1 TIMOTÌÙT 4:6 - Ala Ane Wene Ket Mene Warogo Wo'ninapike Wene

⁶ Wene hano wene ninetaùken Ala oba hìpìrethogorek mene a'nogo yakùlhetì lagagumo, hat en wanhìgitik higit hogo hagatì lagenl atì ba hebe kùlaga logolìk he, wene Yogotak yogohetì atì ninerùgì ninagaiya'lak Ala againapùrì mene aike yakùlisìkì logoino. Atì'nogo yakùlisìkì logogin halok he, hat Karìsùt Yesùt atitigeke logolìk, at hesik hanorogo hagatì logogin atì.

1 TIMOTÌÙT 4:6 ပူးပေါင်းရင်းမြစ်များ

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

TITUT 2:1

It atì'nogo werek meneat he, hat he, wene Hano'ninabì'logo wene atìat yakùlisìkì logousak higit hogoat yakùlisìkì logoino.

KOLOSE 4:7

At Tìkìkùt ninagot ninetawì mene, nit ninomat ninoe Etagepogot atitigeke logolìk, at hesik oabùt hùpùn hogo hagaterek mene nen wene an nabok hobuk yogohisa wesigin a'naga o.

MATÌÙT 13:52

Atì'nogo yogosukwama, at Yesùt en he, “Halok he, it ap Ala ane helal waganek esewerek mene amanogo nen, Ala nen awe a'ma hisikerek a'nogo wene yakùlho halok he, atì mel hake usak. Ap kain mene agarok etaùken hutìk mene hakikerek oba nen, ket mene wulabi wagìk, hageat mene wulabi wagìk, hobugalep wulabi wagarek hagat o,” ìlùk yogoisasike.

YURAT 1:5

Wene yogohisegein yì, hageat en hinelu meneat he, hobuk hina'la ebethisegein atì. Ninoe Etagepogot en againapùrì Isirael mene o Mesit were'ma telinapike meneat he, hobuk it mene aike inetaùken at oba hìpìrìk welagaukwa lek mene inoasike.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.

1 PETERÙT 2:2

Yì mene tì mene etuk mìkhìlìk, hano egarek atì hak, ninoe Etagepogot oabùt hano hegep atì nen he, omalik ketago mene eilak nele nen niko motok welagaikarek atì hak, wene hano wene hinetaùken atì ba wurik asumo hanothinabuagalùk, wene atìat hinamolorogo wanho motok logoino o.

2 TIMOTÌÙT 4:3

Hobuk, it apùnì nen ebe wene inasuk tùkùm hogo holhì'lek logolìk, we wene inasuk holu walok en, yakùlisìkì logouagalùk it aike inebe apigat inayoko hìlìk, atogorinabugun atì.

2 TIMOTÌÙT 3:10

It atì inoabùt atì'nogo enagat asigin meneet he, hat he, an nen wene yakùlisìgìrek mene mel, noabùt hagatìrek mene mel, “Tì'nogo hagasigin,” ìlùk na'la akìgìrek mene mel, netaùken Ala oba hìpìrìk welagìrek mene mel, netaùken uan welagìrek mene mel, apùnì obogat netawìrogo welagìrek mene mel, nepe morogo welagìrek mene mel, hageat en hùthanhì lagenat o.

2 TIMOTÌÙT 1:6

Atì'nogo hìpìrìk welagen atì nen he, an nen neki hùkùl sebelhenem, Ala oabùt hano nen, “Hat tì'nogo hagatì logoino,” ìlùk hoabùt wokhesike mene atì, etu hìrìmìtarek hak, ha'la agaken hogo arìk logoinogolùk ha'la kagalogo yogohetì o.

1 TIMOTÌÙT 6:3

It apùnì aike nen hano wene ninoe Etagepogot Yesùt Karìsùt en hagasike wene a'nogo mel, “Ala awe a'ma kìlìk, tì'nogo hagatì logousak,” ìlùk, wene yakùlisìkì lago mene atì mel, heraksìlìk, hùnogo wene yakùlisìlì'lùgì mene aike werek.

1 TIMOTÌÙT 4:16

Atì'nogo hagatì logolìk, hokawerek hesik inom, it apùnì aike yakùlisìkì lagen mene hesik inom, hoabùt hebelogo logoino. Hebelogo logolìk, ha'la pùk agì'lek, atì meneat hagato motok logoino. Atì'nogo hagatì logogin halok he, hokawerek en hebe telìgìk, apùnì aike hane holì'lùgì mene inebe telinapìk, igin o.

1 TIMOTÌÙT 1:10

ap en hìmì pailak haksìgìk, ap-ap haksìgìk, egarek mene mel, apùnì aike inagainapùrì mene ineki abusak hinaginaparek mene mel, inapeliak egarek mene mel, “Wene eberogoat igin,” ìlùk Ala etage hopuk paligat he, lalinaparek mene mel, it obogat atì'nogo hagatarek mene hesik isike. Nen, it aike inoabùt ebe wene hano'ninaperek wene atì sagalogo heraksìlìk kolo hagatarek mene an ìgì'lek mene obogat aike hesik inomat isike.

1 TESALONIKA 3:2

Werek kolek he, at ninagot Timotìùt, hano wene Karìsùt hagasike wene a'nogo ninomat, Ala hesik yogoisìlìk nìkì lago mene a'nogo, apùnì nen yì aik tì aik hagathinabì'lùgì atì nen, hit hinetaùken Karìsùt oba hìpìrethesigip mene abolok inogo ìlùk, hinetaùken ago wathinapìk, hinasuk watìk, ìkì logouagalùk hinoba lakhei wago atì o. Yì aik tì aik hagathinabì'lùgì atì, Ala nen wena'ninapì logolìgat, “Atì'nogo hagathinapì logogun,” ìlùk isike hagat haga'ninabì'lùgì atì, hineluat o.

