1 YOHANET 2:11 - Ala Ane Wene Ket Mene Warogo Wo'ninapike Wene

¹¹ Atì'nogo meneat he, sa nen erùgì agaiya'lak apsìrì welagarek halok he, at ebe o mùm oba werek o. Atì'nogo were'ma, mùm nen eileken mùmethikomo ebe o mùm oba nìkì logolìk, “Koma laga lagì heat,” okot oake palek werek o.

1 YOHANET 2:11 ပူးပေါင်းရင်းမြစ်များ

YOHANET 12:35

Atì'nogo yogosukwama, at Yesùt en he, mel yogoisasike: “An nebe lìarinapìrek mene a'nogo re, we, hamùlùgat ninom logogun o. Halok, at sa nen o hùako mùmmo laga halok he, O koma laga lagì he, okorat lìlì'logo atì nen he, hit laganem o mùm asinogo, ìlùk, an lìarinapìrek mene ninom werek kolek yaat lìa ba laga logoni o.

TITUT 3:3

It atì'nogo hagatì logousak atì re, nit alep ninetaùken lek ninoabùt kepù negen, ninasuk ware'legat, nong-hong hogo hagatì logolìk he, apùnì inogogì kaintek inawe a'ma welagaikarek hak, inoba aiyage lagagìk, ina'la nen yì mene tì mene walok akìgìk, egarek atì mene awe a'ma negen welagagu. Atì'nogo logolìk, it aike weagarinapìk, ua palhìk, it aike nit inapsìrì'ninapìk, nit en it ninapsìrìrinapìk, ìkì lagagu.

ABÌKAKAN 3:17

Hit he, hinelageigat, hineileken mùmat, hinalulukwaat, logolìgat he, Nit ninebe inetawì negen motok weagat welago, ìlùk hùthìgì'lek, hit en ìkì logolìk: Nit he, ninebe ninokawerek en kainerakogosik, yì mene tì mene ninelageik agì'lek, nineilmo wùlalhak welago, ìlùk ìkì lagep atì.

1 YOHANET 1:6

Nen, nit he, ninane ba nen, “At ninom hutik welago,” ìlùk ìkì logolìgat he, o mùmmo logolìk inoabùt hagatarek mene atì hagatì lago halok he, ebe mene hagatì'lek ninapeliak ìkì lago o.

1 YOHANET 2:9

Nen, sa nen, “An nebe lìa ba welagì,” ìlùk ìkì logolìgat he, erùgì agaiya'lak apsìrì halok he, o hageat en pìkìt yogotak ya, at ebe mùm oba werek o.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

YOHANET 12:40

“At Ala nen he, it ineileken nen tùkùm hogo hìlìk, ina'la ebethìlìk inoabùt hebelarìk he, an nawe a'ma waganem, an nen it hano hagarinabi nogo ìlùk, an nenat it ineileken mùmetsìgìk, ina'la pùgùtsìgìk, isigi o,” ìlùk isikomo, Yesaya nen helal waganogo hesikomo werek atì.

2 KORÌTÙT 3:14

Mene re, it atì inetaùken abirethesikomo welagaukwa. Yogotak hogo re, Ala nen, “Tì'nogo hagathinabigin,” ìlùk wene inom wasukwa mene helal waganek mene atì, it en etage salhenem he, inetaùken kagalasusak lek abit agaikesik apumeke laberek werek. Atì'nogo laberek mene atì, at Karìsùt inom hùnetenem enek he, inetaùken apumeke laberek mene atì elok hukalagarek atì.

2 PETERÙT 1:9

Atì'nogo meneat he, it hit mene he'na nen inoabùt atì mene ese agì'lek logogun halok he, ineileken mùmat apumeke salek werek. Atì'nogo logolìk, it en he, “Weak hagatì lagagu mene, Ala nen sobalninapike,” ìlùk usak meneat he, at oba lì'mathìlìk werek atì.

1 YOHANET 2:10

Atì'nogo meneat he, sa nen erùgì agaiya'lak etawìrogo welagarek halok he, at ebe lìa ba motok logolìk, apùnì nen it aike waroagalùk ineram en kwe palharek atì hak, it agaike weak hagasuagalùk lalinaperek lek o.

1 YOHANET 3:15

Inerùgì inagaiya'lak inapsìrì welagaikarek mene atì, it inebe lopok apùnì inoare meneat o. Nen, it apùnì inoare mene atì, inebe lopok nabùlal-habùlal ese agì'lek motok werek, ìlùk ninelu o.

1 YOHANET 4:20

Atì'nogo meneat he, apùnì nen inerùgì inagaiya'lak ineileken isagarek mene inetawì lek logolìgat he, Ala ineileken hagarek lek mene inetawì logousak akegep? Mea o. Halok he, at aike erùgì agaiya'lak apsìrì welagarek mene nen, “An Ala netawì,” ìlùk ìlì'logo halok he, apeliagat ìlì'logo o.