1 TIMOTÌÙT 3:6 - Ala Ane Wene Ket Mene Warogo Wo'ninapike Wene

⁶ Ap aike Ala ane oan kerat wanhe mene menhikenem, Ala againapùrì serisek logolìk, okawerek en hogorakamo re, Ala nen Ibilit ùkùm wogosike hak, atì'nogoat ùkùm oba housak atì nen, Ala againapùrì serisek logouagalùk menhousak lek o.

1 TIMOTÌÙT 3:6 ပူးပေါင်းရင်းမြစ်များ

1 TIMOTÌÙT 6:4

It atì nen he, wene ebe inokot meneat he, inokawerek hogorakìkì logolìk apùnì aike inom inane mene hesik wene palhìk, serep agìk, ìkì logouogolùk, inabìt logousak mene esinethìlì'lùgì atì nen, elùgùn oba re, apùnì aike inetaùken lek arìk, ebe wene inokot arìk, it-it inom ua palhik, wene palhìk, inapeliagat inabok weak palhìk, ina'la nen hohogomat ùkùm weak mene it aike inoba hìgìk, tùgì-tùgì wene-wene palìgì'lek iko motok welagaikarek atì. Atì'nogo hagatì logolìk ina'la nen he: “Nit Ala awe a'ma kìlìk hagatì lago atì ba, nineilmo wùlalhak asugun,” ìlùk, eberogoat salek akìlì'lùgì atì.

1 PETERÙT 5:5

Nen, atì hagat he, hit ap elege nagoromì. It aike nen Ala ane ba mel isukwa: “Apùnì inokawerek en hogorakikenem, Ala nen inoasigìlùk abìt isikerek o. Meneat he, inokawerek inetaùken seberogo logogun halok, etawìrinaperek o,” ìlùk helal waganogo hesukwama werek atì nen, hit en inalùgetek inawe a'ma kìlìk inane hologo hagatì logoino o. Atì'nogo hagatì logolìk he, hit obogat he, hinokawerek en hogorakìgì'lek inawe a'ma logolìk, hit aike nen it aike inatitigeke welagìk, it en hit hinatitigeke welagìk, ìkì logolìk lebet-lebet ìkì logoino o.

1 PETERÙT 2:2

Yì mene tì mene etuk mìkhìlìk, hano egarek atì hak, ninoe Etagepogot oabùt hano hegep atì nen he, omalik ketago mene eilak nele nen niko motok welagaikarek atì hak, wene hano wene hinetaùken atì ba wurik asumo hanothinabuagalùk, wene atìat hinamolorogo wanho motok logoino o.

2 KORÌTÙT 12:7

An nen, “Nabìkakan oba elalin neileken hìgì atì nayùk e,” ìlùk nokawerek en hogorakanogo ìlùk he, apùnì inebe bakwe alok kikenem heinet watarek hak, ou noba aganem heinet watì logouagalùk, noba hanhikomo, Ibilit en ayoko hesike mene hake noba were'ma, ninoe Etagepogot en henogo wulaksoagalùk neki hìnagan oba ayoko hìgì meneat he,

1 KORÌTÙT 8:1

Hit en he, “Tùgì hareken ako waretarek atì re, wene ero yì'nogo ìlùk ninelu nek,” egesep atì re, nit hùthogo. Mene re, wene atì'nogo inelu logolìk he, inokawerek en hogorakagarek meneat he, apùnì inebe inetawì logolìk hagatarek enek he, inetaùken wurigerinaparek atì.

1 KORÌTÙT 3:1

Nerùgì nagaiya'lak. An nen alebat he, wene apùnì Ala Areagùn ina'la werek mene hùgì yogoisagarek hak he, yogohisìgì'lek o. Atì'nogo yogohisasigi lek atì re, hit Karìsùt hinom hùnesigisibat he, hinoabùt hinesogat logolìk, omalik ketago mene hake welagagip atì nen he, apùnì inoabùt atì'nogo were'ma yogoisagarek hak yogohisasigi atì.

YURAT 1:6

Nen, at Ala nen it malaikat yoko pelaksa wagarek mene hagasusak mene sùpùrogo wogisasike meneat he, it aike nen inagaiya'lak hagasusak mene inaphane haga'lùk he, inokawerek inaua heraksasukwama, Ala nen hele motok logogin mene ba ineki hele warogo o motok mùmmo kweang abel makwe hisasikomo werek atì. Atì'nogo motok logopik en, hobuk apùnì ùkùm hùkorogo inoba hegein atì like, it inomat inoba heigìlùk he, ineki hele hikalinabigin atì hina'la ebe'ni.

2 PETERÙT 2:4

It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.

2 TIMOTÌÙT 3:4

inebe omakeat mene it aike nen inoasuagalùk yoko lagìk, inoabùt al hatok hogo hagatìk, inokawerek agaugerakìgìk, Ala ebe inetawìratì'lek, apùnì ina'la hairogo hagatarek atì meneat walok welagìk,

LUKAT 10:18

at Yesùt en he, mel yogoisasike: “Ibilit atì eilhabùt yegelogo lakhei wagarek hak, pogot oba nen pi waganem neileken hasigi o.

1 TIMOTÌÙT 3:7

Nen, ap Ala againapùrì serisek logousak mene atì, it apùnì etakwe mene nen abok weak palì'lùgì mene menhogoin halok, at ebe ina'la meathìlìk inabìreileken kelakhìgìk, paik hele hìlì'mo kerelagarek hak, Ibilit en a'la kagalìk ebe hakhìgìk inogo ìlùk, abok hano ìlì'lùgì mene halok menhousak o.