1 TIMOTÌÙT 5:6 - Ala Ane Wene Ket Mene Warogo Wo'ninapike Wene

⁶ Mene re, it hìmì soge mene aike it walok mene, yùgùnat hagarì'lùgì mene atì, inebe ineluk werek meneat he, warek hake werek o.

1 TIMOTÌÙT 5:6 ပူးပေါင်းရင်းမြစ်များ

YAKOBÙT 5:5

Kweangma yoma hinagarok yì mene tì mene hineilmo wùlalhak logolìk, hina'la hairogo hinalawì ekin hogo helìkì lagep atì rì! Wam wasugun higit asi waganem ebe hisuagalùk sùpùrùk hùkorogo tatarek atì hak, hit hinebe weagathinabigin mene horok asi waga kolek, hinokawerek en hinebe takìkì lagep atì ri!

ABÌKAKAN 18:7

At he atì, okawerek en ìkì logolìk: An nebe kain logolìk, apùnì nawe a'ma hisìlìk hagisek logolìk he, soge hanhama nen na'la weak arìk le aga logogin nogo? Lek o, ìlùk yì mene tì mene oba hilarogo logolìk okawerek en hùkorogo hogorakiko motok werek atì hagat, heinet hùkorogo watì logolìk, a'la weak arìk le aga logouagalùk ùkùm wogo'no o.

ABÌKAKAN 3:1

Atì'nogo yogonetesik hobuk yogonetì logolìk: “Ala Areagùn ebe omakeat mene re, 7 salek a'nogo ese welagìk, hesagal ebe 7 nenat a'nogo nekim hesogo welagìk, ìgìrek mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Saritit atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak: Hit o Saritit mene apùnì nen hinabok ìkì logolìk, It ineluk werek, ìlùk, ìlì'lùgì meneat he, hinebe warek hake logolìk hinoabùt hagatì lagep mene atì an nelu o.

LUKAT 15:24

An naput yì wa'laga akogo mene eluk a'lùk waga yì! Motok nalaga meneat he, hobuk herakogo yì, ìlùk, ina'la hai apik hùkasukwa.

LUKAT 15:32

Meneat he, hat hagot yì re, wa'laga akogo mene re, eluk a'lùk waga o. Nalaga mene herakogo o, atì nen he, nina'la hai hakìkì logolìk hagasusak meneat hagatì lago, ìlùk yogosike,” ìlùk Yesùt en yogoisasike.

EPESÙT 5:14

Atì'nogo lìa ba hikenem enagat arik he, lia agarek atì nen he, mel egarek atì: “Hat nogo ìkì lagen atì, hebe heluk ame o. Nen, warek hake welagen atì, heluk ame o. At Karisùt en lìathabigin o,” ìlùk agarek atì.

EPESÙT 2:1

Hit alep he, Ala ane sagalogo weak hagatì lagagip atì nen, hinetaùken hesik hinebe warek hake welagagip.

LUKAT 15:13

Atì'nogo sùpùrisasikomo, aput elabo mene a'nogo eki aike inom welagì'lek, yì mene tì mene, at agaike mene hùgì motok heleleng hogo oko abarogo auang helalùk he, o walegat atoma lagaike. Lagaikesik atoma logolìk he, a'la ebetì'lek, we, yùgùnat hagarìk nìkì logolìk auang amanogo motok nalek-halek hogo hagasike.

MATÌÙT 8:22

Atì'nogo yogosikomo, at Yesùt en he, mel yogosike: “Heraksalùk he, an nopolik eme. Warek mene halok, it apunì inebe warek mene hake werek atoma nenat salinapì logouak o,” ìlùk yogosike.

KOLOSE 2:13

Hit alep he, hinogat etakwe hesik hinekalìma mene a'nogo pale'lek, weak hagato motok logolìk he, hinebe warek hake were'ma, at Ala nen nit weak hagatì lagagu mene sagalogo legetsìlìk he, Karìsùt hinom hutigat were'ma hineluguthinapike atì.

EPESÙT 2:5

Nit weak hagatì lagagu atì ba, ninetaùken hesik ninebe warek hake were'ma, Ala nen etawì'ninapikesik, Karìsùt ninom hùnogo hinìlìk ninomat ninelugu'ninapike. Ma re, hit at oabùt hano nenat telhinapike atì.

LUKAT 12:19

Atì'nogo hakìlìk werek kolek he, nokawerek en nasuk warìkì logolìk, Yogo. Mo lagagìk, pìgìk, iko kolek yì tahun tì tahun hesik nagarok apik elok hogo hakìgìrì'mo hano. Yogotak set walogo logolìk, sùpùrùk nìkìk, eken amusu nìkìk, nìkì logolìk he, na'la hai hakìkì logogin o, ìlùk, nokawerek nasuk warìkì logogin, ìlùk akìkì lagaikomo,

LUKAT 7:25

Ì a, at he, nena mene hineileken hilogohik laga lagasip. Ap aike asu hano motok mene laberek were'ma hùogolùk laga lagasip a? Lakhani! Ap kaintek inaua logolìk halogat inasu hano mene labetìk, inagarok yì mene tì mene apik hesogo welagìk, egarek akìgì.

LUKAT 16:19

Atì'nogo yogoisìlìk he, hobuk at Yesùt en wene aike mel yogoisasike: “Ap aike kain agarok motok apik logolìk he, asu oko apik hano mene nek laberìlìk, yì mene tì mene hanoma a'la heak hogo logolìk, ninhùp-nanhùp a'la motok hai hakìkì lagaike.

2 TIMOTÌÙT 3:6

Hìmì he'na yì mene tì mene ina'la nen walok akìlìk, weak haga'lùk inetaùken ekin logolìgat, wene yakùlho motok welagaikarek meneat he, ebe wene tùkùm hogo wanùhùgat were'ma, it ap inoabùt atì'nogo hagarì'lùgì mene atì nen, hìmì atì inauakwo inabusak kìlìk, inane ba lalinabìk he, inebe hele warogo negen haksìlì'lùgì atì.