Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 YOHANET 2:1 - Ala Ane Wene Ket Mene Warogo Wo'ninapike Wene

1 Nen, nagainapùrì e. Hit weak hagatì logoinogo ìlùk, wene yì helal waganogo hinoba lakhei wagì o. Atì'nogo meneat he, sa nen weak hagate halok, ninopase Ala were'ma nit lebe'nisikerek mene ap aike hùlìsanem werek. At atì ebe Yesùt Karìsùt oabùt higit hogo hagaterek mene a'nogoat o.

အခန်းကိုကြည့်ပါ။ ကော်ပီ




1 YOHANET 2:1
47 ပူးပေါင်းရင်းမြစ်များ  

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Ala aput atì sa ìlùk apùnì obogat inokot meneat he, an nopase aligat enek elu welagarek. Ati hak he, an nopase Ala atì sa, ìlùk apùnì obogat inokot meneat he, aput an naligat enek nelu welagìrek o. Nen, Ala aput an nenat na'la akìlìk en, nopase ebe apùnì aike inelu asuagalùk nane pak hogo yogoisegein mene hùgì atìat inelu agaikarek o,” ìlùk, yogoisasike.


Nagainapùrì. An neki hamùlùgat enek ninom logopik en legein o. Lamo, hit en an nebe hera'napì logogun meneat he, alebat an nen ap Yahuri mane yogoisasigi hak, o an legeinmo atoma hit en hera'nabìk logoin lek o, ìlùk, yogotak hit yogohisìgìat o,” ìlùk yogoisasike.


Atì'nogo hagatenem, hit lebethisìkì logolìk, hinom motok logouageip en ìlùk, an nen nopase kìno yogosumo, at en ap aike pelakhisa wesigin o. At atì ebe re, Ala Areagùn ebe wene yogohisìkì logogin mene. Atì'nogo hinoba pelakhisa wesumo, it apùnì kweangma mene nen, at atì ebe inokorat. Nen, ebe ineileken hogoin legat, atì nen he, ebe wanusak mea o. Atì'nogo meneat he, hit enek he, at ebe hinom logolìk, hina'la motok logogin atì nen he, at ebe hinelu logogun o.


at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,


Atì'nogo hùthìgì'lek were'ma, at Yesùt en mel yogoisasike: “Ap sanì. Nagoromì. Ikan aike wanhep a?” ìlùk yogoisasikomo, it en he, “Motok lek o,” ìlùk yogosukwama,


Atì'nogo hagasukwasik oba nen, hobuk, at Yesùt Ala awì wùrì'mo ap a'nogo eperak apì agaukwasik he, mel yogosike: “Nopase. Yagotak hat hoba arat se agen atì re, hobuk weak hùko mene aike hoba asinogo nen he, weak mene aike hagatùn o,” ìlùk yogosike.


an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.


Sùpùrùk hili arìk lek asusak mane hesik yabu hagatùp o. At he, sùpùrùk motok logogin mene nìkì logolìk, ineluk motok logousak mane atì, an nenat wokhisìkì logouagalùk, nopase nen nayoko hìlìk lakhani wagaikomo, abat ta'lasi wagagi atì hesik yabu hagatì logoni o,” ìlùk yogoisasike.


at en he, “Noe. Motok lek o,” ìlùk, yogosikomo, Yesùt en he, mel yogosike: “An hogo re, ùkùm hoba hìlìk hoasigin legat o. Hebe haua lano. Lìlìk he, hùlì yogotak oba nen hobuk weak aike hagatì logogùn o,” ìlùk yogosikesik he, aua lakhesike.]


It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.


Nit alep he, Ala ninom weim palek were'ma re, hobuk at aput wa'laga logolìk, Ala ninom lapuk hogo hinasikomo welago. Atì'nogo were'ma, at ebe eluk logolìk he, telninabigin lek nogo? Alep telninabusak le'ma telninapikesik he, yogotak ninom hutik logolìk telninahiginat o.


