1 YOHANET 3:12 - Ala Ane Wene Ket Mene Warogo Wo'ninapike Wene

¹² Nit en he, at Kain ebe Ibilit oabùt weak mene atì aput agaikesik okawerek agot mene wasike atì hak hagasusak lek o. At en agot wasike atì, nenahalok wasike nogo. At hagatì lagaike mene kolo motok, nen, agot hagatì lagaike mene higit motok, atì nenat wasike o.

1 YOHANET 3:12 ပူးပေါင်းရင်းမြစ်များ

IBERANI 11:4

At ap etage Kain nen, we mene Ala wogosike meneat he, at Habel atì nek he, etaùken Ala oba hìpìrethìlìk hano mene Ala wogosikomo, at en he, “Habel enek he, oabùt higit hano hìgì,” ìlùk isike. Atì'nogo isikesi'mo nen, at Habel ebe wa'lagaike meneat he, etaùken Ala oba hìpìrìk logolìk hagasike atì, at en, “An tì'nogo hagatì,” ìlùk yogonisiko negen motok werek o.

YURAT 1:11

It atì Ala nen weagarinabigin o! Alep at Kain hagasike atì hak opolik lìlì'lùgì atì. At Pileam kolo hagasike atì hak, inokawerek en uang sabùrogo helùogolùk, atì'nogoat hagarì'lùgì. At Kora nen Ala hesik “Anat hagatì logogin,” ìlùk it aike pelaksagalùk hagasike atì hak hagarì'lùgì atì ba, inebe nong akìlì'lùgì atì.

MATÌÙT 23:35

Atì halok he, it ap inoabùt higit hagatì lagaukwa mene, inamep wulagasogo inoarìk wagaukwa atì, hùlì ero Habel oabùt higit hogo hagatì lagaike mene oe nen wasike atì ba nen pìkìt, hùlì wùrep oba, at Perekiya aput Sakaria atì Ala awì wùrìk hokolek, Ala ako warogo etu loletì lagaukwa ba hokolek, tùlem wasigip atì hùlì, it obogat inamep hit hinoba lopok hineke ba werek o.

1 PETERÙT 4:4

Meneat he, yogotak hit hinoabùt it weak inamolorogo motok hagarìk lagaikarek atì hak hinom hagatì'lek kamo ìkì lagep atì nen, hit hinabok weak palì'lùgì atì.

IBERANI 12:24

Yogotak Ala nen nit ninom hùnesuogolùk wene ket mene warogo wo'ninapikesik, Yesùt ebe wo'nisasikomo hùlìsanem werek atì inom were'ma wagep o. Atì re, Habel oe nen wasikomo amep wene weak mene haga'lagaike mene atì oba wagep hùk. We, Yesùt ebe wasukwama amep oba hesagathìgìk warogo hano wene haga'lagaike mene oba wagep o.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

YOHANET 10:32

Atì'nogo hagatì lagaukwama, at Yesùt en he, mel yogoisasike: “An nopase nen hano mene apigat hagasuagalùk nayoko hesike mene hagatenem, hineileken nììkì lagep atoma obogat he, aike kì hak kolo hagatì ba nen nebe noasuogolùk ìkì lagep,” ìlùk yogoisìkì lagaikomo,

MATÌÙT 27:23

Atì'nogo yogosukwama, at en he, “At weak nena mene hagatomo nen,” ìlùk yogoisasikomo re, it en inane keirogoat, “E ba menhìlìk wa'no o!” ìlùk yogosukwa.

MATÌÙT 13:38

Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

MATÌÙT 13:19

Awì heik aike ebekalem lakhesike atì ebe re, it apùnì aike Ala awe a'ma hisikerek wene atì inasuk holharesigat he, ebe tùkùm hogo hùthìgì'lek halok, at oabùt weak mene a'nogo wagaresik he, wene inetaùkenma awì yago mene atì henogo helalùk lagarek atìat o.

ABÌKAKAN 17:6

Nen, he atì nen, Ala againapùrì mene mel, Yesùt ane yogoisìlìk negarek mene mel, inoasike mene inamep nikesik, apùnì nen anggur eken amusu nìlìk sìnì'nùk agaikarek atì hak, sìnì'nùk agasik were'ma lakhìgì. Atì'nogo lakhìgìrìk apik hogoratì.

1 TESALONIKA 2:14

Nerùgì nagaiya'lak. It Ala againapùrì aike Karìsùt Yesùt inom hutik logolìk, o Yurea atoma atogorì'lùgì mene, inokawerek inagaiya'lak Yahuri mene nenat yì aik tì aik hagarinapì lagaukwa hagat, hit hinagaiya'lak mene nenat yì aik tì aik hagathinabì'lùgì o.

MATÌÙT 5:37

Hit en, Ì o, uogolùk halok, Ì oat unuk. Nen, Lek o, uogolùk halok he, Legat usak. Wene hùnogoat mene aike mangorasi lagep halok he, Ibilit oabùt weak mene a'nogo nen hina'la kagalho kolek ugun o,” ìlùk yogoisasike.

YOHANET 8:40

Mene re, an wene ebe wene Ala nen ikenem nasuk holhigi meneat yogohisìkì lagì meneat he, hit en an nebe noasuogolùk naweim kabelhì lagep atì hak, at Aberaham en atì'nogo hagatì lagaike lek meneat hagatì lagep o.

YOHANET 8:41

Hit he, hinopase a'nogo hagaterek mene hagatì lagep o,” ìlùk yogoisìkì lagaikomo, it en he, mel yogosukwa: “A! Nit pailak holelogo ta'ninapa mene hùk. Nit ninopase Ala aligat o,” ìlùk yogosukwama,