1 YOHANET 3:15 - Ala Ane Wene Ket Mene Warogo Wo'ninapike Wene

¹⁵ Inerùgì inagaiya'lak inapsìrì welagaikarek mene atì, it inebe lopok apùnì inoare meneat o. Nen, it apùnì inoare mene atì, inebe lopok nabùlal-habùlal ese agì'lek motok werek, ìlùk ninelu o.

1 YOHANET 3:15 ပူးပေါင်းရင်းမြစ်များ

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

LAKSASIKE 23:14

Atì'nogo isukwasik, ap Ala esewerek inogogì kaintek amanogo mel, inalùgetek amanogo mel, inoba lìlìk he, mel yogoisasukwa: “At Paùlùt ebe oan watì'lek logolìk, yì mene tì mene nogoin lek, ìlùk, hopuk palogo nen ìlùk wago.

YAKOBÙT 1:15

Hobuk nina'la nen yì mene tì mene walok weak akogorek mene atì, hìmì nen omalik taginaparek atì hak, nina'ma aga halok, eak tagasogo weak hagatorek atì. Nen, weak hagatorek mene atì wurik aga halok he, eak tagasogo ninebe wa'lagorek atì.

LAKSASIKE 23:12

Hùenkwe ap Yahuri mene inebe aike atogothìlìk he, Paùlùt ebe wasuogolùk weim abok ìkì logolìk mel isukwa; “Nit en Paùlùt ebe watì'lek logolìk, i mel, sùpùrùk mel, nìkì'lek logopik en, arat wato halok en nùok o,” ìlùk hopuk palogo wene palhukwa.

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

MAREKÙT 6:19

Kelakhesukwama were'ma re, at he Herotiat en Yohanet ane eken hìlìk, at Herotet en wasuagalùk a'la kagalhì lagaike meneat he, at Herotet a'la nen he, mel akìkì lagaike: “At Yohanet ebe Ala nen lakhei wagaikomo logolìk oabùt higit hagarì'logo,” ìlùk oabùt palogo ebe agaugeratì logolìk wasusak mea agaikomo, ebe elele waganogo hesogo welagaike. Hesogo logolìk, ane holhì logou walok en holhì lagaike meneat he, holhì logolìk, wenesùgì apik ebetì lagaike.

MATÌÙT 5:28

Meneat he, an nen wene yì yogohisak. Ap sa nen, he aike eileken lakhìlìk he, a'la nen he, Eige. An he atì pailak hakheile e, ìlùk akike halok, a'la nen pailak eberogoat arat hakhike o.

1 PETERÙT 1:23

Ala nen hobuk takhinapike atì, apùnì wa'lagaikarek mene nen taginaparek atì hak takhinapike hùk. We, Ala eluk esok motok logolìk ane lek agì'lek logogin mene ba takhinapike o.

1 YOHANET 2:9

Nen, sa nen, “An nebe lìa ba welagì,” ìlùk ìkì logolìgat he, erùgì agaiya'lak apsìrì halok he, o hageat en pìkìt yogotak ya, at ebe mùm oba werek o.

1 YOHANET 2:11

Atì'nogo meneat he, sa nen erùgì agaiya'lak apsìrì welagarek halok he, at ebe o mùm oba werek o. Atì'nogo were'ma, mùm nen eileken mùmethikomo ebe o mùm oba nìkì logolìk, “Koma laga lagì heat,” okot oake palek werek o.