1 YOHANET 1:9 - Ala Ane Wene Ket Mene Warogo Wo'ninapike Wene

⁹ Mene re, nit weak hagato mene hukalogo hogoin halok, at oabùt higit motok logolìk, wene wa'nisikerek hagat hagateresi'mo re, nit weak hagatorek mene sagalogo heraksìlìk, weak hagasuogolùk nina'la kagalhorek mene sobalninaperek.

1 YOHANET 1:9 ပူးပေါင်းရင်းမြစ်များ

MATÌÙT 3:6

Wìrìk he, yì weak tì weak hagatì lagaukwa mene hukalogo heraksikenem, i Yoretan ima pegalinapì lagaike.

MAREKÙT 1:5

Atì'nogo yogoisikenem he, it apùnì o propinsi Yurea aike obogat mene inom, o kota Yerusalem mene inebe obogat inom, at oba atogosi waga lagaukwa. Atogosi wìrìk he, yì weak tì weak hagatì lagaukwa mene hukalogo heraksikenem, at en i Yoretan ima pelaginapi lagaike.

LUKAT 22:57

at Peterùt en labelhì logolìk he, mel yogosike: “Lek o. Hele yì! Ap atì ebe an nokot o,” ìlùk yogosike.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

LAKSASIKE 19:18

Nen, it apùnì inetaùken Yesùt oba hìpìrethesukwa mene hùgì inebe wìrìk he, weak hagatì lagaukwa mene apùnì logolek ineilhanem hukalhì lagaukwa.

1 KORÌTÙT 1:9

At Ala nen aput ninoe Etagepogot Yesùt Karìsùt hinom hutik logouageip ìlùk hinayoko hesike atì. Atì'nogo, at oabùt hùpùn mene nen hinayoko hesike atì nen he, ebe asigin ìlùk hinetaùken menenù sikip hogo logousak o.

1 KORÌTÙT 6:11

Alebat hit aike atì'nogo hagatì lagagip meneat he, yogotak he, Ala nen hina'la hano sobalogo hikasikesik, hinebe at okawerek hesik hakasikomo welagep o. Ùkùm hinoba welagaike mene atì, ninopase Ala Areagùn nen ninoe Etagepogot Yesùt Karìsùt etage ba, korogo wokhasikesik Ala hinom lapulogo hikasikomo welagep o.

EPESÙT 5:26

At Karìsùt en atì'nogo hagasike atì re, nit Ala againapùrì obogat ninebe ninoba ninagapùt lek, ninogat pulongsek lek, hano logou hak, at eilhanem ùkùm ninoba lek, hano motok tegelek logouagalùk, ninebe ima pela'ninapenem, at ane a'nogo ba, sobalogo hinìlìk, at okawerek hesik hakagalùk ebe wa'lagaike atì.

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

IBERANI 10:23

At oabùt he, “Wokhisegein,” ìlùk abok yogonisikeresik, ebe wo'nisikeregat atì, nit en he, “Eberogoat tip hogo wo'nisegein,” ìlùk apùnì ineilhanem ninane pak hogo ogorek mene atì iko motok logolìk, ning hogo hesogo logouok o.

IBERANI 11:11

Nen, at Aberaham ebe yaman agaikesik agwe Sara abìlì welagaike meneat he, at Aberaham a'la nen he, “Ala nen abok yogonisasike a'nogo eberogoat wo'nisegeinat o,” ìlùk etaùken Ala oba hìpìrethìlìk welagaike atì ba, aput Sara eak takasak elok agaikomo, takasike.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

1 YOHANET 1:7

Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.

ABÌKAKAN 15:3

Atì'nogo logolìk, wùnì at Musa Ala atitigeke a'nogo ho, Topa Eak a'nogo ho, eperak inawùnì watì logolìk mel ìkì lagaika: “Ala ninopase, u a e, Hat homame api'mo re, u a e, Yì mene tì mene hagasusak ene'ma re, u a e, Elalin hùkorogo inayùk mene nek hagatetek, u a e. Hat yì apùnì tì apùnì inopase Hetagepogot logolìk, u a e, Higit hogo nek hagarinapetek, u a e, Hano nek hagarinapetek, u a e, Ninopase, u a e.