1 YOHANET 2:29 - Ala Ane Wene Ket Mene Warogo Wo'ninapike Wene

²⁹ At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.

1 YOHANET 2:29 ပူးပေါင်းရင်းမြစ်များ

1 YOHANET 3:7

Nagainapùrì e. It apùnì agaike nen lalhinabi nogo ìlùk hinoabùt hebelogo logoino o. Sa nen oabùt higit hogo hagaterek halok he, at Karìsùt oabùt higit hogo hagaterek atì hagat, hagato werek o.

1 YOHANET 5:1

Apùnì nen he, “Yesùt atì Ala nen ayoko hìlìk lakhei wagaike mene eberogoat Karìsùt a'nogoat o,” ìlùk inetaùken at oba hìpìrethagarek mene hùgì inebe lopok he, Ala nen taginapomo, at againapùrì werek o. Nen, nit ninopase Ala ninetawìrogo logolìk halok he, at againapùrì tago mene atì ninetawìrogoat logousak o.

YOHANET 1:13

Eserinapikomo, at againapùrì agaukwa atì re, apùnì inagainapùrì taka walok en holelinabìk mep mene logalogo taginaparek atì hak hùk. We, at Ala nenat taginapike o.

1 YOHANET 4:7

Nerùgì nagaiya'lak. Netawìlak e. Apùnì aike inetawìrinaparek atì ero, at Ala at atì nenat he, nit-nit netawì-hetawìrogo logouok o. Apùnì netawì-hetawìrogo logogun mene hùgì, inebe lopok Ala nen taginapikomo, at againapùrì logolìk, at ebe ineluat werek o.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

YAKOBÙT 1:18

Yì mene tì mene elalhike mene obogat makusa negen he, nit at logouagalùk, at okawerek a'la akalùk ane ebe wene atì baat ta'ninapikomo welago.

LAKSASIKE 10:35

Apùnì inùkùl etage ya mene ta mene at ebe inayùk logolìk inoabùt higit hogo hagatarek mene hùgì woginaperek enek hìgì o.

2 PETERÙT 1:4

It apùnì kweangma yoma yì mene tì mene walok en, inetaùken nen nikenem inoabùt weak hagarìk weak akagarek mene atì heraksalùk hese wùlìbi wìrìk he, Ala oabùt wanuagalùk, hano mene wo'nisìlì'logo atì. At en elalinat hagatenem hogorato motok welagaikarek mene a'nogo nen he, “Yì mene tì mene oko ba wanusak mea. Hano motok hùko mene, wokhisegein werek o,” ìlùk abok yogonisasike atì, ebe wo'nisìlì'logo atì.

1 PETERÙT 1:3

Ninoe Etagepogot Yesùt Karìsùt opase Ala a'nogoat hogoratì logouok. At Ala ninebe etawì motok en, Yesùt Karìsùt wa'lagaikesi'mo nen eluguthesike atì ba nit ninelugu'ninapike atì. Ninelugu'ninapikomo logolìk he, nina'la nen, “At en, hobuk hanothinabigin, isike atì sùge asigin lek,” ìlùk nina'la hai hakìkì lago.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

LAKSASIKE 22:14

Hikenem, at en he, At Ala ninopalak en hogoratì lagaukwa mene a'nogo nen he, at a'la akikerek mene helu agìk, at aput oabùt higit mene Yesùt atì heileken ìgìk, at ane ape ba nen ikenem hasuk holhìk, inogolùk, hebe wenakhapesik hayoko hike atì.

3 YOHANET 1:11

Nagaiyak e. Hebe netawì. Hat en he, it apùnì inoabùt weak hagatarek mene atì, inoabùt wanhùn o. We, it inoabùt hano hagatarek mene halok, inoabùt wanhì logoino o. Sa nen oabùt hano nek hagaterek mene atì ebe Ala againapùrì meneat he, sa nen oabùt weak enek hagaterek mene halok, at en Ala ebe eileken hikere'lek okot o.

1 YOHANET 5:18

Nit Ala againapùrì ta'ninape mene at aput emakum tasike mene a'nogo nen se'nisek were'ma, at oabùt weak mene a'nogo nen eki ha'nisegein lek o. Halok he, nit weak hutik motok hagatì logousak lek, ìlùk ninelu o.

1 YOHANET 3:5

At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.

1 YOHANET 2:1

Nen, nagainapùrì e. Hit weak hagatì logoinogo ìlùk, wene yì helal waganogo hinoba lakhei wagì o. Atì'nogo meneat he, sa nen weak hagate halok, ninopase Ala were'ma nit lebe'nisikerek mene ap aike hùlìsanem werek. At atì ebe Yesùt Karìsùt oabùt higit hogo hagaterek mene a'nogoat o.

1 PETERÙT 1:23

Ala nen hobuk takhinapike atì, apùnì wa'lagaikarek mene nen taginaparek atì hak takhinapike hùk. We, Ala eluk esok motok logolìk ane lek agì'lek logogin mene ba takhinapike o.

LAKSASIKE 3:14

At he, Ala nen lakhei wagaikomo oabùt higit hogo hagatì laga meneat he, hit en Pilatùt yogotì logolìk, Ap atì ebe ninabìt o. Ap aike apùnì inoare meneat he, arìat eki hele hikalogo wo'nisan o, ìlùk kìno yogotep akìgì.

YOHANET 7:18

Halok he, sa nen wene okawerek a'la nen kagalogo ikerek atì, apùnì nen hogorasuagalùk ikerek o. Meneat he, sa nen, at lakhei wagaike mene hogorasuagalùk ikerek halok he, apeliak ikerek motok lek o. We, eberogoat ikerek.