1 YOHANET 2:3 - Ala Ane Wene Ket Mene Warogo Wo'ninapike Wene

³ Wene Ala nen ninasuk waterek wene atì, hologo higit hogo hagatì lago halok he, at e be ninelu o, ìlùk atì ba nen ninetawì wekelogo hùthìkì lago.

1 YOHANET 2:3 ပူးပေါင်းရင်းမြစ်များ

LUKAT 6:46

Atì'nogo yogoisasikesik he, aike mel yogoisasike: “Hit an nen yogohisìkì lagì mene hagatì'lek logolìgat he, Noe, noe, ìlùk nenahalok yogonetì lagep.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

YOHANET 15:10

Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.

YOHANET 15:14

Nen, an nen hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, nane hologo hagatì logogun halok he, hit an nagaiya'lagat o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

IBERANI 5:9

Atì'nogo yakùlhì logolìk, elugùn warogo katok hogo hagasikomo, nit at ane hologo logogun mene hùgì ninebe obogat nineluk moto'-motok logouagalùk at ebe telninapùkwe mene ero hagarogo hesike atì.

1 YOHANET 2:13

Nopaselak e. At emakum ero ba nen welagarek mene a'nogo ebe hinelu agagisip welagep atì nen he, helal waganogo hinoba lakhei wagì. Nen, ap elege nagoromì e. Hit en at oabùt weak mene a'nogo arat mabenetsasigisip welagep atì nen, helal waganogo hinoba lakhei wagì o.

1 YOHANET 3:14

Ala nen ninebe wa'lagaikare'ma nen wo'ninabik, ineluk welagaikare'ma hinikomo welago ìlùk, nit-nit ninerùgì ninagaiya'lak ninom netawì-hetawìrogo welago atì nen hùthìkì lago o. Halok he, sa nen apùnì aike etawìrogo lek, abìt welagarek mene atì ebe wa'lagaikare'ma atomaat werek o.

1 YOHANET 3:19

Nit en ninoabùt atì'nogo hagatì logolìk, nina'la nen he, “Nit ninebe Ala ebe mene againapùrì welago,” ìlùk hùthasak. Atì'nogo hùthìkì logolìk, nit weak hagato, ìlùk nina'la ekin welago halok, nit ninebe mea mene re, at Ala nek he, ebe hùko logolìk, yì wene tì wene obogat elu nek welagarek, ìlùk, at eilhanem nina'la se ninayù'lek hogoat logousak o.

1 YOHANET 3:6

Ati nenat, nit at ninom hutik motok welago mene hùgì, ninebe lopok weak hagato motok welagorek lek. Mene re, it apùnì aike weak enek hagato motok welagaikarek mene inebe lopok he, at ebe ineileken hìgì'lek inokorat werek o.

1 YOHANET 4:13

Ala nen Areagùn wo'nisasike atì ba, nit en akìkì logolìk, “At nit ninom hutik werek. Nen, nit at ninom hutik welago,” ìlùk hùthìkì lago o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.

1 YOHANET 5:2

Atì'nogo logousak ìlùk, hùthìlìk he, Ala ebe ninetawìrogo logolìk, wene at en ninasuk wasike wene atì hologo higit hogo hagatì logolìk, at againapùrì taginape mene atì ninetawìrogo logousagat o.

1 YOHANET 5:3

Nit Ala nen ta'ninape mene hùgì ninebe lopok en he, “Ala ane atì eberogoat,” ìlùk ninetaùken at oba hìpìrethogorek atì ba, it apùnì kweangma mene inoabùt inesogat logolìk weak hagatarek mene atì mabenetsìlìk ninomame agorek atì. Atì'nogo mabenetsìlìk ninomame agorek atì nen, wene Ala nen ninasuk wasike wene atì ekin lek, seweak o. Atì nen he, nit en, “Ala ebe ninetawì welago,” ìlùk u hak he, at en wene ninasuk wasike wene atì hologo higit hogo hagatì logouok o.

ABÌKAKAN 12:17

Atì'nogo pelapenem he, walo a'nogo a'mage he a'nogo oba hìlìk, apùnì he a'nogo nen tagokwe mene hetakwe Ala nen wene ninasuk wasike wene hologo higit hogo hagatìk, Yesùt en hagasike wene pak hogo yogoisìgìk, egarek mene inoasigìlùk inaweim kabelhesik,

ABÌKAKAN 14:12

Wene yì hesik esin haganunak ho, Ala againapùrì at ane hologo higit hogo hagatì logolìk, hinetaùken Yesùt oba hìpìrìk welagasep mene atì, hinepe morogo logousak o.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.