1 TIMOTÌÙT 6:3 - Ala Ane Wene Ket Mene Warogo Wo'ninapike Wene

³ It apùnì aike nen hano wene ninoe Etagepogot Yesùt Karìsùt en hagasike wene a'nogo mel, “Ala awe a'ma kìlìk, tì'nogo hagatì logousak,” ìlùk, wene yakùlisìkì lago mene atì mel, heraksìlìk, hùnogo wene yakùlisìlì'lùgì mene aike werek.

1 TIMOTÌÙT 6:3 ပူးပေါင်းရင်းမြစ်များ

1 TIMOTÌÙT 1:3

An o Epesùt en o Maketonia yoma wesigìlùk he, hat ha'la kagalogo wene mel ìlùk yogohesigi akìgì: “Hat hebe o yoma logoino. Logolìk he, it aike nen wene ebe mene lek. We, hùnogo mene yakùlisìlì'lùgì mene atì ìgì'lek kamo uagalùk inasuk watì logoino.

1 TIMOTÌÙT 1:10

ap en hìmì pailak haksìgìk, ap-ap haksìgìk, egarek mene mel, apùnì aike inagainapùrì mene ineki abusak hinaginaparek mene mel, inapeliak egarek mene mel, “Wene eberogoat igin,” ìlùk Ala etage hopuk paligat he, lalinaparek mene mel, it obogat atì'nogo hagatarek mene hesik isike. Nen, it aike inoabùt ebe wene hano'ninaperek wene atì sagalogo heraksìlìk kolo hagatarek mene an ìgì'lek mene obogat aike hesik inomat isike.

TITUT 1:9

Wene apùnì hanorinaperek wene yakùlisìkì logolìk inasuk hanorogo watìk, at en ebe wene ikenem, it aike nen, at ane sagalogo hagatenem, at en inane elok sagalogo hisìgìk, elogat ìkì logouagalùk, wene nit en yakùlesugumo, eberogoat ìlùk wanhìkesik, oabùt higit hogoat ning hogo hesogo welagarek mene halok menhousak o.

2 TIMOTÌÙT 4:3

Hobuk, it apùnì nen ebe wene inasuk tùkùm hogo holhì'lek logolìk, we wene inasuk holu walok en, yakùlisìkì logouagalùk it aike inebe apigat inayoko hìlìk, atogorinabugun atì.

ÙRÙM 16:17

Nerùgì nagaiya'lak. Hina'la kagalogo re, wene aike yì nane ning hogo yogohisak o. It apùnì aike hobuk wìrìk he, wene emakum yakùlhisasukwama wanhigip mene heraksìlìk he, hinebe mìkìlogo hikìgìk, hina'la weagathinapìk, iko halok he, hinepe hebelogo logolìk, inane hinasuk holhì'lek, heraksalùk kwanìrogo laga logoino.

TITUT 1:1

Titut naput e. An Paùlùt, Ala atitigeke logolìk, apùnì at en wenaginapike mene inetaùken at oba hìpìrethìlìk were'ma ago warisìgìk, nen, nit at awe a'ma logolìk ebe wene yakùlisìkì lago wene a'nogo tùkùm hogo inelu asuagalùk yakùlisìgìk, uagalùk Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hoba lakhei wagì atì.

2 TIMOTÌÙT 1:13

Wene an nen yakùlhesigimo wanhìgin a'nogo, an noabùt wìlìk, nit Karìsùt Yesùt ninom hutik logolìk, ninetaùken at oba hìpìrethìgìk, apùnì aike ninetawìrinapìk, ogorek hak ìkì logolìk, ha'la nen he, “Hano'ninaperek mene wene ebe yìat o,” ìlùk, ning hogo hakìlìk yakùlisìkì logoino.

1 TIMOTÌÙT 1:6

Mene re, it aike nen inoabùt hano hagatarek atì mene hagatì lagaikaresik en heraksalùk kwanìrogo tùlemat lek asigin mene atìat ìkì logolìk, inokawerek enat nong akìlì'lùgì atì.

1 TESALONIKA 4:8

Wene atì hit aike nen heraksìkì lagep halok he, nit apùnì ninane mene heraksìkì lagep hùk. Lek o. We, Ala nen Areagùn hit wokhisikerek mene a'nogo ane meneat heraksìkì lagep o.

TITUT 3:8

ìgì atì eberogoat o. Hat en it aike inetaùken Ala oba hìpìrìk werek mene hùgì nen, apùnì aike hesik hanorogo leberisagarek atì mene esinethìlìk akiluk hogo hagatì logoumo, apùnì obogat hesik hano motok, ìlùk, atì'nogo hagatì logouagalùk, inasuk ning hogo watì logoinogolùk, an na'la akìgì mene yogohetì atì.

MATÌÙT 22:21

it en he, “Arì Kaisat at o,” ìlùk yogosukwama, at Yesùt en he, “Kaisat mene halok he, Kaisat at wogotìk, Ala mene halok he, Ala at wogotìk, ìkì logoino o,” ìlùk, yogoisasikomo re,