1 YOHANET 2:5 - Ala Ane Wene Ket Mene Warogo Wo'ninapike Wene

⁵ Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

1 YOHANET 2:5 ပူးပေါင်းရင်းမြစ်များ

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

YOHANET 14:21

At sa nen, an nen, yì'nogo hagatì logoino, tì'nogo hagatì logoino, ìlùk yogohisìgì mene atì, nane hologo hagaterek halok, an nebe awaken hutik mene at atìat o. Nen, nopase nen at atì ataùken hutigat. Nen, an nen at atì netaùken hutik logolìk, nebe hùthanuagalùk yakùlesigin o,” ìlùk yogoisasikomo,

LUKAT 11:28

at Yesùt en he, mel yogosike: “At atì nek lek o. It aike Ala ane atì inasuk holìk higit hogo hagatì logogun halok he, ina'la hai apik hakìkì logouagat o,” ìlùk yogosike.

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

ABÌKAKAN 14:12

Wene yì hesik esin haganunak ho, Ala againapùrì at ane hologo higit hogo hagatì logolìk, hinetaùken Yesùt oba hìpìrìk welagasep mene atì, hinepe morogo logousak o.

1 YOHANET 5:2

Atì'nogo logousak ìlùk, hùthìlìk he, Ala ebe ninetawìrogo logolìk, wene at en ninasuk wasike wene atì hologo higit hogo hagatì logolìk, at againapùrì taginape mene atì ninetawìrogo logousagat o.

YOHANET 15:5

Hele ebe anat o. Nen, nekisok hirat o. Hit an ninom hutik lek, we, kopolek logolìk, yì mene tì mene aike hagasusak motok mea atì nen he, at sa nen an neperak hutik, nen, an at neperak hutik, logogun halok he, at atì eken apik isu hak, hano mene hùkorogo hagasigin o.

1 YOHANET 4:18

Apùnì aike nen it aike inom netawì-hetawìrogo logolìk, inayùlek welagaikarek atì nen, yì mene tì mene katok hogo hagatarek atì hak, nit-nit netawì-hetawìrogo hagatì lago mene atì katok hogo motok haga'laga logolìk he, ninoabùt ninayùk mene atì lek agarek. Mene re, it apùnì agaike inoabùt inayùk mene atì, ina'la nen he, “Eige! Ala nen hobuk ùkùm ninoba hegein he a,” ìlùk inoabùt youksek welagaikarek atì. Atì'nogo welagaikarek atì nen, netawì-hetawìrogo hagatarek mene atì ina'la hano katok hogo haga'lagarek motok lek o.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

ABÌKAKAN 12:17

Atì'nogo pelapenem he, walo a'nogo a'mage he a'nogo oba hìlìk, apùnì he a'nogo nen tagokwe mene hetakwe Ala nen wene ninasuk wasike wene hologo higit hogo hagatìk, Yesùt en hagasike wene pak hogo yogoisìgìk, egarek mene inoasigìlùk inaweim kabelhesik,

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

YAKOBÙT 2:22

At etaùken Ala oba hìpìrethìgìk, eki ba nen hagatìk, eperak lapuk hogoat hagasike atì. Eki ba nen hagasike atì ba etaùken Ala oba katok hogo hìpìrethesike ìlùk, hat en hùthasagat o.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

1 YOHANET 4:17

At Karìsùt welagarek atì hak, nit kweangma atì'nogoat welago atì nen, hobuk Ala nen nit ninanema waganogo ùkùm ninoba hìgìk, kotìk, igin atì like ninekalì lek logogun. Ninekalì lek hogo logouagalùk he, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.

2 YOHANET 1:6

Nit-nit netawì-hetawìrogo logousak atì ebe re, wene Ala nen ninasuk wasike wene a'nogo higit hogo hagatì logousak atìat o. Wene ninasuk wasike atì re, ebe yì: “Hit-hit netawì-hetawìrogo hagatì logoino,” ìlùk ero ba nen ninasuk wasikomo holhugu atì hagat hagatì logousak o.