1 YOHANET 2:24 - Ala Ane Wene Ket Mene Warogo Wo'ninapike Wene

²⁴ Nen, hit he, wene alebat hinasuk holhigip mene atì, hina'la Wìlìk he, eberek motogat logoino. Atì'nogo logogun halok he, hinebe ninopase Ala aput Yesùt eperak hinom hutik logogun o.

1 YOHANET 2:24 ပူးပေါင်းရင်းမြစ်များ

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

1 YOHANET 4:13

Ala nen Areagùn wo'nisasike atì ba, nit en akìkì logolìk, “At nit ninom hutik werek. Nen, nit at ninom hutik welago,” ìlùk hùthìkì lago o.

1 YOHANET 4:16

Nit en, “Ala nen etawì'ninaperek atì hùthogosik eberogoat,” ìlùk akìkì lago. At oabùt he, etawì'ninapo motok welagarek atì nen, sa nen oabùt he, apùnì etawìrinapo motogat welagarek halok he, Ala nen at eperak hutik motok, nen, at en Ala eperak hutik motok, welagaikarek.

ABÌKAKAN 3:3

Hit atì'nogo siak hogo melarìk hinomamo agì'lek halok he, apùnì yogot wanuogolùk hinagasogo wagaikarek atì hak, an atì'nogoat, hit en, At tì sat wesigin, ìlùk hinokotma wesinogo nen he, wene emakum yakùlhisasukwama hinasuk holhigip mane hina'la ebethìlìk he, weak hagatì lagep mene hukalogo heraksìlìk hinoabùt hebelarìk, wene atìat hineki ning hogo hesogo logoino o.

1 YOHANET 2:7

Nerùgì nagaiya'lak. Hinebe netawì e. Wene ket wene hinasuk warogo helal waganogo hinoba lakhei wagì hùk. We, holoat Ala nen hinasuk warogo yogohisasikomo ero ba nenat hesogo welagasep mene o. Wene atì re, at Ala nen hinasuk holoat wasikomo holhigip mene a'nogoat o.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

ABÌKAKAN 3:11

An heageagat wesigin o. Atì'nogo wìrìk, sa awewerek sa awewerek laga logolìk, inomame asugun mene oko kare-kare iksagarek atì hak, oko hit wokhisegein mene, it apùnì aike nen telogo helanogo ìlùk, hit ebe wanhigip mene atì, hineki ning hogo hesogo logoino o.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

1 YOHANET 1:7

Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

PILIPI 4:15

Hit Ala againapùrì o Pilipi mene nerùgì nagaiya'lak. Emakum, an hano wene yogoisìlìk nìkì logoigìlùk, o Maketonia nen waganem he, Ala againapùrì o he'nakìt en lebe'nììkì lagaukwa lek meneat he, hit enek ninom hutik logolìk, lebe'niikenem helìkì lagagi atì hineluat o.

3 YOHANET 1:3

Hat en ebe wene hasuk hologo hano hagatetek atì nen, it Ala againapùrì ninerùgì ninagaiya'lak aike noba wagaikasik, mel yogoneta: “At en ebe wene hesogo logolìk hano higit hogo hagaterek,” ìlùk habok yogonetama nasuk holhìrìk he, na'la hai apik hakìkì lagi o.

IBERANI 2:1

Atì nenat, apùnì i so ba laganem i nen wogisek lagarek atì hak, nit ebe wene atì heraksamo wele'ma wo'nisek lanogo ìlùk, wene ninasuk holhugu mene atì ning hogo hesogo logouok o.

YOHANET 8:25

Atì'nogo yogoisasikomo, it en he, “Hat hebe sa nogo,” ìlùk oba hinok wokhasukwama, at en he, mel yogoisasike: “Tùlemat atì, hobuk nenahalok yogohisegein.

LUKAT 9:44

“An wene yogohisegein yì hanorogo hùthìkì logoni o. An abat ta'lasi wagagi a'nogo ap en yoko lìlìk it aike nen noasuagalùk ineki ba hanugun o,” ìlùk yogoisasike meneat he,

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.

1 YOHANET 4:15

Sa nen, “Yesùt atì Ala aput,” ìlùk pak hogo yogoisikerek halok, at Ala nen at eperak hutik motok, nen, at en Ala eperak hutik motok, welagaikarek o.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.