1 TIMOTÌÙT 3:2 - Ala Ane Wene Ket Mene Warogo Wo'ninapike Wene

² Ati nen, ap Ala againapùrì serisek logouagalùk, inoabùt he, yì hake mene menhisasak. Apùnì aike nen, “At weak,” ìlùk ùkùm oba hìgì'lek mene halok, agwe omakeat mene halok, weak hagasuagalùk a'la kagalhenem tok wokhagarek hak wokhikerek mene halok, etaùken uan mene halok, hagasusak mene higit hogo hagaterek mene halok, ap pok inokot mene waganem woginaperek mene halok, wene sekek hogo yakùlisikerek mene halok,

1 TIMOTÌÙT 3:2 ပူးပေါင်းရင်းမြစ်များ

2 TIMOTÌÙT 2:24

At sa nen ninoe Etagepogot hesik hagatì logolìk, atì'nogo hagasusak lek. We, apùnì obogat oabùt lìok hogo inom logousak o. Epe morogo logolìk, apùnì wene hanorogo yakùlisìkì logousak.

ÙRÙM 12:13

Ala againapùrì mene aike yì mene tì mene le'ma werek halok sùpùrisìgìk, ap pok inebe hinokot mene waganem hinaua hanorogo woginapìk, ìkì logoino o.

1 TIMOTÌÙT 5:9

It hìmì soge mene Ala againapùrì nen leberisìkì logouagalùk inetage helal palugun halok he, inebe ta'lagaukwasik oba nen umur 60 tahun oan haga'lagì'lek mene inetage palusak lek o. We, umur 60 tahun haga'laga mene halok inetage palusak. Mene re, inagonì omakeat motok waganek were'ma soge hisaga mene halok inetage palusak.

1 PETERÙT 4:9

Hinerùgì hinagaiya'lak hinom, hit aike nen it aike inaua lagìk, it en hit hinaua wagìk, ìkì logolìk, inebe woginabìk he, hina'la nen, “Nabìt e,” ìlùk akìgì'lek woginapì logoino.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

IBERANI 13:2

It apùnì aike nen he, malaikat mene inebe ap pok salek inoake palek woginapukwasik inaganeke wanhukwa atì nen he, ap pok hinoba wago halok he, hinobaken nene heraksìgì'lek woginapì logoino o.

TITUT 2:2

Ap inalùgetek mene atì, weak hagasuagalùk ina'la kagali waganem, tok wokhagarek hak wokhìgìk, inoabùt he, inoba haro welagìk, inetaùken uan welagìk, inetaùken wurik hogo Ala oba hìpìrethìlìk, apùnì aike inetawìrogo welagìk, yì hesik tì hesik inoba aik hìkì logolìk, inepe morogo welagìk, ìkì logouagalùk inasuk watì logoino.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

1 TIMOTÌÙT 4:3

It en wene ìkì logolìk he, Hìmì woginabusak motok lek, ìgìk, Yì mene tì mene nekarek mene atì, aike yì mene wasa. Nìkì logousak lek, ìgìk, ìkì logogun,” ìlùk, Ala Areagùn nen yogonisasike higit hogo ìlì'lùgì atì. Meneat he, nekarek mene atì, Ala nen nit ninetaùken at oba hìpìrìk logolìk, ebe wene atì hùthogo halok he, hai warogo nìkì logouagalùk elalhike mene hesik ìlì'lùgì atì.

LUKAT 1:6

It agwe eperak atì re, ninopase Etagepogot en, “Yì'nogo haga'no, tì'nogo haga'no,” ìlùk, yakùlnisìgìk, ninasuk watìk, isike mene a'nogo, motok higit hogoat hagatì lagaukwama re, at Ala nen he, “It atì inoabùt hano motok,” ìlùk, enagat eileken isìkì lagaike.

LUKAT 2:36

Nen, o atoma he aike etage Hana. Ap Panùel ùkùl etage Aset mene a'logo, Ala ane yogoisikerek mene welagaike. At agùn wanhìkesik oba nen 7 tahun eperak welagaukwasik,

1 TIMOTÌÙT 3:8

Atì hagat he, Ala againapùrì mene leberisìkì logouagalùk, inoabùt yì hake mene menhisasak. Inoba haro mene halok, inameli pìre agorogo egarek lek mene halok, anggur eken amusu inoba lagolek nekarek lek mene halok, uang, yì mene tì mene, hano mene, “An enek noba logoilep,” akagarek lek mene halok, menhisasak o.

1 TIMOTÌÙT 3:12

It ap Ala againapùrì aike leberisùgùkwe logousak atì re, inagagwi omakeat waganek logolìk, inagainapùrì mel, inagoromì mel, hanorogo tegelogo hagisek welagaikarek mene halok menhisasak o.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

1 TIMOTÌÙT 5:22

Apùnì aike Ala hesik hagatì logouagalùk, inùkùloak hepok-hepok sebelinapì logogùn o. Nen, it aike weak hagatenem hinom hagatì'lek heil lopok hogo logoino.