KOLOSE 2:19

Ninebe yì ninùkùloak inom hutik were'ma, nineki ninesok ekalim ninomaken oba hùnogo hinasikomo, ninapùrùk nikenem amusu ninoagelekwe laganem, ninebe huko agorek hak, nit Ala againapùrì Karìsùt ninom hutik were'ma, at Ala nenat hùkothiaikerek atì. Meneat he, it atì atì'nogo ninoe kain Karìsùt inom hutik welagaukwasik enat he, hobuk kopologo laksasukwa atì nen, inane holhùp o.

PILIPI 3:16

Meneat he, yogotak ninoabùt wene atì higit hogo hagarìk waga lago hagat, atì'nogoat motok hagarìk laga logouok o.

EPESÙT 6:21

Wene an nebe yoma welagì mene mel, hagatì lagì mene mel, hit hinelùrogo, ninagaiyak Tìkìkùt netawì mene, ninoe Etagepogot hesik etaùken hùpùn hogo hagato welagarek mene a'nogo nen obogat yogohisa wesigin atì.

2 KORÌTÙT 6:4

Apùnì nen he, “It Ala nen inayoko hesikomo, at hesik hagatì logousak meneat hagarì'lùgì,” ìlùk hùthinoagalùk he, yì aik tì aik haga'ninapìk, wiik-weak hogo haga'ninapìk, hobo'nisìgìk, iko kolek, ninepe morogoat logolìk yì mene tì mene enagat hagatì lago.

2 KORÌTÙT 3:6

Ala nen wene ket wene ninoba wasike atì, nit en wolok loagalùk, at enat ninomame'ninapikomo elok wolok lasak welago. Wene alep inasuk wasikomo helal waganogo hesukwa mene higit hogo hagatì'lek halok, atì ba inebe inoaterek Meneat he, Ala Areagùn nen inelugurinaperek atì nen, nit wene alep helal waganek mene wolok lagì'lek, we, at Areagùn nen yogonisìlì'logo mene wolok laga lago atì.

1 KORÌTÙT 4:17

Hit an noabùt wanuageip en ìlùk, naput Timotìùt, nokawerek en tatì mene negen ebe netawì mene hinoba lakhei wagì atì. At he, ninoe Etagepogot eperak hutik logolìk, at hesik oabùt lenurogo hagaterek mene hinoba wìrìk he, mel yakùlhisegein: “At Paùlùt Karìsùt eperak hutik logolìk, it Ala againapùrì o yì awì tì awì atogotarek mene at okawerek hagaterek mene oabùt wanuagalùk, yì'nogo yakùlisikerek,” ìlùk hina'la eberogo yogohisa wesigin o.

ÙRÙM 15:15

Atì'nogo meneat he, at Ala oabùt hano nen an nayoko hesike atì nen, wene aike atì sùesika yì ba nayù'lek hogo ebethisìgì atì.

LAKSASIKE 20:35

Wene ninoe Etagepogot Yesùt okawerek en mel yogonisasike atì: It apùnì aike nen wokhisikenem helìlìk hina'la hai hakasak mea o. We, at he, hit hinokawerek en it aike wogisìkì logolìk hina'la hai hakasak o, ìlùk yogonisasike atì nina'la eberek logolìk he, an men it aike inomame lek mene leberisìkì lagì atì, hit en hùthanìlìk an noabùt waganogo hineki omamerogo leberisìkì logouageip ìlùk yakùlogo hagatì lagì atì,” ìlùk yogoisasike.

LAKSASIKE 20:31

Hinetaùken wekelogo logoino! An o mo lagagìk pìgìk iko kolek 3 tahun ninom logolìk he, kamo ìgì'lek likene nen, hùako nen, le aga logolìk, hinebe lopok hinasuk watì lagì a'nogo, hina'la eberek logoino o.

LUKAT 1:3

Atì'nogo walhìlìk wagaukwa meneat he, an hogo re, wene atì ero ba nen tùkùm hogo yakùlhì lagagisik nogo nen he, hat he, wene yakùlhesukwa mene atì eberogoat ìlùk akanok en he, wene ebe pìlìngìrogo helal waganogo hoba lakhei wesigìlùk akìkì lagìrìk wanhì lagì yì o. Noe.

LAKSASIKE 1:15

Atì sat, Ala againapùrì aike inom inebe 120 hake atogorek logolìk, at Peterùt ina'la mel agaikesik he, wene mel yogoisasike:

2 KORÌTÙT 11:23

It atì Karìsùt atitigeke logolìk, at hesik hamùlùgat hagatarek meneat he, an enek he, hùkoat hagatìrek o, ìlùk, apùnì sìnì'nùk mene nen egarek hak aike yogohisìgì atì. It be, seget hamùlùgat negen hagarek meneat he, an he, seget apik hìgìrek o. It he, omake like hake ineki hele watìk, tùgì inoatìk, inebe wa'lasusak negen motok inoatìk egarek meneat he, an enek he, ninhùp-nanhùp neki hele watìk, tùgì noatìk, nebe wa'lasusak negen motok noatìk, egarek o.

PILIPI 2:20

It apùnì aike yoma inoabùt hùnogoat hake werek kolek, at Timotìùt aligat oabùt an noabùt hake logolìk, hit hinebe etawìrogo hinoba eberogoat eberek welagarek.

PILIPI 2:22

Mene re, at Timotìùt oabùt enagat hagaterek a'nogo hinelu. Inagainapùrì nen inopaselak leberisagarek hak, at ebe re, Ala awe a'ma logolìk an lebe'neagalùk hano wene a'nogo neperak en yogoisìlìk nìkì lagosik.