1 YOHANET 2:6 - Ala Ane Wene Ket Mene Warogo Wo'ninapike Wene

⁶ Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

1 YOHANET 2:6 ပူးပေါင်းရင်းမြစ်များ

MATÌÙT 11:29

An nasukwe kalek su a'le sakore'ma re, hano kalogo wokhikamo seweagat hogoin atì nen he, hinomolo ba wìlìk, an noabùt enago logolìk inawe a'ma negen welagìrek a'nogo tùkùm hogo yakùlìk nìkì logoino o. Atì'nogo nìkì logogun halok, hinetaùken hapuk igin o,” ìlùk yogoisasike.

YOHANET 13:15

An nen hit hagathinapì atì hak, hit en an noabùt waganogo atì'nogoat hagatì logouageip en ìlùk yakùlhisìgì o.

YOHANET 15:10

Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.

1 KORÌTÙT 11:1

An Karìsùt oabùt waganogo hagatì lagì hak, hit en he, an noabùt waganogo hagatì logoino o.

EPESÙT 5:2

Apùnì nen yì mene tì mene Ala hesik hisìlìk, ebe warogo etu loletenem, Ala a'la hanorogo apen hano mene lìagatì lagaukwa atì hak, at Karìsùt nit ninebe etawì'ninabìk he, “It hesik an nebe noasuak o,” ìlùk akasike ba ebe wasukwa atì ba Ala a'la hano agaike atì hak, nit-nit netawìhetawìrogo hagatì logouok o.

1 PETERÙT 2:21

At Karìsùt ebe hit hesik yì aik tì aik hìlìk hìlìk wa'lagaike atì nen, hit hogo re, at oabùt waganogo yì aik tì aik hoagalùgat Ala nen hinayoko hesike atì.

1 YOHANET 2:28

Nagainapùrì e. Karìsùt wesigin atì like ebe waganem he, nit ninekalì agì'lek, ninayù'legat, at elokoma awe a'ma kuok en, hit at hinom hutik motok logoino o.

1 YOHANET 2:4

Mene re, sa nen, “An he, Ala ebe nelu,” ìlùk ìkì logolìgat he, at en wene ninasuk waterek wene atì hologo higit hogo hagatì'lek halok he, at apeliak ikerek atì. Halok, ebe wene atì a'la motok lek o.

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

1 YOHANET 3:6

Ati nenat, nit at ninom hutik motok welago mene hùgì, ninebe lopok weak hagato motok welagorek lek. Mene re, it apùnì aike weak enek hagato motok welagaikarek mene inebe lopok he, at ebe ineileken hìgì'lek inokorat werek o.

1 YOHANET 4:17

At Karìsùt welagarek atì hak, nit kweangma atì'nogoat welago atì nen, hobuk Ala nen nit ninanema waganogo ùkùm ninoba hìgìk, kotìk, igin atì like ninekalì lek logogun. Ninekalì lek hogo logouagalùk he, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.