1 YOHANET 2:2 - Ala Ane Wene Ket Mene Warogo Wo'ninapike Wene

² At ebe atì'nogo logolìk, nit yì weak tì weak hagatorek mene sagalogo legetsìlìk, ho'ninaperek. Atì'nogo hagaterek atì re, nit weak hagatorek mene hesik enek hùk. At he, yì apùnì tì apùnì kweangma mene obogat weak hagatarek mene hesik ninomat ho'ninaperek o.

1 YOHANET 2:2 ပူးပေါင်းရင်းမြစ်များ

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

1 YOHANET 1:7

Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.

YOHANET 12:32

An nebe kweangma yoma menhanumo re, an nen apùnì obogat lit-lit wogisek nokawerek noba hisa wesigin o,” ìlùk yogoisasike.

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

1 YOHANET 3:5

At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.

LUKAT 14:22

Atì'nogo yogosikomo re, at ap a'nogo lìlìk wagaikesik he, oe a'nogo mel yogosike: Noe. Yogoneten a'nogo wogisek wagì meneat he, o heta motok selek werek o, ìlùk yogosike.