1 TIMOTÌÙT 3:1 - Ala Ane Wene Ket Mene Warogo Wo'ninapike Wene

¹ Wene yì, eberogoat mene igin o. It aike ina'la nen akìkì logolìk he, “An Ala againapùrì serisek logoile,” ìlùk, ina'la akaga halok he, atì hano motok meneat walok en akaga atì.

1 TIMOTÌÙT 3:1 ပူးပေါင်းရင်းမြစ်များ

TITUT 1:7

Ap Ala againapùrì aike serisek logolìk he, Ala hesigat hagatì logogin atì nen he, it aike nen ùkùm oba hìlì'lùgì lek mene halok, menhousak o. At en he: “It aike ikenem weak. An ìgì nek he, hano,” ìlùk, ikerek lek mene halok, a'mage horok hakoksek lek mene halok, i anggur amusu oba lagolek nikerek lek mene halok, oabùt asialoksek welagarek lek mene halok, “Uang, yì mene tì mene an enek noba logoilep,” ìlùk, akikerek lek mene halok,

LAKSASIKE 20:28

Wam topa wam serogo welagaikarek atì hak, hit en Ala againapùrì serisek logouagalùk, at Areagùn nen hinayoko hesikomo, serisek logolìk he, hinokawerek hinepe hebelogo logoino o. Atì'nogo hinepe hebelogo logolìk he, Ala againapùrì yoma, at okawerek aput amep oba woginapikomo inebe at okawerek againapùrì werek, ìlùk hanorogo serisek logoino o.

1 PETERÙT 5:2

Ala nen he, “An nagainapùrì wam topa wam hake tì'nogo serisek logoino,” ìlùk hinayoko hesike hagat serisek logoino. Serisek logolìk, hinokawerek hinabìt werek kolegat, apùnì aike nen, inane keirogo yogohisikenem serisek welagìk, nen, hina'la nen, “Oko aike wo'nisoak,” ìlùk akìkì logolìk serisek welagìk, ìkì logogùp o. At he, we, hina'la hairogo serisek logoino o.

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.

1 PETERÙT 2:25

Hit alep he, wam topa wam kwe nong asi lagarek atì hak, nong asi laga lagagip meneat he, yogotak at Ala nen, ap hinebe hakhisek logolìk sethisek welagarek mene oba hinapotkwe wokhisek hika wagama welagep o.

IBERANI 12:15

Apùnì hit mene aike Ala oabùt hano nen wo'nisikerek mene atì heraksalùk wùlùpenem he, alealeka hulelek were'ma, hano mene oba arìk alethikerek atì hak, at atì nen apùnì obogat weagarinabinogo ìlùk hineileken hanorogo logoino o.

2 TIMOTÌÙT 2:11

Wene mel ìlùk egarek yì re, eberogoat o: Nit at ninom wa'lago mene halok, at ninom nineluk motok logogunat o.

1 TIMOTÌÙT 4:9

Halok, wene atì ninetaùkenma tùkùm hogo wanusak o.

PILIPI 1:1

Hit Ala againapùrì Karìsùt Yesùt hinom hutik logolìk, o Pilipi welagasep mene, hinebe obogat mel, hakhisek welagaikarek mene mel, lebethisagarek mene mel, nerùgì nagaiya'lak. An Paùlùt Timotìùt neperak en Karisùt atitigeke logolìk wene helal waganogo hinoba lakhei wago atì.

LUKAT 15:10

Atì hak, apùnì weak hagatarek mene omakeat aike oabùt hebelhe halok he, it malaikat Ala nen yoko laksa wagarek mene amanogo ina'la hai apik hakogoin o, ìlùk eberogoat yogohisìgì,” ìlùk yogoisasike.

TITUT 3:8

ìgì atì eberogoat o. Hat en it aike inetaùken Ala oba hìpìrìk werek mene hùgì nen, apùnì aike hesik hanorogo leberisagarek atì mene esinethìlìk akiluk hogo hagatì logoumo, apùnì obogat hesik hano motok, ìlùk, atì'nogo hagatì logouagalùk, inasuk ning hogo watì logoinogolùk, an na'la akìgì mene yogohetì atì.

LAKSASIKE 1:20

Atì'nogoat, at Peterùt en mel yogoisasike: “Wùnì helal waganek Masimùt a'nogo ba mel isukwa: O at were'ma awì somong asuak. Apùnì aike at aua atoma inebe legat logouak o, ìlùk helal wanhukwa. Nen, aike mel isukwaat: At ebe etagewerek welagarek mene atì ap aike logouak, ìlùk isukwa.

1 PETERÙT 4:15

Meneat he, it aike nen apùnì inoatìk, yogot wanhìk, weak hagatìk, it aike inawene mene talepogoke hagatìk, ikenem, yì aik tì aik inoba agarek atì hak, hit atì'nogo hagatenem hinoba asinogo.

1 TESALONIKA 5:14

Nerùgì nagaiya'lak. Hit en he, it aike yabu wanùhùk inaberalì weak mene atì inasuk watìk, inayùk hoporek mene atì ina'la kagalhìk, inomame lek mene atì leberisìgìk, ìkì logolìk he, apùnì obogat hesik hinetaùken uan hogo hagatì logoino.

ÙRÙM 11:13

Wene yì hit apùnì etakwe mene yogohisak. Ala nen he, an nayoko hìlìk hit etakwe mene hinoba lakhani wagaikomo wagagisik hagatì lagì atì nen, esin motok ìlùk hogorakìkì lagi o.