wena'ninapike atì.

1 KORÌTÙT 13:12

Yogotak ya re, inapùnak mùm werek kolek ineileken lakhagarek hak, agasabeke mene lakhìkì lago. Meneat he, hobuk ebe mene tùkùm hogo lakhogoin o. Yogotak he, wene ato he'na nek ninelu welago. Meneat he, hobuk at Ala nen an nebe tùkùm hogo elu atì hak, an nen at Ebe tùkùm hogo nelu asigin o.

1 KORÌTÙT 15:49

Nit yogotak, at Ala nen Aram ebe kweang lobulong mena elalhike mene atì ninom higit welago hak, hobuk at pogot oba mene atì ninom higirat logogun o.

1 KORÌTÙT 2:9

Wene atì hesik he, Ala ane yì'nogo helal waganek werek: “At Ala nen he, yì mene tì mene apùnì nen ineileken hìgì'lek. Inasuk holhì'lek. Ina'la nen kagalhì'lek. Mene, obogat nit apùnì at ebe ninetawì welagorek mene hùgì hinikomo werek o,” ìlùk helal waganogo hesukwama werek.

2 KORÌTÙT 3:18

Ineileken inapùnak oba it apùnì aike inebe pìkìrat lagisagarek atì hak, nit obogat ninelokoken apumeke laberek le'ma re, apùnì nen ninoe Etagepogot hogoratarek mene atì apùnak negen ineileken la'nisìlì'lùgì. Nit ninebe at ninoe hake asuagalùk he, hobugalep haga'ninapo motok were'ma re, hogo'ninabusak negen aga lago. At Ala Areagùn atì ebe Etagepogot atma at enat haga'ninabì'logo.

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

KALATIA 3:26

Hit hinetaùken Karìsùt Yesùt oba hìpìrìk welagep atì nen hinebe obogat he, Ala againapùrì welagep atì.

KALATIA 4:6

Atì'nogo hele hikalogo hinasikomo, ninebe Ala againapùrì welago atì nen he, at aput Areagùn ninetaùkenma hina wagaikomo logolìk, at Ala hesik he, nit en, “Nopase, nopase e,” ìkì logouagalùk ikerek atì.

PILIPI 3:21

At ebe wìrìk he, ninebe ninekalì negen welago yì re, at omame ba yì mene tì mene obogat, at awe a'ma hisegein atì nen, at ebe hogoratarek hagat, nit ninebe hogo'ninabusak meneat hagarogo hinegein o.

KOLOSE 3:4

Ebeto were'ma, at Karìsùt ninebe hobuk nineluk motok logouagalùk haga'ninaperek mene a'nogo weinam hogo waganem he, hit at hinomat weinam arì'mo hogothinabugun atì.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.

1 YOHANET 2:7

Nerùgì nagaiya'lak. Hinebe netawì e. Wene ket wene hinasuk warogo helal waganogo hinoba lakhei wagì hùk. We, holoat Ala nen hinasuk warogo yogohisasikomo ero ba nenat hesogo welagasep mene o. Wene atì re, at Ala nen hinasuk holoat wasikomo holhigip mene a'nogoat o.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

1 YOHANET 3:10

Ala againapùrì mel, Ibilit againapùrì mel, ninetawì wekelogo inoabùt enagat haga'larì'lùgì re, yì. Sa nen oabùt higit hogo hagatì'legat, erùgì agaiya'lak etawìrinapì'legat, hagarì'logo halok, at atì ebe Ala aput lek o.

1 YOHANET 3:21

Halok he, nerùgì nagaiya'lak. Hinebe netawì e. Nit nina'la nen, “An weak agaike hagatì,” ìlùk wenesùgì ebetì'lek, nina'la se welago halok he, at elokoma ninayù'lek hogo logolìk,

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

ABÌKAKAN 2:28

Nen, hesagal wap o mo lagai wagarek higit en lìabi wagarek mene a'nogo wogosiginat o, ìlùk yogohisìgì atì,

ABÌKAKAN 22:4

Atì'nogo logolìk, Ala etage it ineilhaken oba helal wagane'ma re, it en at elokoken ineileken hìkì logogun.