1 YOHANET 1:8 - Ala Ane Wene Ket Mene Warogo Wo'ninapike Wene

⁸ Atì'nogo meneat he, nit en ìkì logolìk he, “Nit weak agaike hagatì'lek,” ìlùk ìkì lago halok he, ninapeliak ninokawerek lalìkì lago atì nen, ebe wene nina'la motok lek o.

1 YOHANET 1:8 ပူးပေါင်းရင်းမြစ်များ

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

ÙRÙM 3:10

Ala nan atì'nogoat isikomo, helal waganogo hìkì logolìk, mel isukwa: “Apùnì inoabùt higit hagatarek mane aike lek o. Omakeat halok aike legat o.

ÙRÙM 3:23

Nit apùnì obogat hageat en weak hagatorek atì ba, Ala ebe hogorato motok welagaikarek mene atì heraksalùk ninalepma walegat asi lagagusik welago.

1 KORÌTÙT 3:18

Hinokawerek en hinebe lalagùp o. Hat aike nen he: “An apùnì yoma inawene mene na'la kagalek o,” ìlùk akìkì lagen halok he, ha'la ebe wene atì kagalasuak en he, apùnì inawene atì ha'la abit asuak o.

KALATIA 6:3

Mene re, hat aike hetage lek logolìgat he, “An kain,” ìlùk, ha'la nen akìkì lagen halok he, hokawerek en lalìkì lagen atì.

2 TIMOTÌÙT 3:13

Weaga'ninapo kolegat, it aike weak hagatì logolìk lalinabì'lùgì mene atì, it aike nen lalinapenem, it en oko-oko lalinapìgat ìkì logolìk, weak arìk arìgat hùkorogo weak akogoin atì.

YAKOBÙT 1:22

Wene Ala ane atì hinasuk enek holìk kamo umo re, hinokawerek en lalogoin atì nen, hinasuk holìk, tùkùm hogo hagatì logoino o.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

YAKOBÙT 3:2

Nit apùnì obogat hano hagatì lago salek yì hesik, tì hesik, weagat hagatorek atì. Meneat he, sa nen ane ba nen wene weak mene aike ìgì'lek loporogo nek ikerek halok he, eki esok ebe obogat lopothìkì logolìk etaùken katok hogo wurigat werek o.

2 PETERÙT 2:13

It en it aike weak hagarinapì logogun atì ba, Ala nen oko weak hagarinabigin atì. It he, inetaùken sebelùhùk likeneat weak hagasu walok en hagatì logogun atì. Su hano werek kolek he, muli mene oba labulagìk, eil ho ìgìk, ikerek atì hak, hit pesta isago nikenem, it atì inetaùken sebelùhùk, yì mene tì mene inetaùken nen nikenem yì weak tì weak hagatì logolìgat, hinoba ki wìrìk, hinom omakìma nìkì logogun atì.

1 YOHANET 1:10

Atì'nogo meneat he, nit en he, “Weak agaike hagatì'lek welago,” ìlùk ogorek halok he, nit en he, “Ala apeliak ikerek,” ìlùk u hagat ogorek atì nen, Ala ane nit nina'la motok lek o.

1 YOHANET 1:6

Nen, nit he, ninane ba nen, “At ninom hutik welago,” ìlùk ìkì logolìgat he, o mùmmo logolìk inoabùt hagatarek mene atì hagatì lago halok he, ebe mene hagatì'lek ninapeliak ìkì lago o.

1 YOHANET 2:4

Mene re, sa nen, “An he, Ala ebe nelu,” ìlùk ìkì logolìgat he, at en wene ninasuk waterek wene atì hologo higit hogo hagatì'lek halok he, at apeliak ikerek atì. Halok, ebe wene atì a'la motok lek o.

1 YOHANET 4:20

Atì'nogo meneat he, apùnì nen inerùgì inagaiya'lak ineileken isagarek mene inetawì lek logolìgat he, Ala ineileken hagarek lek mene inetawì logousak akegep? Mea o. Halok he, at aike erùgì agaiya'lak apsìrì welagarek mene nen, “An Ala netawì,” ìlùk ìlì'logo halok he, apeliagat ìlì'logo o.

3 YOHANET 1:3

Hat en ebe wene hasuk hologo hano hagatetek atì nen, it Ala againapùrì ninerùgì ninagaiya'lak aike noba wagaikasik, mel yogoneta: “At en ebe wene hesogo logolìk hano higit hogo hagaterek,” ìlùk habok yogonetama nasuk holhìrìk he, na'la hai apik hakìkì lagi o.