1 TIMOTÌÙT 3:16 - Ala Ane Wene Ket Mene Warogo Wo'ninapike Wene16 Wene atì, nit Ala awe a'ma logolìk eberogoat ìlùk akogorek wene hinago welagaike mene Ala nenat hukalogo weinamethesikomo, “Wene atì esin,” ìlùk pak hogo ìkì lago. Ati re: At Karìsùt ebe apùnìat weinam agaike o. At Ala Areagùn nen, “At Karìsùt atì eberogoat,” ìlùk sele'mathesike o. It malaikat Ala nen yoko pelaksa wagarek mene ineileken hasukwa o. Agoromì nen at hagatì lagaike wene a'nogo yì apùnì tì apùnì etakwe mene yogoisìlìk lagaukwa o. Apùnì o yì awì tì awì mene aike apigat en, “At ebe eberogoat,” ìlùk, inetaùken at oba hìpìrethesukwa o. Ala nen pogot oba hogorato motok welagaikare'ma lìakhesikomo welagarek o. Wene atì re, at Ala nenat weinamethesikomo pak hogo ìkì lago o. အခန်းကိုကြည့်ပါ။ |
1 TIMOTÌÙT 3:16
81 ပူးပေါင်းရင်းမြစ်များ
Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.
Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.
Hinok wanhenem, at Ala nen he, “Wene atì re, hit hinokawerek hesik he, lek o. It hobuk oan mene hesik hagatì lagep o,” ìlùk hit hesigat isike. Atì'nogo yogoisasikesik welagaikesik en, hobuk Ala Areagùn pogot oba nen pelakhei wagaikomo, it ap hano wene Yesùt Karìsùt hagasike wene a'nogo yogohisoagalùk ina'la logolìk yogotak pak hogo yogohisìlì'lùgì ebe atì hesik ìkì lagaukwa atì. Wene atì, it malaikat Ala nen yoko pelaksa wagarek mene amanogo nen he, “Eige, nit wene atì tùkùm hogo ninelu a'lo e,” ìlùk akagarek.
Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.
Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.
Atì'nogo hìgìrìk oba nen, opolik neileken isìgì re, yì apùnì tì apùnì inùkùl etage lopok, inogat lopok, inawì lopok, inane lopok, su kut uatek laberek mene, apùnì nen etawì watì logolìk, yapeka hukalogo inekimokwe wanharek atì hak, e eka mene inekimokwe wolok, Ala kain welagarek obùlùk oba atoma Topa Eak eperak were'ma ineilhanem atogorek inebe hùlì yì ba ìlùk, ineki wenasusak motok mea logolìk, inane hùkorogo mel ìkì lagaika:
Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.
Nit ninopalak he, it en tagokwe mene. At Karìsùt ebe nit apùnì ta'lagorek hak ta'lagaike atì, it mene nen tasukwa mene re, ebe Ala meneat o. Yì mene tì mene obogat he, a'ma negen meneat he, at enek he, abel pokwe hesaksek atì nen he, at enek hogoratì logogun atì, ebe asuak, ìlùk u hak, “Amin,” ìkì logouok.
Alep he, wene Ala nen ninasuk wasike wene a'nogo, nit apùnì ninoabùt maben atì nen he, hano haga'ninabusak mea agaike. Mea agaikomo re, nit apùnì ninoabùt weak hagato were'ma, Ala okawerek aput nit hake haga'larìk, nit weak hagatorek mene atì ùkùm oba hìlìk mabenetsoagalùk lakhei wagaikomo mabenetsasike atì.
Atì'nogo hìgìrìk, hogoratì lagima, malaikat a'nogo nen mel yogonete: “Nahalok hogoratì lagen. An nen, he atì ebe ho, yeke lo yeke hake ùkùloak 7 ba, nen, aik ùkùloa'ma 10 nen wùlìk mene, apot oba at he atì hùrek were'ma wolok nikerek mene atì ho, eperak hesik wene hinago werek mene hùkalogo pìlìngìrogo yogohesik o.
At wesigin atì like ebe waganem he, okawerek againapùrì inetaùken at oba hìpìrethìlìk welagaikarek mene nen, at ebe hogoratìk, agaugeratìk, uagalùk wesigin atì. Nen, nit en wene atì ninelu mene pak hogo yogohisa wagagumo re, hit en, “Eberogoat o,” ìlùk wanhìgip atì nen, hit ninom enat, at hogorasugun o.
Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.
Motok lek o. Apùnì inebe lopok inane inera um lìbìlogo iko halok he, Ala ane eberogoat enek ikerek, ìlùk wene helal waganogo hìkì logolìk he, mel isukwa: “Hat Ala hane eberogoat enek ikenem ebe nek agarek. Apùnì nen mabenethagauogolùk ikenem he, hat he, maben agatek lek o. Homame nek agatek,” ìlùk helal waganogo hesukwa atì.
Atì re, it ap at ane yogoisìkì lagaukwa mene amanogo nen helal waganogo re, sele'mathesukwama were'ma an nen yogohisasigi atì. Yì ap tì ap inùkùl etage lopok obogat wene atì inasuk holìk inetauken Yesùt oba hìpìrethìlìk ane hologo hagatì logouagalùk, at Ala esok motok welagarek mene a'nogo nenat: “Wene yì apùnì inelu asuak o,” ìlùk isike.
ကြော်ငြာတွေ