1 YOHANET 1:5 - Ala Ane Wene Ket Mene Warogo Wo'ninapike Wene

⁵ Ala aput en yogonisìkì logolìk he: “Ala ebe re, lìa atìat ma re, o mùm at oba welagarek motok lek,” ìlùk yogonisasike mene, nit ninasuk arat holhugu mene yogohisìkì lago atì.

1 YOHANET 1:5 ပူးပေါင်းရင်းမြစ်များ

YOHANET 1:19

At Yohanet en wene atì'nogo yogoisiko were'ma, it ap Ala esewerek mene mel, inùkùl etage Lewi mene mel, inom en, “Yohanet. Hat hebe sa hak nogo,” ìlùk, oba hinok wanuagalùk, ap Yahuri mene o Yerusalem en laksa wagaukwama Yohanet oba wagaukwa.

YOHANET 1:4

Ninelugu'ninaperek mene ero arat welagarek atì nen he, nit apùnì lìa'ninabi wagaike.

YOHANET 1:9

At lìa ebe mene atì, kweangma yoma waga logolìk, nit apùnì obogat ninebe lopok lìa'ninabi wagaike.

YOHANET 8:12

Hobuk he, at Yesùt en it apùnì amanogo wene aike mel yogoisasike: “Apùnì lìarinapìrek atì, anat o. Sa nen an nopolik nìkì logogin halok he, an nebe lìa logolìk inelugurinapìrek mene a'nogoat wo'nabigin atì nen he, at atì o mùmmo nìkì logogin lek o,” ìlùk ìkì lagaikomo,

YOHANET 9:5

An kweangma yoma logolìk, nebe o lìa hake nogo nen he, apùnì lìa hagarinapìrek o,”

1 KORÌTÙT 11:23

Wene atì'nogo hagatì logousak hesik, ninoe Etagepogot en yakùlnesikomo re, an nen hit yakùlhisasigi atì.

1 TIMOTÌÙT 6:16

Nen, at ebe wa'lagì'lek esok motok welagarek he, at aligat o. At ebe o lìa ba motok were'ma, ineileken siluk pabuk ìlìk, oba horok hogo lasak mea. At ebe apùnì aike nen ineileken hìgì'legat. Atì'nogo hasak mea. Omame motok logogin mene atì, hogorato motok logouok o, ìlùk “Amin,” ìgì atì.

YAKOBÙT 1:17

Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

1 YOHANET 3:11

Wene Ala nen he, “Hit-hit netawì-hetawìrogo logoino o,” ìlùk yogonisasike mene, apùnì aike nen yogohisasukwama ero ba nen hinasuk holhigip atìat o.

ABÌKAKAN 21:23

Nen, o kota atoma Ala apopok yatìk, Topa Eak a'nogo esage hake yatìk, lìarogo yato kolek nogo nen he, mo mel, tugi mel, yatì logousak legat welaga hìgì.

ABÌKAKAN 22:5

Nen, Ala ebe apopok it inebe lìarinapo kolek nogo nen he, a hùako legat, nen esage mel, mo mel, yatì logousak legat, werek kolek, it kaintek inetagepogot logolìk, apùnì aike inawe a'ma hisìlìk hagisek moto'-motok logogun isìgì o.