1 TIMOTÌÙT 5:9 - Ala Ane Wene Ket Mene Warogo Wo'ninapike Wene

⁹ It hìmì soge mene Ala againapùrì nen leberisìkì logouagalùk inetage helal palugun halok he, inebe ta'lagaukwasik oba nen umur 60 tahun oan haga'lagì'lek mene inetage palusak lek o. We, umur 60 tahun haga'laga mene halok inetage palusak. Mene re, inagonì omakeat motok waganek were'ma soge hisaga mene halok inetage palusak.

1 TIMOTÌÙT 5:9 ပူးပေါင်းရင်းမြစ်များ

1 TIMOTÌÙT 3:2

Ati nen, ap Ala againapùrì serisek logouagalùk, inoabùt he, yì hake mene menhisasak. Apùnì aike nen, “At weak,” ìlùk ùkùm oba hìgì'lek mene halok, agwe omakeat mene halok, weak hagasuagalùk a'la kagalhenem tok wokhagarek hak wokhikerek mene halok, etaùken uan mene halok, hagasusak mene higit hogo hagaterek mene halok, ap pok inokot mene waganem woginaperek mene halok, wene sekek hogo yakùlisikerek mene halok,

1 TIMOTÌÙT 5:11

It hìmì soge tùgùm oan mene atì, Karìsùt inom hutik werek meneat he, heraksìlìk, agasabu nen inetaùken sebelusak lek asumo, ap aike wanusak atì nen inetage palhùn o.

1 TIMOTÌÙT 5:14

Halok he, it hìmì soge aike Ibilit opolik kwanìrogo wo'laka lagaika atì nen, it aike nit Ala againapùrì ninom weim palek hake mene nen ninabok weak palinogo ìlùk, it hìmì soge tùgùm mene atì, inagonì lopok woginabìk he, ineagwi tagasogo hanorogo tegelogo hagisek logouagalùk ìgì atì.

1 TIMOTÌÙT 3:12

It ap Ala againapùrì aike leberisùgùkwe logousak atì re, inagagwi omakeat waganek logolìk, inagainapùrì mel, inagoromì mel, hanorogo tegelogo hagisek welagaikarek mene halok menhisasak o.

1 TIMOTÌÙT 5:16

Mene re, he aike etaùken Ala oba hìpìrìk welagarek mene agosa aike soge mene werek halok, Ala againapùrì obogat inoba seget asi nogo ìlùk, at enat lebethìkì logousak o. Atì'nogo lebethiko kolek, it Ala againapùrì obogat en he, hìmì soge mene aike apùnì it mene nen leberisasak lek mene halok, leberisìkì logousak o.