1 YOHANET 2:13 - Ala Ane Wene Ket Mene Warogo Wo'ninapike Wene

¹³ Nopaselak e. At emakum ero ba nen welagarek mene a'nogo ebe hinelu agagisip welagep atì nen he, helal waganogo hinoba lakhei wagì. Nen, ap elege nagoromì e. Hit en at oabùt weak mene a'nogo arat mabenetsasigisip welagep atì nen, helal waganogo hinoba lakhei wagì o.

1 YOHANET 2:13 ပူးပေါင်းရင်းမြစ်များ

YOHANET 14:7

it obogat yogoisìkì logolìk he: “Hit an nebe hinelu agep atì re, an nopase hinelu asiginat o. Hinelu asigin atì re, hùlì yogotak hùlì nen, at ebe hinelu agìk, hineileken hìgìk, arat hìkì lagep o,” ìlùk yogoisìkì lagaikomo,

1 YOHANET 2:14

Yekerùgì nagainapùrì e. Ninopase Ala hinelu agagisip welagep atì nen, helal waganogo hinoba lakhei wagìk, hit nopaselak, at emakum ero ba nen welagarek mene a'nogo ebe hinelu agagisip welagep atì nen helal waganogo hinoba lakhei wagìk, hit ap elege nagoromì, hit hinomame were'ma Ala ane hina'la were'ma re, at oabùt weak mene arat mabenethesigip atì nen, helal waganogo hinoba lakhei wagìk, ìgì atì o.

1 YOHANET 4:4

Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.

1 YOHANET 1:1

Wene helal waganogo hinoba lakhei wago atì ebe re, ebe wene ninelugu'ninaperek mene emakum ero ba nen welagarek a'nogo mene. Wene atì, nit arat ninasuk holhìk, nineileken tomok hìgìk, yerogo welagìk, nineki hakìgìk, isugu mene a'nogoat o.

LUKAT 10:22

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Ala aput atì sa ìlùk apùnì obogat inokot meneat he, an nopase aligat enek elu welagarek. Ati hak he, an nopase Ala atì sa, ìlùk apùnì obogat inokot meneat he, aput an naligat enek nelu welagìrek o. Nen, Ala aput an nenat na'la akìlìk en, nopase ebe apùnì aike inelu asuagalùk nane pak hogo yogoisegein mene hùgì atìat inelu agaikarek o,” ìlùk, yogoisasike.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

1 YOHANET 5:18

Nit Ala againapùrì ta'ninape mene at aput emakum tasike mene a'nogo nen se'nisek were'ma, at oabùt weak mene a'nogo nen eki ha'nisegein lek o. Halok he, nit weak hutik motok hagatì logousak lek, ìlùk ninelu o.

1 YOHANET 3:12

Nit en he, at Kain ebe Ibilit oabùt weak mene atì aput agaikesik okawerek agot mene wasike atì hak hagasusak lek o. At en agot wasike atì, nenahalok wasike nogo. At hagatì lagaike mene kolo motok, nen, agot hagatì lagaike mene higit motok, atì nenat wasike o.

MATÌÙT 11:27

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

1 YOHANET 2:12

Nagainapùrì e. Weak hagatì lagagip mene Ala nen aput Yesùt hagasike atì ba sagalogo heraksasike atì nen, an nen helal waganogo hinoba lakhei wagì o.

1 YOHANET 2:1

Nen, nagainapùrì e. Hit weak hagatì logoinogo ìlùk, wene yì helal waganogo hinoba lakhei wagì o. Atì'nogo meneat he, sa nen weak hagate halok, ninopase Ala were'ma nit lebe'nisikerek mene ap aike hùlìsanem werek. At atì ebe Yesùt Karìsùt oabùt higit hogo hagaterek mene a'nogoat o.

TITUT 2:6

Ati hagat he, it ap elege mene atì nen, yì mene hesik tì mene hesik inetaùken uan logouagalùk inasuk watì logoinoat o.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

YOHANET 14:9

at Yesùt en he, mel yogosike: “Pilipùt nagot e. An o hageat a'loma nenat ninom welago meneat he, hat en an nebe hùthanì'lek welagenma hìgì, ì a? At sa nen an eileken niike atì re, an nopaseat eileken hike o. Atì'nogo meneat he, hat en, Hopase atì yakùlnisan o, ìlùk egen atì nìkì'nogo nen egen.

YOHANET 8:19

it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

MATÌÙT 13:38

Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

MATÌÙT 13:19

Awì heik aike ebekalem lakhesike atì ebe re, it apùnì aike Ala awe a'ma hisikerek wene atì inasuk holharesigat he, ebe tùkùm hogo hùthìgì'lek halok, at oabùt weak mene a'nogo wagaresik he, wene inetaùkenma awì yago mene atì henogo helalùk lagarek atìat o.

1 TIMOTÌÙT 5:1

Hat en, ap inalùgetek halok he, hane uare'ma yogoisìgì'lek, we, hopaselak negen hane lìok hogoat inasuk watì logoino. Nen, ap elege atì re, hagaiya'lak negen hinom welagìk,

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

MATÌÙT 5:37

Hit en, Ì o, uogolùk halok, Ì oat unuk. Nen, Lek o, uogolùk halok he, Legat usak. Wene hùnogoat mene aike mangorasi lagep halok he, Ibilit oabùt weak mene a'nogo nen hina'la kagalho kolek ugun o,” ìlùk yogoisasike.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.