1 YOHANET 1:10 - Ala Ane Wene Ket Mene Warogo Wo'ninapike Wene

¹⁰ Atì'nogo meneat he, nit en he, “Weak agaike hagatì'lek welago,” ìlùk ogorek halok he, nit en he, “Ala apeliak ikerek,” ìlùk u hagat ogorek atì nen, Ala ane nit nina'la motok lek o.

1 YOHANET 1:10 ပူးပေါင်းရင်းမြစ်များ

YOHANET 3:33

Atì'nogo heraksagarek meneat he, it apùnì aike nen he, At en wene pìlìngìrogo yogonisikerek mene atì eberogoat ìlùk wìlì'lùgì mene hùgì nen he, Ala ane atì eberogoat ìlùk wanharek o.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

1 YOHANET 1:8

Atì'nogo meneat he, nit en ìkì logolìk he, “Nit weak agaike hagatì'lek,” ìlùk ìkì lago halok he, ninapeliak ninokawerek lalìkì lago atì nen, ebe wene nina'la motok lek o.

1 YOHANET 2:14

Yekerùgì nagainapùrì e. Ninopase Ala hinelu agagisip welagep atì nen, helal waganogo hinoba lakhei wagìk, hit nopaselak, at emakum ero ba nen welagarek mene a'nogo ebe hinelu agagisip welagep atì nen helal waganogo hinoba lakhei wagìk, hit ap elege nagoromì, hit hinomame were'ma Ala ane hina'la were'ma re, at oabùt weak mene arat mabenethesigip atì nen, helal waganogo hinoba lakhei wagìk, ìgì atì o.

1 YOHANET 2:4

Mene re, sa nen, “An he, Ala ebe nelu,” ìlùk ìkì logolìgat he, at en wene ninasuk waterek wene atì hologo higit hogo hagatì'lek halok he, at apeliak ikerek atì. Halok, ebe wene atì a'la motok lek o.

1 YOHANET 4:4

Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.

1 YOHANET 5:10

Apùnì inetaùken Ala aput oba hìpìrethìlì'lùgì mene hùgì nen he, “Wene atì eberogoat o,” ìlùk ina'la nen hùthìlì'lùgì. Atì'nogo meneat he, apùnì aike inetaùken Ala ba hìpìrethìgì'lek mene hùgì nen he, “Wene Ala okawerek en aput hesik abok isike wene atì eberogoat,” ìlùk akìgì'lek logolìk, Ala apeliak ikerek mene negen hagarogo hìlì'lùgì o.