1 TIMOTÌÙT 4:3 - Ala Ane Wene Ket Mene Warogo Wo'ninapike Wene

³ It en wene ìkì logolìk he, Hìmì woginabusak motok lek, ìgìk, Yì mene tì mene nekarek mene atì, aike yì mene wasa. Nìkì logousak lek, ìgìk, ìkì logogun,” ìlùk, Ala Areagùn nen yogonisasike higit hogo ìlì'lùgì atì. Meneat he, nekarek mene atì, Ala nen nit ninetaùken at oba hìpìrìk logolìk, ebe wene atì hùthogo halok he, hai warogo nìkì logouagalùk elalhike mene hesik ìlì'lùgì atì.

1 TIMOTÌÙT 4:3 ပူးပေါင်းရင်းမြစ်များ

1 TIMOTÌÙT 4:4

Yì mene tì mene Ala nen elalhike mene atì hano nek o. Sapan ikenem Ala ane atì ba hanothikerek ìlùk, “Yì weak mene,” ìlùk heraksìgì'legat, Ala hai warogo nìkì logousak enek.

IBERANI 13:4

Ap lek, hìmì lek, inoabùt yanani nìlìk negarek mene mel, ap inagagwì mene pailak haksagarek mene mel, it hobuk Ala nen ùkùm inoba hìlìk weagarinabigin atì nen he, ap en hìmì ìgìnaparek atì, apùnì obogat en esinethìlìk, yùgùnat haksìgì'lek hìmìap waganek mene lopok inom hano nogo ìkì logousak o.

ÙRÙM 14:6

It aike nen he: “O yogotak yì like nek he, yì mene tì mene hagasusak lek,” ìlùk egarek mene atì, ninoe Etagepogot hesigat akagarek o. Nen, it aike yì mene tì mene yùgùnat nekarek mene atì re, ninoe Etagepogot hesigat nìkì logolìk he, Ala hai watarek atì. Nen, it nekarek lek mene atì, ninoe Etagepogot hesigat nìkì'lek kamo ìkì logolìk he, Ala hai wataregat atì.

KOLOSE 2:16

Ati nenat, it apùnì aike nen he, “Sùpùrùk, i, yì mene nasak mene. Nen, ti mene nasak lek mene,” ìgìk, “Mo ti ba pike halok, ti ba lagaike halok, tì'nogo hagasusak mene,” ìgìk, “Tugi holelhe halok, tì'nogo hagasusak mene,” ìgìk, “Ineki Ala hesik welegat logolìk, tì'nogo hagasusak mene,” ìgìk, iko kolek, hit yùgùnat hagatenem, wene atì mene hesik, ùkùm hinoba housak lek.

1 KORÌTÙT 8:8

Yì mene tì mene nekarek mene atì nen Ala oba wo'nisek legein lek o. Nit nìkì'lek kamo ugun halok he, nong asugun lek. Nen, nogoin halok he, aike sabùrogoin legat.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

1 KORÌTÙT 7:28

Meme re, hit ap en hinagagwì helegep halok he, atì weak hagatep ìlùk usak lek o. Nen, hit hìlìmìkìrùgì salisik mene nen hinagonì helegep halok he, atì weak hagatep usak legat o. Meneat he, woginabìk, yì ekin tì ekin hogoin atì nen he, atì'nogo hanogo ìlùk ìgì o.

ÙRÙM 14:3

It yùgùnat nekarek mene atì inebe Ala nenat woginapomo. Halok, it nekarek lek mene atì ina'la nen, “It weak o,” ìlùk ùkùm inoba housak lek. Nen, it nekarek mene atì nen he, it nekarek lek mene atì ina'la meatsasak legat o.

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

1 KORÌTÙT 6:13

It aike nen yì'nogo egaregat: “Nekarek mene atì ninalabut hesik. Nen, ninalabut atì nekarek mene hesik,” ìlùk egarek. Atì'nogo egarek meneat he, pìreat he, at Ala nen hobuk legethegein werek o. Ala nen, ninebe yì re, pailak haksìkì logouagalùk weiname'ninapike hùk. At he, ninoe Etagepogot hesigat weiname'ninapike atì. Ninebe yì esewerek he, ninoe Etagepogot werek o.

MATÌÙT 15:36

Yogoisasikesik he, sùpùrùk horoti mene 7 nen aremnogo mel, ikan aremnogo mel, ekim wanhikesik, Ala hai warogo re, eki nen sùpùrùk horoti mene aremnogo kùrogo apùnì logolek amanogo sùpùrisoagalùk, at agoromì ane wanhì lagaukwa mene amanogo wogisasikomo, sùpùrisasukwa.

MATÌÙT 14:19

Yogoisasikomo re, wogosi wagaukwama, at Yesùt en apùnì apik amanogo mel yogoisasike: “Pipuk obakwe aroma hù'larìk lani o,” ìlùk yogoisasikomo hù'larìk lagaukwama re, sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo kùrogo re, agoromì ane wanhì lagaukwa mene amanogo nen sùpùrisoagalùk he, wogisasikomo sùpùrisasukwa.

LAKSASIKE 27:35

Atì'nogo yogoisasikesik, sùpùrùk horoti mene aike ekim wanhikesik he, it obogat ineilhanem Ala hai warogo, at tak kùrogo nasike.

YOHANET 6:23

hobuk so hunigat mene aike apùnì o etage Tiberiat mene nen warìk, ninoe Etagepogot Yesùt en sapan Ala hai warogo nen sùpùrùk horoti mene sùpùrisasikomo nasukwa ba a'nogo wùlùpukwasik were'ma, ineileken hasukwa.

LUKAT 24:30

Kisukwasik inom sùpùrùk nùogolùk he, hù'lagaikesik sùpùrùk horoti mene ekim wanhikesik he, Ala hai warogo kùrogo it aremnogo sùpùrisasike.

MATÌÙT 15:11

“Wene igin yì hit hùthoageip en he, hinasuk hanorogo holini o. Yì mene tì mene inapema kelaparek atì nen inebe weagarinaperek lek o. Mene re, inape ba nen wene egarek atì baat weagarinaperek o,” ìlùk yogoisasike.

1 TIMOTÌÙT 5:14

Halok he, it hìmì soge aike Ibilit opolik kwanìrogo wo'laka lagaika atì nen, it aike nit Ala againapùrì ninom weim palek hake mene nen ninabok weak palinogo ìlùk, it hìmì soge tùgùm mene atì, inagonì lopok woginabìk he, ineagwi tagasogo hanorogo tegelogo hagisek logouagalùk ìgì atì.