1 TIMOTÌÙT 4:10 - Ala Ane Wene Ket Mene Warogo Wo'ninapike Wene

¹⁰ Ala ebe re, yì apùnì tì apùnì obogat telinapùkwe welagarek meneat he, esin hake re, nit ninetaùken at oba hìpìrethìkì lago mene hùgì telninaperek atì nen, ninetaùken at eluk motok welagarek mene oba hìpìrethìlìk, at hesik ninaberalì lek hogoat, ninomamerogo hagatì lago.

1 TIMOTÌÙT 4:10 ပူးပေါင်းရင်းမြစ်များ

1 YOHANET 2:2

At ebe atì'nogo logolìk, nit yì weak tì weak hagatorek mene sagalogo legetsìlìk, ho'ninaperek. Atì'nogo hagaterek atì re, nit weak hagatorek mene hesik enek hùk. At he, yì apùnì tì apùnì kweangma mene obogat weak hagatarek mene hesik ninomat ho'ninaperek o.

1 TIMOTÌÙT 2:6

At Karìsùt apùnì obogat weak hagatorek atì ba hele warogo ha'nisek were'ma hele hikalogo telninabigìlùk okawerek eram en, “Nebe noasuak” ìlùk wagaike atì ba, Ala a'la nen he: “Apùnì obogat telinabuaak,” ìlùk akikerek mene atì, enagat asusak higit hogoat enagat agaike atì.

YOHANET 1:29

Wene atì'nogo isukwasik, nogo ìlùk, hùenkwe, at Yesùt Yohanet oba waganem eileken lakhìlìk he, wene mel yogoisasike: “Ala ako topa mene nit apùnì kweangma weak hagatorek mane korogo heraksegein mene a'nogo waga a'lì hineileken lakhani.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

YOHANET 4:42

he a'nogo mel yogosukwa: “Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk, Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.

YOHANET 5:24

“It apùnì aike nen, an nane wanhì logolìk, inetaùken an lakhani wagaike mene a'nogo oba hìpìrethogoin halok, apùnì wa'la'lùk lagaikarek ero hebisalùk ineluk motok logogun mene ero ba arat wagaikasik werek o. Ineluk motok logogun mene ese agaikasik werek atì nen he, hobuk ùkùm inoba hegein lek o, ìlùk eberogoat yogohisìgì.

IBERANI 13:13

Atì'nogo wa'lagaike atì nen, nit kweangma yoma motok logousak lek. We, nit hobuk o motok logogun mene heratì lago atì nen he, at Yesùt apùnì nen inane lì'nù tìng-taung hogo yogotì lagaukwa atì hak, nit atì'nogo yogonisiko kolek, at oba leget abel etakwe wùlìpi logouok o.

1 PETERÙT 1:21

Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.

IBERANI 11:26

“Hobuk Ala nen oko wo'nesigin mene werek o,” ìlùk akasikesik he, “Yì mene tì mene hano mene apùnì o Mesit inekimo mene yì esin lek o,” ìlùk, heraksalùk he, “Karìsùt hesik nineba horothinìkì logousak atìat esin a,” ìlùk akasike.

1 TIMOTÌÙT 6:17

Yì mene tì mene obogat lek asigin meneat he, it ap kaintek inetagewerek mene atì ina'la nen hogorakìkì logolìk, “Nagarok kweangma mene yoma motok apik yì nen nebe hano logogin,” ìlùk, akìkì logoinogo. At he, at Ala yì mene tì mene obogat nina'la hairogo helìkì logouagalùk hùkorogo wo'nisikerek a'nogo nenat hano'ninabigin ìlùk hùthìkì logouak en inasuk watì logoino.

MATÌÙT 27:43

Etaùken Ala oba hìpìrìk logolìk, An Ala aput o, ìlùk ìkì laga a'nogo re, at Ala nenat teligin akike halok he, telìnìk he,” ìlùk isukwa.

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

1 KORÌTÙT 15:10

Atì'nogo usak mea meneat he, Ala oabùt hano nen nayoko hesikomo yì'nogo agagisik welagì o. Nayoko hesike atì we tùlemat hesike lek atì nen he, it aike obogat yabu hamùlùgat hake wanho kolek, an enek he, apik hake wanhì lagì o. Mene re, atì'nogo wanhì lagì atì re, an nen wanhì lagì hùk. Ala oabùt hano nen, neperagat logolìk wanì'logo o.

2 KORÌTÙT 1:10

Nit ninebe motogat ninoasugun, ìlùk akasugusi'mo nen, at Ala nenat telninapikesik he, hobuk telninabiginat o. Nit hesik hit ninomat sapan ìkì lago a'nogo ba, hobuk telninapo logoginat o, ìlùk he, ninetaùken at oba hakothìlìk welago. Hit en, nit hesik sapan iko motok logogun atì ba, at Ala oabùt hano nen nit telninapenem he, it apùnì aike apigat en ineileken nisìlìk Ala hai wasugunat o.

1 TIMOTÌÙT 2:3

At Ala telninapùkwe a'nogo a'la akìkì logolìk he, “Yì apùnì tì apùnì obogat telinapìk, ebe wene tùkùm hogo inelu asuagalùk yakùlisìgìk, usak mene,” ìlùk a'la walok akikerek atì nen he, hit atì'nogo ìkì logogun halok he, hano.