1 TIMOTÌÙT 4:12 - Ala Ane Wene Ket Mene Warogo Wo'ninapike Wene

¹² Hat hebe elege oan welagen atì nen, it apùnì aike nen ina'la meathagousak lek o. Hebe elegeat logolìk, apùnì aike inetaùken Ala oba hìpìrìk werek mene hùgì nen hat hoabùt wanuagalùk, hane higit hogo yogoisìgìk, hoabùt higit hogo hagatìk, apùnì hetawìrinapìk, hetaùken Karìsùt oba hìpìrìk welagìk, weak hagatì'lek heil lopok hogo welagìk, ìkì logoino.

1 TIMOTÌÙT 4:12 ပူးပေါင်းရင်းမြစ်များ

TITUT 2:7

Inasuk atì'nogo watenem, it en, hat hoabùt wanhì logouak en, yì hesik tì hesik hagatì logolìk hoabùt higit hogo hagatì logoino. Atì'nogo hagatì logolìk, “Wene yì esin mene,” ìlùk, higit hogo yakùlisìkì logoino.

2 TIMOTÌÙT 2:22

Ati nen he, hat he, it ap elege mene nen inoba aiyage lagalìk weak hagarì'lùgì mene atì heraksalùk, hese wo'lakìkì logoino. It apùnì aike inetaùken hano omakeat logolìk ninoe Etagepogot ayoko hìlì'lùgì mene atì hinom lapuk hogo logoino. Hinomat he, higit hogo hagatìk, Ala oba lopok hogo welagìk, apùnì inebe inetawìrogo welagìk, apùnì inom lìok hogo welagìk, egarek atì meneat musok laga logoino.

2 TIMOTÌÙT 2:15

Ala nen he, “Hat an hesik hano hagatì lagen,” ìlùk, yogohesuak en he, homamerogoat hagatì logoino. It aike yì mene tì mene hagasuagalùk inayoko hikenem he, hanorogo hagatì logolìk, inekalì lek hogo hagatarek atì hak, hat en ebe wene atìat higit hogo yakùlisìkì logoino.

1 PETERÙT 5:3

Ala againapùrì serisek logouagalùk sùpùrogo wokhisasike atì serisek logolìk, hinebe kain negen logolìk, mep lagai'lagak hogo hagarinapì logogùp. We, hit hano hagatenem ineileken hisìlìk hinoabùt waganogo hagatì logouagalùk, hano hagatì logoino.

1 KORÌTÙT 11:1

An Karìsùt oabùt waganogo hagatì lagì hak, hit en he, an noabùt waganogo hagatì logoino o.

1 TESALONIKA 1:6

Hit yì aik tì aik hagathinapo kolegat he, hina'la hai hakìkì logouagalùk Ala Areagùn nen hina'la kagalhìkomo, hai hakìkì logolìk, hano wene wanhìsigip he, nit ninoabùt wanhìk, ninoe Etagepogot oabùt wanhìk, isigip atì.

TITUT 2:15

Hat en wene atìat yakùlisikenem, it aike ina'la nen meathageinogo, hane ning hogoat ina'la kagalogo inasuk watì logoino.

MATÌÙT 18:10

Atì'nogo yogoisasikesik he, aike mel yogoisasike: “Malaikat Ala nen pogot oba nen yoko pelaksa wagarek mene nen yekerùgì yì hake serisek logolìk nopase eilhanem motok welagaikarek atì nen he, yekerùgì atì hina'la meatsagùp o. [

2 TIMOTÌÙT 2:7

Wene an nen yogohetì mene atì, ha'la ebetì logoumo, ninoe Etagepogot en obogat sekek hogo yogohesusak werek atì nen, oba ebetì logoino o.

YAKOBÙT 3:13

Hit aike hina'la kagauksek logolìk, yì wene tì wene hùkoat hinelu halok he, apùnì nen enagat hùthikoagalùk hinoabùt enago logolìk, hina'la kagauk hogo hanorogo hagatì logoino o.

YAKOBÙT 3:17

Atì'nogo meneat he, apùnì Ala nen ina'la kagalhenem, inoabùt esin hagatarek he, weak aike hagatì'lek ineil lopok hogo welagaikarek atì. Atì'nogo logolìk, apùnì aike inom lìok hogo welagìk, inoabùt enago welagìk, inane hologo hagatìk, e eken hano mene ìterek atì hak, hanorogo hagatìk, apùnì inetawìrogo motok welagìk, apùnì aike inelokoma hisìgìk, aike inapotma hisìgìk, ìgì'legat, inetaùken pìre welagì'legat, hanorogo hagatarek atì.

PILIPI 4:8

Nerùgì nagaiya'lak. Wene elùgùn oba yì aike yogohisak, Hina'la ebetì logolìk he, hanorogo hagatìk, hogorinabusak mene hagatìk, ìlì'lùgì mene oba ebetì logoino. Atì ebe re, wene eberogoat mene oba ebetìk, hogorasusak mene oba ebetìk, higit hogo hagatarek mene oba ebetìk, inoabùt lopoksek logolìk hagatarek mene oba ebetìk, inoabùt heanerogo hagatarek mene oba ebetìk, inoba lìok usak mene oba ebetìk, ebeto motok logoino.

1 TESALONIKA 2:10

Nit hit wene eberogoat ìlùk wanhìgip mene hùgì ninom logolìk he, apùnì nen, “It weak hagata,” ìlùk, ùkùm ninoba housak legat tegelek logolìk, higit hogo nek hagatì lagagu a'nogo, hit Ala hinomat hinelumo re, “Ati eberogoat,” ìlùk usak atì.

1 TIMOTÌÙT 1:14

Ati re, at ninoe Etagepogot Karìsùt Yesùt oabùt hano nen hùkorogo etawì'napike atì, noabùt he, at inom hutik logolìk hagatarek hagat, netaùken at oba hìpìrethìgìk, apùnì aike netawìrinapìk, hùkorogoat ìkì logouagalùk, nebe wo'napike atì.