Halok he, wene atì elùgùn oba re, nìkì'nogo usak? Nit ninebe wene Ala nen ninasuk wasike wene a'nogo oba hìpìrìk welago lek. We, Ala oabùt hano nen etawì'ninaperek atì oba hìpìrìk welago atì nen he, weak hagatì logousak nogo? Motok lek o.


Nen, ùkùm ninoba hìlìk he, sa nen weaga'ninabusak nogo. At Karìsùt Yesùt wa'lagaikesi'mo Ala nen eluguthesikomo re, pogot oba lagasikesik, at era'lu eki ebekwe kain logolìk he, nit hesik Ala ayoko hìlì'logo.


Weak hagatì lagep mene atì heraksìlìk he, yogotak hinepe hebela'ni o. Hit aike Ala ebe hinokot welagep atì nen, hinekalì wasigìlùk yogohisìgì atì.


Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.


Mene re, nagainapùrì hinebe netawìlak e. Hìmì nen omalik taginabuogolùk inapot heinet watarek hak, an nen hobuk takhinabumo, hit hinoabùt Karìsùt oabùt hake haga'la'lep e! ìlùk, hit hesik an noba ou heinet weak watì lagì.


Hina'mage lagaike halok, weak hagatùp. Hina'mage ìlìgìk were'ma, Ibilit en hina'la kagalinogo ìlùk, o mo eileken kopok hogo kìgì'lek werek kolek, sagalogo lìogora'no o.


Ala ebe omakeat o. Nen, Ala ninom nit apùnì ninom hùlisanem logolìk lapulninabì'logo mene ap ebe Yesùt Karìsùt atì omakeat o.


An hepok hea wesigìlùk na'la akìkì logolìgat he, oan wagì'lek logogin halok, nit Ala againapùrì ninom logolìk ninoabùt hagatì logousak mene helu asuagalùk wene yì obogat helal palogo hoba lakhei wagì atì. O re, tik Oba nen wùroak oba ning hogo welagarek atì hak, nit Ala eluk motok welagarek mene againapùrì atogotorek atì ba nen, Ala ane ebe wene ning hogo hesogo welagorek atì.


at Karìsùt o Ala okawerek awì ìlùk apùnì nen oba lìrogo wusukwa ba atì kisike hùk. Lek o. We, pogot ebe ba kisikesik Ala were'ma atoma nit hesik werek o.


Ninopase Ala nen he, “Apùnì nen an na'la hanorogo higit hano motok hagatì logousak he, yìtogo. Yekerùgì suarek mene mel, hìmì soge mene mel, nong arìk were'ma leberisìgìk, apùnì kweangma weak hagarì'lùgì mene atì inoabùt wanhì'lek inokawerek en tegelìgìk, ìkì logousak o,” ìlùk a'la akikerek atì.


Ninameli atì ba ninopase Etagepogot Ala hogoratìk, apùnì at ebe hake elalinapike mene homan hisìgìk, ogorek atì.


At en he, “Weak aike hagatì'legat. Nen, apeliak ikenem, apùnì aike inasuk holhì'legat o.”


Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.


Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.


At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.


Nagainapùrì e. It apùnì agaike nen lalhinabi nogo ìlùk hinoabùt hebelogo logoino o. Sa nen oabùt higit hogo hagaterek halok he, at Karìsùt oabùt higit hogo hagaterek atì hagat, hagato werek o.


Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.


Halok nagainapùrì e. At ebe mene welagarek atì heraksalùk, tùgì hareken oba hìpìrìk logolìk weak hagatarek atì hak, hagasinogo ìlùk he, agaseratì logolìk, hinoabùt hebelogo logoino o.


Atì'nogo ikenem he, an nen yì hesik, tì hesik na'la hai hamùlùgat negen hakìgìrek meneat he, hit hinebe an nagainapùrì nen ebe wene hesogo logolìk, hano higit hogo hagatenem nasuk holhìresik he, na'la hai apik hakìgìrek o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