1 YOHANET 1:2 - Ala Ane Wene Ket Mene Warogo Wo'ninapike Wene

² Nen, at eluk motok welagarek mene atì, ebe opase eperak eluk motok welagaikesik en, opase nen nit nineileken hoagalùk weinamethesikomo nineileken hasugusik enat abok yogohisìkì lago o.

1 YOHANET 1:2 ပူးပေါင်းရင်းမြစ်များ

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

YOHANET 1:4

Ninelugu'ninaperek mene ero arat welagarek atì nen he, nit apùnì lìa'ninabi wagaike.

1 TIMOTÌÙT 3:16

Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

1 YOHANET 5:11

At Ala nen aput hesik wene pak hogo yogonisìkì logolìk, “Inebe ineluk motok welagaikarek atì, ero re, an napurat ma re, an nen Yesùt ebe wokhisìkì logolìk, nabùlal-habùlal ebe mene wokhisasigi atì,” ìlùk yogonisasike.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

1 YOHANET 3:5

At Karìsùt okawerek weak hagatì'lek logolìk, nit weak hagatorek mene sagalogo legetsagalùk, ebe weinam hogo wagaike atì hinelu o.

2 TIMOTÌÙT 1:10

Atì'nogo akasike mene hinago were'ma, hobuk Karìsùt Yessut telninapùkwe ebe weinam agaike atì ba enagat agaike atì. At ane hano wene atì ba, wa'lagwì ero atì mabenetsìgìk, wa'lagì'lek nineluk motok logogun mene atì, weinamethìgìk, isike.

KALATIA 4:4

Were'ma re, at Ala nen aput ayoko hìlìk kweangma lakhei wesusak arat higit asi wagaikomo re, lakhei wagaikomo, he kweangma mene nenat tasike. Atì'nogo tasikomo, wene Ala nen ninasuk wasike wene a'nogo awe a'ma logolìk asuk hologo hagatì lagaike.

YOHANET 15:27

At en an nabok atì'nogo iko kolek, hit hogo re, an hit ninom alebat en welagorek atì nen he, hit en an nabok pak hogo yogoisìkì logogunat o,” ìlùk yogoisasike.

LAKSASIKE 3:15

Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

ÙRÙM 8:3

Alep he, wene Ala nen ninasuk wasike wene a'nogo, nit apùnì ninoabùt maben atì nen he, hano haga'ninabusak mea agaike. Mea agaikomo re, nit apùnì ninoabùt weak hagato were'ma, Ala okawerek aput nit hake haga'larìk, nit weak hagatorek mene atì ùkùm oba hìlìk mabenetsoagalùk lakhei wagaikomo mabenetsasike atì.

LAKSASIKE 10:41

Atì'nogo weinamethesike meneat he, apùnì obogat ineileken hìgì'lek. We, alebat at Ala nen, It inebe atemat ineileken hoak o, ìlùk wena'ninapike mene nek, at Yesùt ebe warek were'ma Ala nen eluguthesikomo, nit at ninom logolìk sùpùrùk mel, i mel, ninomat nasugu.

LAKSASIKE 5:32

Atì'nogo hagate ìlùk nit nineileken tùkùm hogo hogosik en, Eberogoat, ìlùk yogohisìkì lago. Apùnì Ala ane hologo hagatorek mene hùgì, at Areagùn wo'nisikerek atì ninom enat wene atì yogohisìkì lago,” ìlùk yogoisasike.

LAKSASIKE 2:32

Atì'nogo isike higit hogoat, at Yesùt Ala nenat eluguthikomo, nit ya obogat nineileken hogosik nineluat welago atì.

YOHANET 21:14

At Yesùt atì'nogo hagasike atì re, at ebe wa'lagaikesik en apotkwe eluk agaikesik oba nen, eki pìre ba agoromì inelokoma melagaikesik en aike hobuk melagaike atì.

YOHANET 17:5

Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

YOHANET 16:28

An nebe Ala were'ma nen apùnì kweangma mene inoba pi wagagi meneat he, yogotak it kweangma yoma hisalùk nopase oba napotkwe lagagin o,” ìlùk yogoisasikomo,

YOHANET 8:38

An he, nopase neperak logolìk neileken hìkì lagagi meneat yogohisiko kolek, hit enek he, hinopase a'nogo nen ikerek mene ane hologo hagatì lagep o,” ìlùk yogoisasike.

YOHANET 7:29

Atì'nogo meneat he, an enek he, at enat lakhani wagaikomo, o at were'ma atoma nenat wagagi atì nen he, an at ebe nelu o,” ìlùk yogoisìkì lagaikomo,

YOHANET 3:13

Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

1 YOHANET 1:1

Wene helal waganogo hinoba lakhei wago atì ebe re, ebe wene ninelugu'ninaperek mene emakum ero ba nen welagarek a'nogo mene. Wene atì, nit arat ninasuk holhìk, nineileken tomok hìgìk, yerogo welagìk, nineki hakìgìk, isugu mene a'nogoat o.

YOHANET 10:28

Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.

YOHANET 19:35

Atì'nogo haga'lagaike mene atì, hit hùthoageip ìlùk, ap aike eileken welagaike mene nen wene atì abok pak hogo ìlì'logo. Nen, at en hogo re, “Eberogoat neileken tùkùm hogoat hìgìrìk abok pak hogo yogoisìgì,” ìlùk, at eluat o.

1 YOHANET 2:25

Nen, at okawerek en, “Wokhisegein,” ìlùk abok yogonisasike a'nogo re, ninebe nabùlal-habùlal haga'ninabigìluk isike o.

1 YOHANET 4:2

Hit en he, “At atì Ala Areagùn mene a'la werek a? Hùnogoat mene a,” ìlùk inoabut tak palhì logousak atì re, yì'nogo. It aike wìrìk he, “At Yesùt Karìsùt atì, Ala nen lakhei wagaikomo eberogoat abat ta'lasi wagaike,” ìlùk pak hogo egarek mene nen iko halok he, hit en he, “It atì Ala Areagùn ina'la logolìk ìlì'lùgì,” ìlùk, hùrisìkì logousak o.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

1 YOHANET 5:13

Hit hinetaùken Ala aput oba hìpìrìk welagep mene hùgì hina'la nen he, “Nabùlal-habùlal ese agosik welago,” ìlùk, hinelu asuageip ìlùk, wene obogat yì helal waganogo hinoba lakhei wagì o.