1 YOHANET 2:21 - Ala Ane Wene Ket Mene Warogo Wo'ninapike Wene

²¹ An nen wene helal waganogo hinoba lakhei wagì atì re, ebe wene hinokot en hùk. Hinelu welagep atì nenat lakhei wagì o. Nen, inapeliak egarek atì ero re, Ala ebe mene nen hùk. Ero hunigat, ìlùk hineluat o.

1 YOHANET 2:21 ပူးပေါင်းရင်းမြစ်များ

YOHANET 18:37

at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

YAKOBÙT 1:19

Nerùgì nagaiya'lak. Hinebe netawì e. Wene yì hina'la eberek logoino o. Hinebe lopok wene hinasuk hepok holìk he, hinane ba nen erogat ìgìk, hina'mage lagai waganem hinetaùken sebelogo logopik en erogat ìgìk, ìkì logoino o.

2 PETERÙT 1:12

Atì nen he, wene ebe wene hinelu agagisip hinetaùken wurik hogo hesogo welagasep meneat he, an nen wene ìgì atì hesik ninhùp-nanhùp hina'la ebethisiko motok logogin o.

1 YOHANET 3:19

Nit en ninoabùt atì'nogo hagatì logolìk, nina'la nen he, “Nit ninebe Ala ebe mene againapùrì welago,” ìlùk hùthasak. Atì'nogo hùthìkì logolìk, nit weak hagato, ìlùk nina'la ekin welago halok, nit ninebe mea mene re, at Ala nek he, ebe hùko logolìk, yì wene tì wene obogat elu nek welagarek, ìlùk, at eilhanem nina'la se ninayù'lek hogoat logousak o.

YURAT 1:5

Wene yogohisegein yì, hageat en hinelu meneat he, hobuk hina'la ebethisegein atì. Ninoe Etagepogot en againapùrì Isirael mene o Mesit were'ma telinapike meneat he, hobuk it mene aike inetaùken at oba hìpìrìk welagaukwa lek mene inoasike.